Pang Shug 6:1 - Lacid Common Language Bible

¹ Hau: thang: ri nyangnu" gi dazid' nyhed loem: mo daloem: ri phang kaid boem rigi ngoo myang da" gougnyhoug myid: ja: mo daja: gi moug: goem: thui: ti" ga: da" thui: khyo" loo we',, ga: ziri ngoo shau" gyo.

Pang Shug 6:1 교차 참조

YOHAN 1:29

Thang: nyid" ri nya: jang" moo Yesu jure" zi myang lang" Yohan tid zigi Mougmyid byu yi da" yooboo ri yu pyam byid: da:- Mangso: yang nu" ri yu" yu" ge'.

ACTS 4:20

Khasu" wim gari ngoonu" gi ngoonu" nyang: shau" myang bye: da" khyoo: joem yo' shau" gyo: da" khyoo: joem ri atid loo : ayo" nyid ga: wigi phoug tu" ago".

Pang Shug 11:19

Hau: thang: ri moug: khung: tho' moo noku yhoem: moo" gi khoem" bang" loo" khari" yoomo houg: moo jo, da" Dang: Theing Kuid: ri ngoo myang. hau: thang: rilhab, myeug lo wigi moug: goem: goem: da" thui: zeing myeung lo ziyo' myid leig we' leug lo lho: leig voo khyo, moug: moo" vo, da" zi houg: moo bue" loo bye.

Pang Shug 13:8

Said' pyam' shau" bye: yang nu" da" kangso' mougsoug" pug moo moug: aphain" myid aphain" shi" mo nyang- myeing bo jo, bang: mo gootu- mougmyid moo nyid da" xang: su: byu yi dangain" bang: gi hau: akhyeung" gougnyhoug zeing ri coem noku boem wa zi nghoid.

Pang Shug 14:2

Hau: lho: gyid lung" gyoo" thui: yhang: ti" ti"- moug: goem: thui: yhang: ti" ti" ga: da" thui: zeing gi moug: khung: mo myeung thu' lo ziri ngoo shug" gyo. Hau" da" thui: gi myheung yhang: da" sarhi' yi nyangnu" da" teing joem ri baid' myheung da" thui: yo' du nyid.

Pang Shug 19:6

Hau" thang: rigibyu phung moo" zeung thui: yhang: te" zi gyid lung" gyo" myheung da" thui: yhang: te" zi moug: goin' myheung da" thui: yhang: te" ziri ngoo shau" gyo. "Nyang: nu" Mangsoo ri coung" nghei boem zigi Ngoo nu" da" yoem: moo" bo Aseing: Mangsoo gi Khokham" nghoid nyid.

Pang Shug 4:8

Hau: da" gougnyhoug myid: ja: goin" moo dung khyug khyab, khyab, dab, boem wigi gung tho' gung khoug: dangain" jang" moo myojid" za: byeung" sho' sho' dab, ago". Nyangnu" gi nyid" ri myen" ri anoo: ayab, loo: za: " shid' phyang" apyaid' he: da" apyaid' thang: phyang" apyaid' moo ju" sho' danyid nyid da" yoem: moo" bo Aseing: Mangsoo gi gyeungshang: gyeungshang: gyeungshang: nyid o"» ga: wigi coung" nghei nyid boem ago".

Pang Shug 5:1

Zhung: tang tho' moo zhoung: jo, su: da" lo, yo lo, moo mougsoug" deing: ci: nyid ziri ngoo myang- hau: mougsoug" deing: moo dazid' nyhed loem: yo' thoung" tab to" lho: athi" atho' moo mougsoug" byeing sho' lhid" tab to.

Pang Shug 5:12

Nyangnu" tid boem zigi " Said pyam' zi shau" bye: da" yang nu" gi myonhoo: phung" yoeb, soid gain ziyoo- phajhi" juyhi: yo' yoem: so' yoem: vhoo" - myonhoo: ngilang: phoug" tab ngi shab, byid: moin: zigi coung" nghei byid: zi: kham: yu wa moin" yi" nyid o"- ga: thui: zeing thui: moo" yo' coung" nghei nyid boem ago".

Pang Shug 5:8

Houg: su" yu da" uri gougnyhoug myid: du: yo' ludaid eig xe: myid: youg bang: gi nyang: nya: da" teing joem ri we' Mangso byu yi akyu" myo, ein: da" nam, pyo: shoem: yo' byeung" jo, da" - sheing: goem joem ri ngab, sho' zheung: ci: lho: nyangnu" da" shid khoin" moo goeb khyo' ago".

Pang Shug 6:3

Hau: thang: ri yang nu" gi dazid' eig loem: ein: da dazid' ri doem phang kaid' uri eig du: ein: da" gougnyhoug gi " Loo we' ,, ga: tid ziri ngoo shau" gyo.

Pang Shug 6:5

Hau: thang: ri nyangnu" gi soem" loem: ein: da" dazid' ri doem phang kaid' da" uri soem" ja: ein: da" gougnyhoug gi" Loo we', ga: tid thui: ringoo shau" gyo. Ngoo lheung: yu" kaid' ri myang: no, moo zhoung: jo, da" sarhi' phoo gi nya: lo, moo jang daphu" ri zei: ci.

Pang Shug 6:7

Xo, lho: hau: yang nu" gi dazid' myid: loem: ein: wa loem: ri doem phang kaid' da" uri myid: ja: ein: da" gougnyhoug thui: ri ngoo doem shau" gyo:- Hau: gougnyhoug tid zigi " Loo we' ga: tid.

Pang Shug 8:1

Houg: lang" yang nu" gi dazid' nyhed loem: ein: wa loem ri doem phang kaid lang" gi moug khung: gi ayo, dago" yi" koo- sam" zoo: tam" to.