PHAJHI" DANG: 1:3 - Lacid Common Language Bible

³ Re" kangso' gyung: khyoo: gi moo" zei: ziyo' moo" joem koid wigi hau: shid re" yo" ci: shug wa zi nang moo ci yo" la".

PHAJHI" DANG: 1:3 교차 참조

PHAJHI" DANG: 2:11

Hau: thang: ngoo gi ngoo koid lid loo bye: zi dangain" da" khyoo: yo' hau: ziri khayhi' yoem: kaid lho: moo" zei: lo ziri myid yu" da:. Ngoo gi ci we' anghoid nhung: ziri myid boin: re" bye:. Hau: zigi lid ri cang khaid ziyo' du da:. Dajhi' we' akyu" aboo nghoid da:.

PHAJHI" DANG: 2:18

Ngoo moo" zei: lho: shoug" yu to" da" zi ce: daja: we' nga" shid re" dang: kang: aboo. Ciwim gari hau: gu: ri nga" khoo: moo xo' zhung: su: da" lo, khyoo: too" byid: kho' ca" wa ziri ngoo se' da:.

PHAJHI" DANG: 2:19

Houg: lho: nyang: gi phajhi" bo ri boo wa.- nheig agyeing: ri agyeing: wa hang" se'. Nghoid loug we' he: mougmyid tho' moo ngoo moo" zei: da" akyu" ja: khang" moo" ri nga" phajhi' yo' shoug" yu to" da" ja: khang" moo" ri nyang: seing: yu ri" wa. Hau: zi dangain" akoem: danghoid.

PHAJHI" DANG: 2:22

Nang gi moo" zei: wigi pyaid thang sho' seing" kho" nyid. Hau: shid re" ci: shug byid: wa ci: yo" lha".

PHAJHI" DANG: 3:9

Ngoonu" zei: da moo" dangain" mo ci: shau" yu la".

PHAJHI" DANG: 4:3

Nghoid loug we' hau: eig ja: goin" tho' je gi mo, gi khanham we' akhu: yu" bang: yo' he: mougmyid dang moo nyeing aveing" tarha" ri khanham we' ashau" myang bang: nghoid da:.

PHAJHI" DANG: 4:7

Byu apyaid moo akoem: nghoid da" gootu: daja: ri we' ngoo xoem" nyid bye:.

PHAJHI" DANG: 5:16

Hau: zigi ajoo nghoid da:. Ngoonu" re" ziyo' dakyoo" ngoonu" lo" da:. Ngoonu" gi moo" zei: boem- lid ri cang khaid myheig boem. Houg: lho: nyangnu" ci yo" yu la".

PHAJHI" DANG: 5:18

He: ziri ngoo shoug" myang yu byu dayug shid re" ge thang khyoo: yo" koid zigi Mangso wigi nyang: ri byid: to' da" apyaid aleing" kyeing" da" ayo, moo ayo" ziri zo: lho: shug lho: pyoo: pyoo: yo" nyid zigi nghoid abye:. He: zigi byu xangsu: da" vhu" pi: lo, kyo' nghoid da:.

PHAJHI" DANG: 6:12

Yoeb byoo yo' dayhang: ti" lid: loo" bye: kangso' gyung: khyoo: nghoid da" nya: kangso' gyung: khyoo: akoem:- he: aleing" kyeing" da" ayo, moo byu dayug shid re" ce: ja: ge thang ziri khasu" yo" si' wa la". Byu dayug shid: byug thang: ri mougmyid dang moo cibue" wa ziri khasu" yo' si wa la".

PHAJHI" DANG: 7:11

Kangso' dei nyid da" yugkhang" moo" gi phajhi" boo ca" da:. Hau: zigi mid ri shau" kham yu yhi' ge da:.

PHAJHI" DANG: 9:13

He: mougmyid yo' sen: wigi phajhi" khasu" akyu" bo da khyoo: dang: tu' gi ngoo myang zi gootu: daja: jo, ashi".

PHAJHI" DANG: 9:3

Dangain" bang: jang" moo vhu" pi: lo, kyo' daja: za: ju" re" da:. Houg: lho: he: ziri mougmyid dang moo bue" da" ja: khang" moo" yo' dakhyo" shoid nyid da:. Byu joem dadei nyid nyid gi nyangnu" da" myid gi akhyeing" ashoeb ziyo ko" zi byeung" jo, ago". Houg: lho: nyangnu" gi nyeigdain tung" za: shid: lo" ago".

PHAJHI" DANG: 9:6

Nyangnu" da" jheddab myid- nyangnu" da" ngheing" khyoo:- nyangnu" da" vho: ngei khyoo: joem dangain" gi nyangnu" yo' dage" shid: byug da:. Nyangnu" gi he: mougmyid dang moo bue" zi ci: moo we' doem yo" bo boo wa zi anghoid.

ESAIA 55:2

Nheig atho shid: da" ja: shid re" ciwim yoomo ngei ri yhung: pyam boem la". Ciwim nanu" da" vhu" kung: phoug" ngei ri yhung: pyam wigi zooyoid nyid boem shi" go" la". Ngoo tid ziri tam" gyo: wigi ngoo tid khyo" koid ge'. Nanu" gi ge thang da" zoo: noem dangain" yo' yo" pyo: boem goo" wa.

HABAKU 2:13

Nang khyo" ung: pyam' da" byumyu" yigi akoem: moo zei: myung: pyam' lho: nyangnu" zhug to" zi dangain" myi: nge" pyam' bye:. Yoem: moo" bo da" Aseing gi he: moo" ri koid bye:.

HABAKU 2:18

Phara" soolhoo: gi ce" noem akyu" bo lha". Hau: zigi byu wigi koid to" da" lo, moo" te: nghoid lho: ce" dang: we' ase' tid. Mhau' to" da" khyoo: za: danghoid. Dang: lang" ase' tid da" yu phara" ri loem khoug: wa ga: koid too" su: shid re" ce" noem akyu" yo" byid: wa lha".

MATHE 16:26

Byu ein: zigi Mougmyid gyab goin" ziri yo" vhoeb zeing to"- yhi' nghoid loug we' nyang: nya: da" kangso' soem" lo" rigi ce: noem akyu" se boo wa lha". nyang: nya: da" kangso' ri ce: noem yo, yo" khyoid yu loo: wa lha".

YOHAN 6:27

Boeb' yoin" loo" se' da" zoo: noem shid' re" yoem: akaid goo. Apyaid ato: kangso' yoo" nhang: da" aboeb ayoin" loo" se' da" zoo: noem shid' re" yoem: dakaid nyid ge'. Phoo Mangsoo gi byu da" nya: zoo: ri nyang: vho: ngei da" sag si nyang: moo byid: too" bye. Houg: yoomo byu da" nya: zoo: gi hau: da" zoo: noem nanu" ri byid: wa zi nghoid ga: tid.

1Korinthians 16:16

Hid: yhang: te" da' byu yi yo' nyangnu" yo' dage" pang" thoug doo" zhoo" doo" jhoug nyid bang: da" khyoo: shu" lo" jang" moo- bo cang yhi: ge" ein: ngoo nanu" ri mho' sang: kaid.