Pang Shug 6:12 - Lacid Common Language Bible

¹² Hau: thang: ri yang nu" gi khyug loem: ein: da" dazid' ri doem, phang kaid uri ngoo myang zigi myid' leig gyi" sho' leug lo lho: bid moo" khyab, gi ceug no, da" kung: yid pain" su" no, loo" khare" wigi lham" moo" khyab, we' suid" su" ne, loo" khare".

Pang Shug 6:12 교차 참조

ESAIA 24:23

Lhammoo" no, loo" khari" wa. Bid azhoo: loo: wa. Ciwim gari myhang: thang Aseing gi khokham bue" loo wa. Nyang: gi Yerusalem ri Ziun boem mo vhoebkhang" wa. Byumyu yi da" vhujhung: yigi nya: da" phung" yoeb ri myang loo goo" wa.

ESAIA 29:6

Myhang: thang Aseing gi thain: da" mougkhung: lid yoem: yo' myid leig leig ziyo' nanu" ri khyoid yu goo" wa. Nyang: gi uglid yo' myi: ri khyo' kaid wa.

ESAIA 34:4

Bid- Lhammoo"- Kyi:- joem gi pheilhoug: bui" sho' gyoeb byug wa. Mougkhung: gi mougsoug" deing: lhoem" byug yhang: ti" byug loo" wa. Kyi: joem gi zabyid nei mo anghoid lang" lafoem gam mo afu' joem shu: gyo" lo" yhang: ti" shu: gyoo" lo" byug wa.

ESAIA 50:3

Ngoo gi mougkhung: ri shid: mang ri koug ngau yhang: ti" yo" no: loo" nhang: da:.

YOELA 2:10

Nyangnu" jhen" yhe: lo" ri myid leig leug lo lho: mougkhung: we' nain" nyid bid yo' lhammoo" we' coid shoem: lo" wigi kyi: joem we' ayo" bang boem loo.

YOELA 3:15

Bid yo' lhammoo" gi moug: coid teing no, lo" byug lho: kyi: joem gi ayo" doug bang jo, loo.

AMO 1:1

He: da" mungdang: gi Tekoa voogung mo yang zung" su: Amo da" mungdang: joem nghoid. Yuda mung" moo Uzia khokham bue" lho: Yosha nya: zoo: Yeroboam gi Israela khokham koid nyid uri myid leug aleug shi" da" eig zain moo Mangsoo gi Israela yo' sen: lho: he: khyoo: dangain" ziri Amo ri pang shug bye:.

AMO 8:9

Ngoo gi bid nyid" gung tu: lo da" uri bid ri vang loo" nhang: lho: myidjang gi nyid" ayo, moo moug: coid lo da" ayo, ju" bye:. Yoem: moo" bo Aseing ngoo tid nyid bye:.

ZEKHARIA 14:5

Nanu" koem gi boem eig gang gyam: lo" da" lang: khoug: khyo" wigi phang: thu loo" goo" wa nghoid. Yuda khokham" Uzia pyaid moo myid leig leig da" uri nanu" phoug" phyid" yi phang: lid lo" yhang: ti" nanu" shau" phang: loid loo" goo" wa. Hau: uri Aseing nga" Mangsoo gi nya: moug: lagyoo: yi yo' dage" ju" loowa nghoid.

MATHE 11:21

«O" Kurazin we"- nang gi joem loo" wa O" Besaida we" nang joem: loo" wa. Khasu" wim ga ri re" eig yug ri toin" shid' da" moozoo" zeing joem ri Turu yo" Sidun eig voo moo toin" shid' nghoid rigi jid: moo" byi: ri gang" ci: lho: nheigloem: bain thid zi gye" myang wam: bye.

MATHE 24:29

«Houg: te" da" gyoug dain' jam joug khyoo: bain thoug" shau" da" hau: nyid" ri Bid gi moug: coid bue" loo" khari" wa. Lham" moo" we bang loo: wa zi anghoid. Kyi" joem gi mougtho' mo byid gyoo" lo boem wa. Mougkhung: moo jo, da" yoem: so' dangain" we' nyangnu" da" khyoo" mo nain" yu: phang: lo" boem wa.

MATHE 24:7

Damoug: yo' damoug:- mungdain: daloem: yo" daloem:- gyipui" bue" lo boem wa joyoo khyi, khang" moo" moo phang" khoug myid leig leig loo wa.

MATHE 27:45

Nyid gung tu: jang" mo- soem" nayi: ju" sho' damung" goin" moug coid teing: no, jo.

MATHE 27:54

Dab vhoib zoug: phoo yo" dage" Yesu ri zung" nyid mo, gyizoo: yi gi myid leig leig zi we bue" lo khyoo: aja: ja: ri myang lang" gi gye" gyoug dain boem ziyo' «he: yug gi gyeing" gyeing" nyang: Mangso da" nya: zoo: nghoid» ga: tid boem

MATHE 28:2

Nyeigdain tung" hau: joyoo moo myid leig leig lo:- Mangso da" Mouglagyoo: gi mougkhung: mo gyoo" lo wigi lugloem: ri tu: phoug pyam lho: hau: da" lugloem: tho' moo zhoung: jo.

MARKU 15:33

Houg: su" wigi bid gung tu: lo ayo' mo zi myenthang: soem" nayi ju" sho' damung" goin" no, seing" kyid: moug: coid coid lo" byug.

Pang Shug 11:13

Hau: thang: daso' ri nyang:-myid leig zeing leug lo wigi voomoo" zeing gi xi: boem mo daboem gu: byo, yoin" lo" lho: byu nyhed khyeing" gi said' pyam zi shau" boem bye. deug nyid mo gi gyoug dain' boem wigi moug: khung" Mangso gyi: thang phung" yoeb, ri coung" nghei nyid boem.

Pang Shug 16:18

Houg: lang" gi lhab, myeug zi moug: goem: goem: da" thui: joem yo' thui: moo" zeing myeung thu' lo ziyo' gyoug pho" da" myid' leig zeing we' leug thu' loo bye. Byu phain" shed" da" bidnyid mo wigi houg: yhi' gyeing" gyi: da" myid' leig zeing gi khanham we' aleug yu" shi".

Pang Shug 16:8

Hau: thang: ri myid: yug ein: da" moug: lagyoo: gi nya: da" goem, ri bid, da" atho' moo foid gyoin: kaid' Houg: lang" bid gi byu xang: su: yiri gye" nge" da" myiso' yo' nge" kyu" pyam' nhang: zi shau" bye.

Pang Shug 8:12

Myid: yug ein: wa da" moug: lagyoo: laboo" moid kaid lang" bid soem" boem mo daboem,- lham" moo' soem" boem mo daboem- kyi: joem yo' bo" bang yi we' soem" boem mo daboem- moug: coid bue" lo" byug yoomo nyid" soem" boem mo daboem yo' myen" soem" boem mo daboem- boo" bang ayoo" loo.

Pang Shug 8:5

Hau: thang: rimau: lagyoo: gi nam, pyo: shoem: nghe, ja:- sheing: lang: goin: ri yu lho: xoin" to' phoin: tho' mo myi: ri yu kaid wigi moug: myid tho': khyoo: du" sain" khyo' kaid. Houg: lang moug: goem: goem: myeung lo ziyo' lhab, myeug lo asu, bue" loo bye.