PHAJHI" DANG: 1:2 - Lacid Common Language Bible

² Myid soin: phajhi" si su: tid zigi akoem:-akoem: nghoid. Kangso' gyung: khyo: gi akoem:- dangain" akoem: za: danghoid.

PHAJHI" DANG: 1:2 교차 참조

YOBA 11:12

Loo zei: lam" joem ri mi" sho' yo" khu: loo lang" she Nheig agyeing: bang: phajhi" bo shid" re" da:.

COUNG" NGHEI 144:4

Xangsu: byu yigi so, thid she: nyid da" lid yo' du nyid nya: da" bidnyid joem gi lid lo" nyid da- bid shoem: yoeb ti" za: du nyid.

COUNG" NGHEI 89:47

Nga" kangso' khayhi' leung" jo, ziri myid boin: we' shid: byug se' da" ngoonu" dangain" mo ri nang phain" so: to" ziri we' boin: so" nyid we'.

PHAJHI" DANG: 11:10

Nanu" gung ri ci: yo' we' myid amyoo: nhang:- noo we' anoo nhang:. Nang gi gye" myang" sho' apyaid nge nyid wa zi anghoid.

PHAJHI" DANG: 11:8

Nang dei nyid da" zain nyid khang" mo" shid re" jeju" boin: soo" we'. Nang gi khamyhang nyid myang" loug we' aca". Hau: tho' je myang" sho' nang shid: jo, wa ein: ziri myid boin: we'. Shid khyo myid lang" wa zi ce: daja: we' ajo,.

PHAJHI" DANG: 12:8

Myid phajhi" si' su: gi hau: zigi akoem: akoem: ga: tid da:. Hau: zi dangain" gi akoem: za: nghoid da:.

PHAJHI" DANG: 2:11

Hau: thang: ngoo gi ngoo koid lid loo bye: zi dangain" da" khyoo: yo' hau: ziri khayhi' yoem: kaid lho: moo" zei: lo ziri myid yu" da:. Ngoo gi ci we' anghoid nhung: ziri myid boin: re" bye:. Hau: zigi lid ri cang khaid ziyo' du da:. Dajhi' we' akyu" aboo nghoid da:.

PHAJHI" DANG: 2:15

Ngoonya: gung ngoo nyang: myid yu" «Nheig agyeing: mo, phu" zo: ziri ngoo we' phu" zo: da:. Houg ri ngoo houg phajhi" mo ce: akyu" shoug" yu la"» «Ciwe' ayo" yu» ein: ngoo tu".

PHAJHI" DANG: 2:17

Houg: yoomo byu kangso' gyung: khyoo: gi nga" shid re" ce: dang: kang: athu. Ciwim gari hau: ayo, mo ja: khang" moo" gi ngoo ri yau: khi" mo lid: wigi ce: daja: we' aci: ri" byid: nghoid da:. Dangain" gi akoem: nyang: nghoid da:. Ngoo gi lid ri dalhung khaid nhung:.

PHAJHI" DANG: 2:19

Houg: lho: nyang: gi phajhi" bo ri boo wa.- nheig agyeing: ri agyeing: wa hang" se'. Nghoid loug we' he: mougmyid tho' moo ngoo moo" zei: da" akyu" ja: khang" moo" ri nga" phajhi' yo' shoug" yu to" da" ja: khang" moo" ri nyang: seing: yu ri" wa. Hau: zi dangain" akoem: danghoid.

PHAJHI" DANG: 2:21

Nang gi re" phajhi" juyhi: dangain"- lasi phajhi" dangain" yo" jhang: gu dangain" wigi moo" zei lho: yo" sho: to" zi dangain" ziri hau: shid re" ci: akoid- ce: moo" azei: to" da" su: shid re" too' khoo' ca". Hau: zigi ce: akyu" aboo jo, we ajo,.

PHAJHI" DANG: 2:23

Nang dadei nyid nyid moo nang koid zi ja: khang" moo" gi seing" kho" ziyo' nheigloem: no zi za: bue" nhang: da:. Ci: daja: we ayo" yu loo"- Myen" moug: coid yo, rilang" re" myid nheigloem: gi doug: ayo" noo: nghoid da:. Dangain" zi akoem: danghoid.

PHAJHI" DANG: 2:26

Mangsoo gi nyang: ri neig shid: nheugdeug nhang: bang: ri phajhi" juyhi:- lasi phajhi" yo' ngei pyo: khyoo: ri byid: da:. Nghoid loug we' yooboo yoo" bang: rigi moo" zei: nhang:. Vang ngei yoo" nhang: lho: yung: nhang: wigi nyangnu" shau" sho: yu da" ziri nyang: ri nheugdeug nhang: mo, shid re" byid: pyam wa. Hau: zi dangain" gi akoem: za: nghoid da:. Hau: zigi lid ri cang khaid ziyo' du da:.

PHAJHI" DANG: 2:8

Ngoo gi ngoo vhoeb da" mougmyid joem mo khokham ngei jhi: joem mo ngei yo' sheing: ri aboem azang yung: too" bye:. Yuggi yi yo' myiyi: yigi ngoo ri jikhoin" khoin" wigi ngei bu: nhang: ago". Houg: lho: ngoo gi yuggi dayug yo" vho: da" nhoo' myiyi: dangain" yo" da:.

PHAJHI" DANG: 3:19

Lo" thang moo byu xangsu: yo' gougnyhoug joem shid re" vhu" pi: lo, kyo' daja: kyeing" lang" nyid da:. Byu xangsu: gi gougnyhoug yo' dakhyo" za: shid: lo" da:. Nyangnu" daja: kyeing" da" dei noem nghoid ago". Byu xangsu: dayug gi gougnyhoug dadu: tho' ci: aje: jain" nghoid da:. Ciwim gari byu yo' gougnyhoug kha: ja: shid re" we' kangso' gi ce: dang: kang: athu nghoid da:.

PHAJHI" DANG: 4:16

Khokham dayug wigi vhoeb da" byu gi thang ga: zi ajo, ri ajo, wa. Nyang: anyid lo thang: ri nyang: koid kho' da" ziri hang" wigi we jeju" boin: goo" wa zi anghoid. Hau: zigi akoem: nghoid da:. Hau zigi lid ri cang khaid ziyo' du da:.

PHAJHI" DANG: 4:4

Byumyu" yi oung: doid wa shid re" gye" yoem: kaid ein: ziri ngoo yo" se' yu bye:. Hau: zigi nyangnu" da" yhoem: kyoo" cang" yiri no" zo myid boo yoomo nghoid ago". Nghoid loug we' hau: zigi akoem: za: danghoid. Hau: zigi lid ri cang khaid myheig ziyo' du da:.

PHAJHI" DANG: 4:8

Byu dayug gi nyang: dayug kyeing" dei nyid da:. Nyang: moo zooshang: aboo- mang: nhung" we' anyid. Nghoid loug we' nyang: gi nyang: yo" ci da" jonu" mo nheig ashid: wigi khanham we' moo" zei: nyid da:. Nyang: gi hang" shid re" ga: hau: myhoo' myhoo' moo" zei: wigi nyang: nyang: gi pyo: khyoo: ri ngeug pyam nyid la". He: zigi akoem: nghoid da:. Houg: lho: myid myoo: tung" za: dei nyid da" khyoo: nghoid da:.

PHAJHI" DANG: 5:10

Nang gi ngei ri jheddab nyid nghoid rigi khanham we' nheig yo" deig wa zi anghoid. Nang gi yoo" zoo: yoo" shug yhoo: ga: myid nghoid rigi nang vho: gu dangain" ri khanham we' yo" yu wa zi anghoid. Houg: zigi akoem: nghoid da:.

PHAJHI" DANG: 6:11

Nanu" je myang" sho' ngeig go" ri hau: zigi je akoem danghoid da:. Houg: lho: nang gi ci: aje gi.

Roma 8:20

Mangsoo: gi he mougmyid ri akoem: bue" loo wa shid' re" yoobo dang: phyed' byid: - Hougsu" dang: phyed' da" khyoo: gi mougmyid nyang: vhoo: yoomo anghoid. Mangsoo: nyang: dang: phyed' yoomo nghoid. Nghoidloug we' nheig byu jang: jo shi".