Pang Shug 4:2 - Lacid Common Language Bible

² Houg: lang" su venyi moo ngoo bo cang: lo" byug bye- moug: khung: mo hau: zhung: tang moo jo, da" joyoo tho' moo byu dayug zhoung: jo,

Pang Shug 4:2 교차 참조

1 KHOKHAM 22:19

Mikhaia gi «Aseing tid zigi Akhid" tam" gyoo: ge' mougkhung: mungdain: moo: Aseing gi nya: zhungtang moo zhoung: jo, ziri ngoo myang. Nyang: lagyoo: yi dangain" gi nya: ayam moo yab jo, da:.

COUNG" NGHEI 11:4

Aseing gi nya: gyeung" shang: da" Noku Yhoem: Moo" khoug: moo nyid nyid. Nya: zhungtang gi mougkhung: moug: di tho' moo: dajo, jo. Nyang: gi joyoo khang" moo" mo byu yiri yu" nyid lho: nyangnu" cikoid nyid ziri se.

ESAIA 6:1

Khokham Uzia shid: da" zain ri ngoo gi Aseing ri shau" myang. Nyang: gi nyang: wigi ngi: shab to" da" nya: zhungtang moo zhung: jo, da:. Nya: byisheing: gi Noku Yhoem: Moo" goin" moo byeung" jo, da:.

YEREMIA 17:12

Ngoonu" da" Noku Yhoem: Moo" gi xang: shi" mo boem dang moo yab jo, da:. Phung" yoeb bo da" zhungtang yo' du da:.

EZEKIEL 1:26

Hau: mougkhung: tho' moo Nila lug yo' koid to" da" zhungtang te" zi daloem: jo, da:. Hau: zhungtang tho' moo byu yhang: te" zi dayug zhung: jo, da:.

EZEKIEL 1:28

Hau: jang" moo seing: yhang: yo, gain: mo asam" avoid dangain" bo da:. He: yi yi bang zigi Aseing nyid ziri ci: shug byid: zi nghoid. Ngoo hau: ziri myang lang" myidjang khyoo: goeb pid bye:. Hau: thang: ngoo thui: dathui: shau" gyo:

EZEKIEL 10:1

Dei noem joem da" vhuloem tho' moo mougkhung: khyoo: ngoo yu" kaid. Hau: joem jang" moo Nila lug yo' koid to" da" zhungtang te" zi daja: jo, da:.

DANIELA 7:9

Ngoo yu" nyid uri khokham zhungtang joem ri nyheing to" ago". Apyaid atoo: moo dei nyid yug gi khokham zhungtang joem mo daloem moo zhung: jo, da:. Nya: da" byimi joem gi gyu: yo' dakhyo" phyu: wigi nya: da" xam: joem gi yang moug" gyeing" yo' du da:. Myi: rheing" cab' dang moo zhug to" da" nya: da" khokham zhungtang gi myiyham: yi yi dab nyid da:.

MATHE 22:43

Yesu gi «houg su" nghoid lang" gi David gi gyeungshang: Venyi: khyo" Meshia ri Aseing ga: ci: wim tid lha".

HEBRE 8:1

Akhid" ngoonu" tid kyo" nyid da" khyoo: joem mo yhau: gyeung: thang da" dang" zeing khoin" gi Houg: yhangte" da" khainjung agyi moo" ngoonu" yo" boem bye. Nyang: gi moug: khung: moug: di tho' mo amyeing" akhang" bo da" zhung: tang lo, yo shoid moo lo" zhoung: jo, bye.

Pang Shug 1:10

Aseung: da" bidnyid ri - Venyi: moo ngoo bo lo" byug wigi ngoo gi laboo" zeing moid myheung te" da" thui: ri nga" nung thang moo tid nyid zi shau" gyo.

Pang Shug 12:5

Hau: myi: yi myhi, gi byumyu" yi bain' sho' bang: tho' moo joto' lham: dung: yo' vhoeb, khang" wa da" yug gi zoo: ri khu: kaid. Nghoid loug we' hau" zoonu" gi Mangsoo yo' nya: zhung: tang khyoo: lhoid shu" lo" zi shau.

Pang Shug 17:3

Hau: thang: ri mouglagyoo: gi ngoori venyi khyo" dain" pyoid yoo khyoo: shu" lam" lo" ri Mangso myeing ri juang" yi da" myeing dagung goin" lhid" tab ci: da" akhyeung" da" gougnyhoug ni, zeing dadu: da" atho' moo myi: yi: myhi, dayug zhoung: jo, ziri ngoo myang- hau: akhyeung" da" gougnyhoug moo vhuloem dab, nyhed loem: dab, lho: khyoug: daxi: khyoug: youg.

Pang Shug 19:4

Houg: lang" ludaid' eig xe: myid: yug yo' dei noem, gougnyhoug myid: ja: gi nyhoem: khyo, lho: zhung: tang tho' moo zhoung: jo, da" Mangsoo ri noku zoore"- Amen, Mangsoo ri coung" nghei byid: ge' ga: tid nyid boem.

Pang Shug 20:11

Hau: thang: moo phyu: da" zhung: tang yo' hau: tho' moo zhoung: jo, su: ri ngoo myang- Nya: da" myo, shid' ti: mo wigi mougmyid yoosoo" yo' moug: khung: moug di gi bei: loo" khare" lho: hau: eig ja: gikhanham we' adoem myang loo.

Pang Shug 21:10

Houg: lang" nyang: ngoori- gye" myhang: da" boem, phyoo" khyoo: venyi khyo" shu" do, lo" lho: Mangso myonhoo: phung" yoeb, doug bang ziyo' moug: khung: moug: di Mangso shid' khoin" mo ju" gyoo" lo da" gyeungshang: voogung Yerusalem aseig ngoori toin" shid.s

Pang Shug 21:5

Hau: thang: ri zhung: tang tho' moo zhoung: jo, su: dayug gi " Ziyoo jo, moo jo, dangain" ri ngoo gi Aseig doem koid too" wa,, ga: wigi tid. Nyang: ngoori we' tid zigi He: zirilhid" too" we' he: da" dang: gi deingmain" ziyo' loem, ge" da" dang: nghoid.

Pang Shug 3:21

Ngoo gi oung: doid lo" wigi nga" pho, da" zhung: tang tho' moo nyang: yo' dage" shau" zhoung: jo, yhang: ti"- oung: doid loo" su: ri we' nga" zhung: tang tho' mo nga" nam, moo zhoung: jo, wa da" akhang" ngoo byid: wa.

Pang Shug 4:10

Ludaid' eig xe: myid: youg bang: gi zhung: tang tho' moo zhoung: jo, apyaid atoo: moo dadei nyid su: da" shid khoin" moo goeb khyo' lho: vhu" pid' peid ago". Nyang: nu" gi nyang: nya: da" bidmug joem ri zhung tang shid khoin" moo khyoid khyo to" lho: tid zigi

Pang Shug 4:5

Hau: zhung: tang mo lhab, myeug nyid ziyo' moug: goem: myheung da" thui: yo' thui: moo" thui: zeing myeung thu lo nyid zhung: tang shid' moo Mangso da" venyi nyhed yug ga: da" myi: bung: nyhed loem: we' dab, jo.

Pang Shug 4:9

Hau: da" gougnyhoug myid: ja: gi zhung: tang tho' moo zhoung: jo, da" apyaid atoo: moo dadei nyid su: ri myonhoo: phung" yoeb yo' phoug" tab ngi shab, byid: lho: jeju" so" da" jikhoin" dang: seig joem yo' khoin" khang" moo"-

Pang Shug 5:1

Zhung: tang tho' moo zhoung: jo, su: da" lo, yo lo, moo mougsoug" deing: ci: nyid ziri ngoo myang- hau: mougsoug" deing: moo dazid' nyhed loem: yo' thoung" tab to" lho: athi" atho' moo mougsoug" byeing sho' lhid" tab to.

Pang Shug 5:13

Hau: tho' mo gootu: moug: khung: mougdi mougmyid yoosoo" myid' the" pyam: yo' nam mug dara, khyi khang" moo" moo nyid da" dei noem loeb, noem dangain" mo, gi " Zhung: tang tho' moo zhoung: jo, su: yo' yang nu" gi moug: myed pyaid khang" moo" moo myonhoo: phung" yoeb, yo' phoug" tab ngi shab, byid: ziyo' coung" nghei byid: khyoo: gi pyaid moo too: moo dajo, jo, baja" o"- ga: wigi khoin" jikhoin" thui: joem ri ngoo shau" gyo.

Pang Shug 6:16

Boem yi yo' lug ug joem ri yoid khe: zigi " Ngoonu" da" atho' moo gyo" baid' zeug lho:-m zhung: tang moo zhoung: jo, su: yo' yang nu" da" nheigkhoo" yo: nyid da" myonhoo: mo ngoonu" ri nghoeb, too" byid: ge, o"- ga: mho' yoid nyid boem ago".