Pang Shug 6:8 - Lacid Common Language Bible

⁸ Ngoo lheung: yu" kaid da" uri shoem" shid: yed, da" myang: dadu ri ngoo myang- hau: tho' moo zhoung: jo, da" sarhi' pho myeing. gi shid: zoug: ga: zi nghoid- nya: da" thang: moo gi moovo, moug: cang lo nyid. nyang: gi mougmyid myid: boem mo daboem moo nyid da" byu yi ri meing: byo, gyi koid go" khyo" zooyoid phang" khoug zeing khyo" nooboug: phyoo" boug: zeing yo' myeung khuid" zeig ni zeing khyo" wigi shid: joem: no thang loo" nhang: wa da" yoem: so' yo" ci.

Pang Shug 6:8 교차 참조

DANG: ZHOEM 5:5

Nyang: gi nang ri shid: loo" no, lo" da- moovo moug: khyoo: shu" gyoo" loo" wa. Nyang: so" lo" khyoo: gi shid: lo" jang" khyoo: yhe: lo.

ESAIA 25:8

Gyi sheing: da" Aseing gi shid: ziri apyaid atoo: mo phyo' shoin' pyam wa. Nyang: gi yugkhang" mo" da" ngoug byid joem ri soid pyam byid: lho: mougmyid goin" mo nya: byumyu" yi kham zo: lo da" ngi: yoem" ziri yu pyam byid: wa. Aseing nyang: tid bye:.

YEREMIA 14:12

Nyangnu" zoo: noem jang" boem nghoid loug we' nyangnu" ri pang" yu wa mho' yoid thui: ri ngoo atam" gyoo: byid: wa. Nyangnu" gi ngoo ri nghe' ngei" xoin" yo' shivoo: xoin" ngei" byid: boem loug we' ngoo gi hau: joem ri alhoem: yu" ngei byid: wa. Hau: gungthid ngoo gi nyangnu" ri meing: zain: jang: moo said pyam lho: zooyoid shoug" ziyo' noophyoo" khyo" wigi said pyam wa» ga: tid da:.

YEREMIA 16:16

Aseing tid zigi «Ngoo gi he: byumyu" yiri myheig yu nhang: wa shid re" wimdo, kuang bang: myoo" sho' ri nhang: kaid wa. Houg: lho: nyangnu" ri boem khang" moo"- bouggung khang" moo"- lug pyo' khung" mo lug ug lug khyung: joem moo cang khaid shoo: wa shid re" shoo" kuang bang: myoo" sho' ri nhang: kaid wa.

YEREMIA 16:4

Nyangnu" gi gyoug pho" noo bue" wigi shid: lo" boem goo" wa. Nyangnu" shid re" koug ngau wa. Nyangnu" manggung joem ri du myhoeb wa byu anyid wa. Nyangnu" da" manggung joem gi jen" boem joem yhang: ti" myidgung moo leung jo, boem wa. Nyangnu" gi meing: zain: jang: moo said pyam zi shoug" wa. Anghoid lang" zooyoid shid: lo" boem wa. Nyangnu" da" manggung joem gi ngho' joem yo' gougnyhoug lam" joem shid re" zoo: noem bue" lo boem wa.

YEREMIA 24:10

Ngoo gi nyangnu" adang moo gyipui"- zooyoid gyidshed khyoo:- noo phyoo" joem ri ngo wigi nyangnu" ri yo' nyangnu" phoug" phyid" yiri byid: to" da" mungdain: moo dayug we' adeing loo: sho' bui" nhang: wa» ga: tid da:.

YEREMIA 29:17

Myhang: thang Aseing tid zigi ‹Ngoo gi gyipui"- zooyoid khyoo:- noo bue" khyoo: ri nyangnu" jang" moo ju" nhang: wigi ngoo gi nyangnu" ri zoo: wa agi loo: sho' boeb da" lafoem' shi" yhang: ti" bui" nhang: wa.

YEREMIA 43:11

Nebukhadneza gi ju" re" wigi Egutu ri oung: pyam wa. Noo bui" wigi shid: wa su: gi noo bue" wigi shid: goo" wa. Thoung: byu khyo" shu" loo" shoug" wa bang: gi thoung: byu khyo" shu" lo" zi shau" boem wa. Gyipui" moo said pyam shoug" wa su: gi gyipui" moo said pyam shoug" wa.

EZEKIEL 29:5

Ngoo gi nang yo' wimdo, dangain" ri dain" phyoid yoo khyoo: she: pyam kaid wa. Re" gung gi myidgung khyoo: gyoo" lo" wigi hougsu" du" pyam too" khoo' wa. Ngoo gi hau: ziri ngho' joem yo' gougnyhoug joem shid re" zoo: noem khyo" byid: pyam wa.

EZEKIEL 5:12

Re" byu soem" boem mo daboem gu: gi voomoo" khoug: moo noo phyoo" yo' zooyoid shau" wigi shid: byug goo" wa. Soem" boem mo daboem gu: gi voomoo" tunggung shoid mo shamcoin" joem wigi zain: ceing khyo' pyam zi shoug" wa. Houg: lho: lo" thang soem" boem mo daboem gu: rigi lid khyoo: khaid sain" pyam lho: nyangnu" ri shamcoin" wigi cang khaid wa.

HOSEA 13:14

Ngoo gi he: byumyu" yiri shid: moug: mo akhyoid yu wa. Shid: da" yoem: so' mo we' nyangnu" ri akhyoid yu wa. Shid: ziyo' re" lang: yoem" ri xo' bui" nhang: we'. Shid: moug: we"- re" da" phyo' shoin' ziri xo' bui" nhang: we'. Ngoo gi he: byumyu" yiri nheig akhyeug loo: wa.

HABAKU 2:5

Jonu" ziyoo gi mhau' fain" lo" khyoo: nghoid. So' kho' myo, no, bang: gi phau: khuang lho: phibu phaxeig nghoid nyid ago". Shid: gyoin noogyoin yhang: ti" nyangnu" gi khanham we' nheugshid: nheugdeug khyoo: ga: zi ajo, nghoid ago". Houg: yoomo nyangnu" mungdain: yi damung" thang: moo damung" ri nyangnu" shid re" zain: ung: yu khyoo: nghoid ago".

ZEKHARIA 6:3

Soem" loem: ein: wa loem: ri she: zigi myang: phyu: joem she: lho: myid: loem: ein: wa myang: rheing" rigi myang: tug joem wigi she:.

MATHE 11:23

Kaperna-um we"- nang we moug: moo thug sho tu: to zi shau" wa la". Houg: su" anghoid lang" moo vo moug ju" sho' khyo kaid zi nang shau" wa nghoid. Khasu" wim gari nang ri toin" shid' da" moozoo" zeing gi Sodom moo koid: nghoid rigi Hau: voo gi akhid" nyid" ju" sho' dageing: jo wa zi nghoid.

MATHE 24:7

Damoug: yo' damoug:- mungdain: daloem: yo" daloem:- gyipui" bue" lo boem wa joyoo khyi, khang" moo" moo phang" khoug myid leig leig loo wa.

1Korinthians 15:55

Shid: zoug: we"- nang oung: lo" khyoo: gi khayoo: lha" Shid: zoug: we"- re" da" dug gi kha: khyoo: lha"

Pang Shug 1:18

Ngoo gi dadei nyid su: we' nghoid- ngoo shid: bye: nghoid loug we' apyaid atoo: moo ngoo dadei nyid shid: loo" no lo" da" khyoo: yo' moo vo, mau: da" atho' moo we' vhoeb, wa amyeing" ngoo yo.

Pang Shug 12:4

Nyang: gimoug: laid' phyoo" mo kyi: joem- soem" boem mo daboem ri nya: da" myi: yhang yo' shoem" yu lho: myid' jang: tho' khyoo: du" khyo' kaid.

Pang Shug 9:15

Houg: su" phoid: kaid' zi shau" da" mau: lagyoo: myid: yug gi tei" to" jang" mo loid byoin, lo" ago". Nyangnu" gi hau: ayo, hau: bidnyid, hau: lhoo, khyab, hau: zain, ved, moo mougmyid xang: su byu yi dangain"- soem" boem mo daboem ri said' pyam' wa shid re" jen" jen" soin' too" shau" mo, nghoid ago".

Pang Shug 9:18

Myang: nhoid khoug: mo thu' re" da" myiyham: myikhoug" fang myi:- hid: shen" yhen khyoo: soem" ja: khyo" wigi mougmyid byu yi soem" boem mo daboem gu: ri bain said pyam bye.