Biblia Todo Logo
온라인 성경

- 광고 -




Pang Shug 7:16 - Lacid Common Language Bible

16 Nyangnu" gi thang: phyang" khanham we' zooyoid gyid shed ziyo' bid lhab, nge" loung zi we' shau" loo: goo" wa zi anghoid loo.

장을 참조하십시오 복사




Pang Shug 7:16
23 교차 참조  

Aseing gi: nang ri lhoug zung" nyid wa zi nghoid- nyang: gi nang ri goem loem byid: wa shid re" re" da" namtain" moo: danyid nyid.


Nyid" khyoug mo bid- myen" mo lhammoo"- nang ri noo, nhang: wa zi anghoid.


Ngoo gi nga" lo, ri re" jhang khyoo: yhoin" to" lho: akyu" damho' nyid. Moug: kyug gang: yhang: ti"- nga" soozoo: gi nang ri gyid su: dashed nyid.


Dadei nyid da" Mangsoo we"- ngoo nang ri gyid su' shed nyid. Ngoo gi re" da" shidkhoin" moo khanham ri she' yo" ju" re" wigi yo" coung" pid nyid wa lha".


Mangsoo we"- nang gi nga" Mangsoo nghoid nyid wigi ngoo nang ri nheug nge nyid. Nga" gung goin" nang ri vho: ngei so, kho' nyid. Kyoug kain" byoug lho: ce" akyu" aboo lo: ziyo' gyid aboo lo: moug: kyug yhang: ti" nga" nheigloem: soozoo: gi nang ri gyid su" shed nyid.


Ngoo ri bid zang" wigi shoo" no, yoomo ngoo ri ayu" ngi goo". Nga" mang: bang: ngoo ri nheig yo: wigi zabyid khyam: moo ngoo ri moo" koid nhang: bye:. Ngoo gi nga" gung shid re" shoung: wa ayo, ayo" byid: nghoid da:.


Myung bang: yo' asho" ajhen: bang: gi re" jhang phang: re" abye:. Yau: khi" shau" da" ayo, moo goem loem zi shau" abye: go". Uglid ri phang: khoug: wa shid re" joyoo nyangnu" ri nang byid: abye:. Nge" lung jang" mo khoug: wa shid re" bid shoem: byid: bye:. Anau akhyoid koid da" byu yigi ngam" yo, mo uglid yo' dayhang: ti'


Nyangnu" mo yugkhang" moo" gi lid mo khau: nghi: wa joyoo- Uglid mo phang: goug" wa joyoo yo' dayhang: ti" nghoid loo wa. Nyangnu" gi dain" pyoid yoo moo yau da" gyid zoo: gyung: yo' dakhyo"- moug: kyug myid kyug moo jo, da" lug moo" da" bid shoem: yoeb yo' dakhyoo" ti" nghoid nyid da:.


«Nga" byumyu" yi gyid vhoo: yoomo gyid sho: boem uri gyid shed yoomo nyangnu" khyung" kyug boem uri Ngoo Aseing gi nyangnu" akyu" mho' dang: ri tam" gyoo: byid: wa. Ngoo Israela da" Mangsoo gi khanham we' nyangnu" ri ashe: pyam wa.


Nyangnu" gi khanham we' zooyoid wa gyidshed wa zi anghoid. Bid yo' dain" pyoid yoo loung zigi nyangnu" ri dam tab wa zi anghoid. Ciwim gari nyangnu" gi nyangnu" ri jheddab su: wigi shu" vhu" she: yhe: zi shoug" loo goo" wa. Nyang: gi nyangnu" ri gyid boug joem khyoo: shu" vhu" she: yhe: loo" wa.


Houg: yoomo ngoo ri noku wigi tid dang: gyo: da" mo, gi agoin agoo" shau" zoo: shau" shug loo goo" wa. Nghoid loug we' nanu" gi zooyoid gyid shid loo goo" wa. Nyangnu" ngei pyo: loo goo" wa. Nghoid loug we' nanu" gi ngi: yoem" goo" wa.


Hau: lho: Mangsoo gi bid thu ri" lang" bidthu shoid mo lid lung ri houg nhang: kaid wigi bid gi Yona vhuloem moo nge" nyid yoomo coid lo" nyid bye:. Houg: yoomo nya: gung nyang: shid: nau da:. Shid lo" zigi dei nyid tho' mo nga" shid re" je ge ga: wigi tid nyid.


Nghoidloug we' nheigloem: moo agyi: no, no, azug yoomo daso' za: te: bo jo, lho: mungdang: tarha" yoomo sei: daja: ja: thu' lo lho: su" juang" yi shen" yhen zi thoung" shau" lo da" uri hau: yug gi dalheing: dam doem phoug lo" bye- houg: yhangti" su: ri tid nau zi nghoid.


Nghoidloug we' bid zho: nge" loo lang" gi agyi: no, sho' ayo" cen, yoomo nyhau" kyoug shid: lo.


«Mangsoo vho: da" khyoo: ri vho: ngei nyid mo, gi ngilho' boem wa. Khasu" wim gari nyanu" nyang: vho: da" khyoo: ri we' Mangsoo wigi jhoeb pyeing byid: wa zi nghoid.


Nghoid loug we hau: mungdang: gi nyangnu" da" nheugloem: khoug: moo agyi: no, sho' ayo" cen, yoomo myang" sho' ayo" kham' nghoid ago". Hougsu" hau: mungdang: yoo mo yau: khe" zi anghoid lang" shen" yhen zi:- thoung" shau" loo lang" myad myad doem phoug lo" boem bye.


Hau thang: ri Bid zho: loo lang" lhab nyhau" pyam- khasu" wim ga: ri agyi: no, sho ayo" cen, yoomo nyhau" shid: lo" boem bye.


Zoo yoid gyid shed mo, ri cau: ngham" da" zoo: noem gam zho.


Akhid" uri zooyoid gyid shed nyid mo, nanu" gi ngi lho, bye. Nanu" gi voem: gyi: da" ayo, ju" loo wa. Ngau nyid mo, nanu" gi ngi lho, bye. Nanu" gau yi da" ayo, ju" loo wa.


Nghoidloug we' ngoo byid: wa da" gyid shug mo, hang" we' khanham we' gyid doem shed loo: wa zi anghoid. Hau: ngoo byid: da" gyid shug su: gi nya: da" akhoug: moo gyid bug dalang bue" loo wa. Hau: zigi nya: da" shid' re" Kangso' gyid bue" wigi nyang: ri apyaid ato: kangso' byid: wa zi nghoid.


Gye" nge" da" bid dug gi bain: gam ri lhab, nyhau" pyam' lho: aboo" ri shu: gyo" loo" nhang: pyam. Hougsu" nghoid yoomo hau: bo" young" to" da" bain: boo" byo, yoin" lo" yhang: ti" yoo" zoo: yoo" shug mo, gi nyang: nya: da" moozoo" zei: nyid uri shid: joem: byo, yoin" loo" goo" wa zi nghoid.


Nyang: gi nyangnu" da" myojid" mo ngoug byid' thu' moo thu' ri soid' pyam byid: wa nghoid. Hau: jang" moo gi shid: zi no, zi koug shu: da" khyoo: yo' ngoug myeing" shu: thui: khanham we' ajo, loo. Axau" gu: gi bei: lo" byug bye, ga: tid nyid ziri ngoo shau" gyo.


우리를 팔로우하세요:

광고


광고