PHAJHI" DANG: 1:13 - Lacid Common Language Bible

¹³ Ngoo gi he: mougmyid gyab moo bue" lid: lo zi dangain" ri joeb ca: yu" lho: jhau" yu wa ein: myid phyed bye:. Mangsoo gi ngoonu" da" adang moo myid myoo: wa vhu" pi: lo, kyo' kyam: too" byid: bye:.

PHAJHI" DANG: 1:13 교차 참조

APOEM AYANG: 3:19

Nang gi bid kyu" thu sho' moo" zei: yoem: kaid lho: nang ri phain" so: to" da" myidzhoo" khyoo: doem tau" lo" da" ayo, ju" sho' myidzhoo" moo moo" zei: lho: dashoug" zoo: wa. Nang gi myidzhoo" mo phain" so: to" yoomo nang gi myidzhoo" doem bui" wa nghoid» ga: tid.

YOBA 28:3

Lug duang: du: bang: gi no, thang da" moug: coid ri shau: ago". Nyangnu" gi mougmyid no, khyoo: ri shau: yu" ago". Houg: lho: moug: coid khoug: moo lugzeing joem ri du: sho: ago".

COUNG" NGHEI 111:2

Aseing zei: loo bye: da" moo" zoo" joem gi khayhi' mau" pho" zi nghoid nyid lha"- hau: moo" zoo" moo: vho: ngei nyid bang: dangain" mo, gi hau: khyoo: ri se' yu nau nyid ago".

DANG: ZHOEM 18:1

Subi" yo' aveing" goo" mo, gi nyangnu" nya: khyoo: ri za: myid mo, nghoid ago". Nyangnu" gi subi" myoo" sho' mo, jo: ga: tid ziri abo veing" nghoid ago".

DANG: ZHOEM 18:15

Vhu" nug gi mo, gi khanham we' so, kho' tung" jhau" yu wa ga: jen" jen" nyang: nghoid boem ago".

DANG: ZHOEM 23:26

Nga" zoo: we" goolhoo: za: tam" gyoo: we' nga" da" byunyid byu yab da" akhyoo" ri yu" yu we'.

DANG: ZHOEM 25:2

Mangsoo rigi nyang: yhoem" zau" to" da" moo" zoo" yoomo ngoonu" phoug" tab, ngi: byid. Khokham rigi nyang: sho' kyo" da" moo" zoo" yoomo phoug" tab, ngi: byid: nyid boem.

DANG: ZHOEM 4:7

Lasi phajhi" gi yhouggyen: thang zi nghoid yoomo hau: ziri yoo" sho' shoo: we'-nang yo" sho: yu ca" ja: tho' moo: we' nheigloem: phajhi" rigi ayo" yu agi- yoem: kaid dasho: yu we'.

PHAJHI" DANG: 1:17

Ngoo gi lasi phajhi" yo nheig agyeing: da" agyoo: mo phajhi" juyhi: yo' ko" da" agyoo: mo adu da" ziri myid kho' jhau" yu wa ein: myid phyed bye:. Nghoid loug we' ngoo shau" myang yu zigi lid ri cang khaid myheig zi danghoid nhung:.

PHAJHI" DANG: 11:5

Mangsoo gi ja: khang" moo" ri phain" so: phug to" da:. Houg: lho: nang gi zoo: voin gung lid: da" myiyi: dayug da" voem: dau: khoug: moo kangso khasu" bue" shid" lo ziri ase' yhang: ti" Mangso wigi koid da" moo" ri we' nang ase' gyoo: wa.

PHAJHI" DANG: 12:12

Nga" zoo: we" hau: tho' mo zung" yu" wa khyoo: gootu: daloem: jo, ashi'. Mougsoug" pug joem gi lhid" thang ga: zi ajo,. Houg: lho sung jhau" zhang: yu yoomo nang ri myung: nhang: loo wa.

PHAJHI" DANG: 2:23

Nang dadei nyid nyid moo nang koid zi ja: khang" moo" gi seing" kho" ziyo' nheigloem: no zi za: bue" nhang: da:. Ci: daja: we ayo" yu loo"- Myen" moug: coid yo, rilang" re" myid nheigloem: gi doug: ayo" noo: nghoid da:. Dangain" zi akoem: danghoid.

PHAJHI" DANG: 2:26

Mangsoo gi nyang: ri neig shid: nheugdeug nhang: bang: ri phajhi" juyhi:- lasi phajhi" yo' ngei pyo: khyoo: ri byid: da:. Nghoid loug we' yooboo yoo" bang: rigi moo" zei: nhang:. Vang ngei yoo" nhang: lho: yung: nhang: wigi nyangnu" shau" sho: yu da" ziri nyang: ri nheugdeug nhang: mo, shid re" byid: pyam wa. Hau: zi dangain" gi akoem: za: nghoid da:. Hau: zigi lid ri cang khaid ziyo' du da:.

PHAJHI" DANG: 3:10

Mangso wigi ngoonu" da" dang moo ki" byid: da" lid: da" yoo voin ri ngoo se'.

PHAJHI" DANG: 3:11

Nyang: gi ja: khang" moo" shid re" jo da" ayo, ri asoo" to" to" da:. Nyang: gi ngoonu" ju" loo wa da" ayo, ri si' nau da" nheigloem: ri kaid byid: bye:. Nghoid loug we nyang: koid ziri joeb byeung" sho' se' lho: nheugdeug wa akhang" ngoonu" ri khanham we' abyid:.

PHAJHI" DANG: 4:4

Byumyu" yi oung: doid wa shid re" gye" yoem: kaid ein: ziri ngoo yo" se' yu bye:. Hau: zigi nyangnu" da" yhoem: kyoo" cang" yiri no" zo myid boo yoomo nghoid ago". Nghoid loug we' hau: zigi akoem: za: danghoid. Hau: zigi lid ri cang khaid myheig ziyo' du da:.

PHAJHI" DANG: 4:8

Byu dayug gi nyang: dayug kyeing" dei nyid da:. Nyang: moo zooshang: aboo- mang: nhung" we' anyid. Nghoid loug we' nyang: gi nyang: yo" ci da" jonu" mo nheig ashid: wigi khanham we' moo" zei: nyid da:. Nyang: gi hang" shid re" ga: hau: myhoo' myhoo' moo" zei: wigi nyang: nyang: gi pyo: khyoo: ri ngeug pyam nyid la". He: zigi akoem: nghoid da:. Houg: lho: myid myoo: tung" za: dei nyid da" khyoo: nghoid da:.

PHAJHI" DANG: 7:25

Nghoid loug we' ngoo gi lasi phajhi" yo' jhau" zhang: yu wa shid re" ngoo nya: gung ri ab byid: pyam bye:. Ngoo gi phajhi" juyhi: yo' nga" dang: myid: joem da" dang: phuid: joem ri shoug" sho' sho: wa shid re" yo' nheig agyeing: zigi khayhi' akhyeing" ashoeb ziyo' koopyoid moo" nghoid ziri jhau" yu wa shid re" myid phyed too" bye:.

PHAJHI" DANG: 8:9

Mougmyid tho' moo koid nyid da" khyoo: joem ri ngoo myid yu" uri hau: gu: dangain" ri ngoo shau" myang. Mougmyid tho' mo byu dayham" gi yoem: so' yo" wigi dayham" gi nyangnu" da" vhoo moo kyi" khyeug yo' kham zo: nyid da:.

1 TIMOTHI 4:15

Nang se' yeug gyi: sheung: lo zigi byu yi dangain" bang: shau" myang baja"- atho' moo tid lid loo bye: da" khyoo: joem ri nheigloem: boo boo cang pyeung lo" ziyo' houg: moo geung: zug jo, we'.