Pang Shug 7:11 - Lacid Common Language Bible

¹¹ Mouglagyoo: dangain" mo, gi zhung: tang ri we' Ludaid yi ri we' dei noem gougnyhoug myid: ja: ri we' lheung khab, yab, jo, lho: nyangnu" gi zhung: tang shid' moo goeb, gyo" lho: Mangsoo ri coung" pid' nyid boem zigi

Pang Shug 7:11 교차 참조

COUNG" NGHEI 45:11

Re" da" younglho' gungdu: yoeb bang gi khokham pho, da" nheigloem: ri lang: yu vho: ngei nhang: wa zi nghoid. Nyang: gi re" da" Aseing nghoid nyid yoomo nang gi nya: dang: ri tam" gyo: nyid ca.

COUNG" NGHEI 97:7

Phara" soolhoo: ri no nyid bang: hang" nghoid loug we' asho, ashid: zi shoug" nyid wigi yu phara" joem dangain" we' Aseing da" shidkhoin" moo gyoeb, pid to" ago".

MATHE 4:10

Yesu gi yu satan: ri hid: su" ga: doem tid. «satan: we"- nga" jang" mo thu' loo" we'. Khasu" wim gari nang gi re" Mangsoo ri za: vhu" pid pid ca"- Cung" nghei byid: ca" ga: tid to" zi nang anghab yu" lha"» ga: phoug tid.

YOHAN 5:23

Byu yi gi nya: phoo ri phau" myang: boem yhangti"- nya: zoo: ri we' phau" myang: boem wa nghoid. Nya: zoo: ri aphoug" amyang: bang: hang" nghoid loug we' nyang: ri nhang: kaid da" nya: phoo ri aphoug" myang: zi nghoid.

HEBRE 1:6

Nghoid loug we' Mangsoo gi Nya: zoo: mang: moo" ri moug: myid tho' khyoo: nhang: kaid' wa ga:-soin' uri nyang: tid zigi "Mangso da" moug: lagyoo: yi dangain"- nyang: ri noku coung" nghei boem wa" ga: wigi tid to" abye:.

Pang Shug 11:16

Hau: uriMangso da" shid' khoin" mo zhung: tang tho' moo zhoung: jo, da" ludaid' yi eig xe: myid: youg bang: gi Mangso shid khoin" moo nyangnu" da" myonhoo: ri goeb, khyo, lho: Mangsoo ri coung" pid' zoore" tid nyid boem zigi

Pang Shug 15:4

Aseing: we"- Nang ri agyug phau" zi hang" yo" nyid wa lha". Re" da" gyi: myhang: khyoo: ri tid fu" wa shid re" hang" voem" ngeug pyam wa lha" Nang za: date: gyeungshang: nyid yoomo byumyu" cang: joeb, bain' sho' mo, gi nang koid da" moozoo" dangain" deing byeung" jo, da" khyoo: ri byumyu" cang: joeb, bang: myang loo: yoomo Nang ri phau" myang: noku lo boem wa"- ga: wigi jikhoin" khoin" nyid boem ago".

Pang Shug 22:9

Nghoid loug we' nyang: ngoori tid zigi " Houg: su" akoid- ngoo gi re" da" mang: nhung" lapi: yi yo' he" mougsoug" moo bo da" mungdang: ri tam" gyoo: mo, dangain"- nanu" da" dei zoo: byencang" dayug nghoid. Mangsoo ri dano' ku" we' ,, ga: tid toem pyam.

Pang Shug 4:10

Ludaid' eig xe: myid: youg bang: gi zhung: tang tho' moo zhoung: jo, apyaid atoo: moo dadei nyid su: da" shid khoin" moo goeb khyo' lho: vhu" pid' peid ago". Nyang: nu" gi nyang: nya: da" bidmug joem ri zhung tang shid khoin" moo khyoid khyo to" lho: tid zigi

Pang Shug 4:4

Hau: zhung: tang da" ayam, aqei: lheing khab, moo gi zhung: tang eig xe: myid: loem: bo jo- Hau: zhung: tang tho' moo phyu: gyeung" da" byimi ri void ci: lho: sheing: bidmug zhoung" ci: da" ludaid' eig xe: myid: yug khyam, lheung zhoung: jo, ziri myang.

Pang Shug 4:6

Zhung: tang shid' khoin" moo kyi: myhoo: lug gyeing" yhang: te" da" paid' gyid thoem" deung jo. Hau: tho' mo gootu: zhung: tang da" loem: lheing khab, shoid khang" moo" moo shid' khyoo: thang: khyoo we' dagung goin" su. myojid" koem: da" gougnyhoug myid: ja: we' zheung: nyid nyid.

Pang Shug 4:8

Hau: da" gougnyhoug myid: ja: goin" moo dung khyug khyab, khyab, dab, boem wigi gung tho' gung khoug: dangain" jang" moo myojid" za: byeung" sho' sho' dab, ago". Nyangnu" gi nyid" ri myen" ri anoo: ayab, loo: za: " shid' phyang" apyaid' he: da" apyaid' thang: phyang" apyaid' moo ju" sho' danyid nyid da" yoem: moo" bo Aseing: Mangsoo gi gyeungshang: gyeungshang: gyeungshang: nyid o"» ga: wigi coung" nghei nyid boem ago".