Pang Shug 7:10 - Lacid Common Language Bible

¹⁰ Nyang: nu" tid nyid boem zigi khyoid yu da" jeju" gi zhung: tang tho' moo zhoung: jo, su: ngoonu" da" Mangsoo yo' yang nu" jang" mo yo" yu zi nghoid- ga: wigi thui: moo" yo' yoid nyid boem.

Pang Shug 7:10 교차 참조

COUNG" NGHEI 115:1

Aseing we"- re" da" athang agoin jhed khyeing: kang khyeing: yo' dang: zoung" khyoo: yoomo ngoonu" ri anghoid. Re" da" myeing khyang" ri za: phung" yoeb myonhoo: byid: boem baja o".

COUNG" NGHEI 3:8

Oung: doid lo" khyoo: gi Aseing jang" mo za: nghoid nyid. Nyang: gi nya: da" byumyu" yi atho' moo mainkaid byid: nyid baja" o".

COUNG" NGHEI 37:39

Aseing gi deing byeung" mo, ri khyoid yu wigi yau: khi" zi shoug" nyid da" ayo, moo Nyangnu" ri zung" byid: lhoug byid: nyid.

ESAIA 43:11

«Ngoo dayug za: Aseing nghoid. Nang ri yo" khyoid yu su: ngoo dayug za: nghoid.

ESAIA 45:15

Nya: byumyu" ri khyoid yu da" Israela da" Mangsoo gi nyang: nya: gung ri zau" too" su: nghoid da:.

ESAIA 45:21

Nanu" da" moo" ri tarha" yung" moo re" tid we'. Yooboo voin shau" bang: gi nyang: cang" nyang: sham: goo" baja". Bue" ri" wa ga: shid phyang" lapi: pe: su: hang" nghoid la". Nya: byu yiri khyoid yu su: gi ngoo Aseing Mangsoo anghoid rhe". Mangsoo gootu: anyid.

YEREMIA 3:23

Ngoonu" gi bouggung joem mo ngoonu" no' da" tungbau noku thung" khyo" wigi ce: pang" thoug ziwe' ashau" yu. Ngoonu" Aseing Mangsoo mo za: Israela shid re" pang" thoug zi shoug" yu da:.

HOSEA 13:4

Aseing gi «Ngoo gi nanu" ri Egutu mo shu" thu lo da" nanu" da" Aseing Mangsoo nghoid. Nanu" gi ngoo mo lid wigi Mangsoo gootu: ayoo" nghoid ago". Ngoo dayug kyeing" za: nanu" da" khyoid yu Aseing nghoid.

YONA 2:9

Nghoid loug we' ngoo gi nang ri coung" nghei lid jhoem" kaid wa. Ngoo nang ri xoin" too byid: wa. Ngoo tid to" da" dangsoo" ri ngoo zei: pyeing: byid: wa zi nghoid. Khyoid yu khyoo: gi Aseing jang" mo ju" re" da» ga: tid.

ZEKHARIA 4:7

«Gye" gyi: da" boem moo" we"- nang gi cenoem nghoid la". Zerubabela shidkhoin" moo nang gi jang: dam bue" loo" wa zi nghoid. Nyang: gi Noku Yhoem: Moo" ri doem zhug lho: thang" thang moo yhoem: jhoin: mo khung: phoug lug zhug to" uri mung" byu yigi ‹Gye" yung" gye" yung"› ga: nyho: thu lo boem wa» ga: tid.

ZEKHARIA 9:9

Ziun mung" byu yi we" gye" gau yi ngei bu: nyid ge'. Yerusalem bang: we" yoid nyho: loo ngei bu we'. Yu" we'- re" da" khokham phoo gi re" jang" moo ju" re" da:. Nyang: gi ung: pui" oung: myug ziyo' ju" re". Nghoid loug we' nyang: gi nu" nham' lho: loo zei: tho' moo zhung: wigi re" bye:. Nghoid- Loo zei: nu" dadu: atho' moo zhung: lho: wigi re" da:.

LUKA 3:6

Byu xangsu: dangain" mo, gi Mangso da" khyoid yu jeju" ri shau" myang boem wa. ga: wigi-dain" pyoid yoo moo byu dayug nyho: nyid ga: Esaia jhoem: dang: moo bo ziyo' dakhyoo ti" bue" loo bye.

YOHAN 1:29

Thang: nyid" ri nya: jang" moo Yesu jure" zi myang lang" Yohan tid zigi Mougmyid byu yi da" yooboo ri yu pyam byid: da:- Mangso: yang nu" ri yu" yu" ge'.

YOHAN 1:36

Aseing Yesu jure" zi myang lang" thei: yug gi Mangso yang nu" nghoid ga: tid.

YOHAN 4:22

Nanu" Samari yi gi nyang: tu: nyang: ase' da" Mangsoo ri Noku ago". Ngoo nu" gi ngoonu" nyang: si' bye: da" Mangsoo ri da noku boem. Khasu" wim gari Khyoid yu khyoo: gi Yuda byumyu" mo wigi ju" loo yoomo nghoid nyid.

Ephesu 2:8

Khasu" wim gari loem" jeung" khyoo: yoomo nanu" gi Mangso da" jeju" khyo" za: khyoid khyi: yu zi shau" khyoo: nghoid. Hau: zigi nanu" yoem: kaid' yoomo yo" yu da" akyu" anghoid - hang" we' phau: khuang jang: ajo, baja"- Mangso da" jeju" jhung: shug za: danghoid.

Pang Shug 12:10

Hau: thang: ri moug: khung: mo thui: zeing yo' tid nyid zigi " Akhid" Mangso khyoid yu khyoo: ju" ri" bye- Akhid" Mangsoo gi Khokham" yoem: so' ritoin" shid' bye- Akhid" nya:Meshia gi nya: amyeing" akhang" ri toin" shid' abye:- Khasu" wim gari ngoonu" da" mang: nhung" yi yo' ngoonu' da" Mangso shid' khoin" moo yab, jo, lho: nyid" ri nyen" ri yooboo foin: pyi: sho: nyid su: gi moug: khung: mo khaid khyo, pyam zi shau" bye.

Pang Shug 19:1

Hau: thang: ri moug: khung: moug: di mo, byu phung: moo" zeing thui: yhang: te" ziri ngoo shau" gyo. Houg: bang: da" thui: gi " Mangsoo ri coung" byid: ge'. Ngoonu" da" Mangsoo gi khyoid yu da" khyoo:- myonhoo: Phung" yoeb, yo' yoem: so' yoo" su: nghoid.

Pang Shug 21:5

Hau: thang: ri zhung: tang tho' moo zhoung: jo, su: dayug gi " Ziyoo jo, moo jo, dangain" ri ngoo gi Aseig doem koid too" wa,, ga: wigi tid. Nyang: ngoori we' tid zigi He: zirilhid" too" we' he: da" dang: gi deingmain" ziyo' loem, ge" da" dang: nghoid.

Pang Shug 22:3

Hau: voogung khoug: moo Mangso nheing" myeing" nheing" thui: ga: zigi khanham we' jo, loo: wa zi anghoid. Mangsoo yo' yang nu" da" zhung: tang gi voogung khoug: moo dajo, jo, wigi Nya: dei zoo: yi gi nyang: ri noku coung" nghei boem wa za: nghoid.

Pang Shug 4:6

Zhung: tang shid' khoin" moo kyi: myhoo: lug gyeing" yhang: te" da" paid' gyid thoem" deung jo. Hau: tho' mo gootu: zhung: tang da" loem: lheing khab, shoid khang" moo" moo shid' khyoo: thang: khyoo we' dagung goin" su. myojid" koem: da" gougnyhoug myid: ja: we' zheung: nyid nyid.

Pang Shug 5:7

Hau: yang nu" gi ju" re" lho: zhung: tang tho' moo zhoung: jo, su: da" lo, yo shoid mo moug soug deing: ri yu da.