Pang Shug 8:5 - Lacid Common Language Bible

⁵ Hau: thang: rimau: lagyoo: gi nam, pyo: shoem: nghe, ja:- sheing: lang: goin: ri yu lho: xoin" to' phoin: tho' mo myi: ri yu kaid wigi moug: myid tho': khyoo: du" sain" khyo' kaid. Houg: lang moug: goem: goem: myeung lo ziyo' lhab, myeug lo asu, bue" loo bye.

Pang Shug 8:5 교차 참조

1 KHOKHAM 19:11

Aseing gi «Thu' lo lho: boem gung tho' mo nga" shidkhoin" moo: lo" yab yu" we'» ga: tid. Hau: thang: Aseing lid: lo wigi bau gung ri byo, gyoo" nhang: lho: lugpyo' ri gyoeb, loo" nhang: da" gyoug pho" uglid moo" ri nhang: kaid bye:. Nghoid loug we' Aseing gi lid moo: aboo nghoid da:. Lid moid zi theing: thang: ri myid leig leig nhang: bye:. Nghoid loug we' myid leig leig jang" moo Aseing aboo nghoid da:.

COUNG" NGHEI 18:13

Houg: lang" Aseing gi mougkhung: khyo" moug: goem: myheung thui: yo" myeung thu lo lho: myhang: thang su: da" thui: ri shoug" gyo.

THU' LO" MOUGSOUG" 19:16

Soem" nyid" ein: da" nab soin: ri mouggoem: goem:- moug lab' myeig- boem gung moo jhoemmoug" pung zeing thu re" wigi laboo" thui: zeing mhoid zi shoug" gyoo: bye:. Byumyu" yi dangain" gi zoem" khoug: moo dain wigi nain" nyid ago".

ESAIA 29:6

Myhang: thang Aseing gi thain: da" mougkhung: lid yoem: yo' myid leig leig ziyo' nanu" ri khyoid yu goo" wa. Nyang: gi uglid yo' myi: ri khyo' kaid wa.

ESAIA 30:30

Aseing gi yugkhang" moo" ri nya: phung" bo dang: ri shau" gyo: nhang: lho: nyang: nheig joem: yo: da" yoem: ri kham zoo: nhang: loo wa. Hau: zigi myiyham:- dalheing: dam vo da" moug:- leig voo khyo'- moug: moo" vo loo wa.

ESAIA 66:6

Tam" gyoo: ge'. voomoo" mo thui: zeing- Noku Yhoem: Moo" mo thui: gi Aseing nya: gyivoo ri yooboo dam byid: nyid da" thui: nghoid da: o".

YEREMIA 51:11

Aseing gi Media khokham yiri lhu: zhuang" kaid abye:. Ciwim gari nyang: gi Babelon ri phyo' shoin' pyam wa soin' to" da:. He: zigi nya: Noku Yhoem: Moo" ri phyo' shoin' pyam gang mo nyang: latoo: phug zi nghoid. Gyi khaid nyid da" gyizoug: joem gi «Nanu" myoo: ri coin: ge'. Nanu" goo joem ri jen" jen" koid ge'.

XOIN" NGEI" 16:12

Nyang: gi myioug" phain daloem: moo: phoin: dang mo myi: gyeing" da" myigyu: joem byeung" sho' kaid yu lho: houg moo ge da" nam pyo: ja: lo, eig zhoeb kaid wigi gyeung" shang: thang da" joyoo khyoo: ci: yhi: wa zi nghoid.

ZEKHARIA 14:5

Nanu" koem gi boem eig gang gyam: lo" da" lang: khoug: khyo" wigi phang: thu loo" goo" wa nghoid. Yuda khokham" Uzia pyaid moo myid leig leig da" uri nanu" phoug" phyid" yi phang: lid lo" yhang: ti" nanu" shau" phang: loid loo" goo" wa. Hau: uri Aseing nga" Mangsoo gi nya: moug: lagyoo: yi yo' dage" ju" loowa nghoid.

MATHE 24:7

Damoug: yo' damoug:- mungdain: daloem: yo" daloem:- gyipui" bue" lo boem wa joyoo khyi, khang" moo" moo phang" khoug myid leig leig loo wa.

LUKA 12:49

Ngoo gi he: mougmyid ri myi: nghe, kaid wa shid' re" jure" zi nghoid. Akhid" nyang: nghe, kaid noug bye.

ACTS 16:26

Hau: uri nyeigdain tung" - myid leig gyi" sho' leug lo wigi thung: yhoem: apoem: we' dei, ga: nain" lo. Houg: lang" jang: khoem" duang: joem gi dangain" bang" loo" khare" wigi thung: byu yi dangain" bang: da" jangcoo" doem, joem gi gyoid, gyo" lo" byug boem bye.

ACTS 4:31

Nyang: nu" akyu" mho' lang" gi nyangnu" nyid da" jo yoo gi lei: nain" lo lho: nyangnu" dangain" bang: gi gyeungshang: da" Venyi yo' byeung" lo wigi Mangso mungdang: ri agyug avoem, loo: za: yo" tid fu" lo" ago".

Pang Shug 11:13

Hau: thang: daso' ri nyang:-myid leig zeing leug lo wigi voomoo" zeing gi xi: boem mo daboem gu: byo, yoin" lo" lho: byu nyhed khyeing" gi said' pyam zi shau" boem bye. deug nyid mo gi gyoug dain' boem wigi moug: khung" Mangso gyi: thang phung" yoeb, ri coung" nghei nyid boem.

Pang Shug 11:19

Hau: thang: ri moug: khung: tho' moo noku yhoem: moo" gi khoem" bang" loo" khari" yoomo houg: moo jo, da" Dang: Theing Kuid: ri ngoo myang. hau: thang: rilhab, myeug lo wigi moug: goem: goem: da" thui: zeing myeung lo ziyo' myid leig we' leug lo lho: leig voo khyo, moug: moo" vo, da" zi houg: moo bue" loo bye.

Pang Shug 4:5

Hau: zhung: tang mo lhab, myeug nyid ziyo' moug: goem: myheung da" thui: yo' thui: moo" thui: zeing myeung thu lo nyid zhung: tang shid' moo Mangso da" venyi nyhed yug ga: da" myi: bung: nyhed loem: we' dab, jo.

Pang Shug 6:12

Hau: thang: ri yang nu" gi khyug loem: ein: da" dazid' ri doem, phang kaid uri ngoo myang zigi myid' leig gyi" sho' leug lo lho: bid moo" khyab, gi ceug no, da" kung: yid pain" su" no, loo" khare" wigi lham" moo" khyab, we' suid" su" ne, loo" khare".

Pang Shug 8:3

Hau: thang: rimau: lagyoo: gootu: dayug gi xoin" to' phoin: nam, moo sheing: yo' koid to" da" nam, pyo: shoem: nghe, ja" lang: goin: rici: lho: re" yab, kaid. Nyang: gizhung: tang shid khoin" mo sheing: yo' koid to" da' xoin" to' phoin: tho' moo Mangso byu yi dangain" mo, akyu" mho' da" dang: yo' dage" myi: nghi, xoin" to' nyid jang moo lung: byid: wa shid re" nam, pyo: ja" shoem: myoo" sho' hau: yug ri byid: to.