PHAJHI" DANG: 1:15 - Lacid Common Language Bible

¹⁵ Guid" jo, ziri ayo" dain: nhang: nghoid da:. Ajo, da" ja: ri age nghab nghoid da:.

PHAJHI" DANG: 1:15 교차 참조

YOBA 11:6

Nyang: gi nang ri phajhi" aja: ja: jo, ziri tid kyoo" wa. Xangsu: byu yi shid re" sung no, da" khyoo: joem jo, da:. Mangsoo gi nang ri nang loem zoo: wa moin: yi" da" tho' je neing: khyo" yooboo dam byid: nyid da:.

YOBA 34:29

Mangsoo gi ci: nyang: akoid wa ga: myid phyed nghoid rigi Nyang: ri hang" wigi we' yooboo ayo" zhug wa. Nya: myonhoo: ri shoung: pyam nghoid rigi byu yigi ci: khasu" we' ayo" koid loo wa.

PHAJHI" DANG: 3:14

Mangsoo koid zi ja: khang" moo" apyaid atoo: moo geing: teing jo, wa ziri ngoo se' da:. Nang wigi houg: moo daja: we ayo" lung kaid- daja: we ayo" yu pyam wa. Houg: lho: Mangsoo koid zi daja: gi ngoonu" wigi nyang: ri gyoug phoug" wa zi nghoid da:.

PHAJHI" DANG: 7:25

Nghoid loug we' ngoo gi lasi phajhi" yo' jhau" zhang: yu wa shid re" ngoo nya: gung ri ab byid: pyam bye:. Ngoo gi phajhi" juyhi: yo' nga" dang: myid: joem da" dang: phuid: joem ri shoug" sho' sho: wa shid re" yo' nheig agyeing: zigi khayhi' akhyeing" ashoeb ziyo' koopyoid moo" nghoid ziri jhau" yu wa shid re" myid phyed too" bye:.

ESAIA 40:4

Lang: khung" khang" moo" boem" ge'. boem khang" moo" ri tam ge'. Bouggung joem gi jang: dam bue" loo" wa. Abu" akhyoid bue" da" mougmyid gi dam lo" byug wa.

YEREMIA 13:23

Etiopi byu dayug gi nya: shooyid avoid ri yo" thid pyam wa la". Anghoid lang" zooloo: gi nya: gung mo atug atuang ziri yo" byug nhang: wa la". Hau: ziri yo" koid nghoid rigi akhyeing" zi mo lid: wigi ci: ase' koid da" nanu" ri jo ziri koid wa shid re" yo" jhau" yu boem wa.

NGOUG JI: 3:37

Aseing nyang: myid vho: khyoo: za: khanham we' dalhoung bue" lo.

DANIELA 4:35

Nyang: gi mougmyid dang mo byu joem ri ci: anghoid khyo" yu" da:. Mougkhung: mo moug: lagyoo: yi yo' myidjang mo byu yigi nya: da" vhoebkhang" akhoug: moo nghoid da:. Nyang: myid vho: ziri hang" wigi we' ayo" ngeig toem' pyam nghoid da:. Nyang: koid ziri dang: myid: ayo" myid: nghoid da:.

MATHE 6:27

Nanu" mo khayug nghoid loug we' nyang: nya: da" apyaid' sheing: baja" ga: zain nyid dajhi' koo: yo" loung: kaid: go" wa la".