Pang Shug 4:1 - Lacid Common Language Bible

¹ Hau: thang: ri gootu: da" yoeb, myang daloem: gi moug: khung: khoem" duang" bang" jo, ziri ngoo myang kaid. Hau: lho: laboo" daloem: moid myheung da" thui: te" ziyo' ngoori tid nyid da" dang: ri shau" gyo: zigi He: joyoo khyoo: do, loo we' thang: phyang" bue" loo wa da" moozoo" ri ngoo toin" shid ba, ga: tid nyid.

Pang Shug 4:1 교차 참조

THU' LO" MOUGSOUG" 1:1

Egutu mung" khyoo: Yaku yo' dage" yhe: boem da" Yaku da" yuggi zoo: yi yo' nyangnu" yugkhang" mo" da" yhoem: byu yigi

THU' LO" MOUGSOUG" 19:24

Aseing gi «Gyoo" yhe: wigi Arun ri nang yo' dage" yhe: shu" do, loo we'. Nghoid loug we' khainjung yi yo' byumyu" yigi kyoo" ri lid: wigi nga" jang" moo yo" do, loo zi anghoid. Hougsu" anghoid rigi nyangnu" ri ngoo yooboo dam byid: wa» ga: tid.

THU' LO" MOUGSOUG" 24:12

Aseing gi Moshe ri «Boem khyoo: nga" jang" moo do, lo wigi nang hid: mo: lo nyid gu: moo byumyu" yiri jhau" byid: wa shid re" ngoo lhid" to" da" tarha" dangain" bo da" lug pyi" eig loem: ri nang ri ngoo byid: wa» ga: tid.

DANG: ZHOEM 25:7

Je" myhang: da" jo yoo moo: shu" zhoung: jo, wa shid re" khe: zi shau" da" khyoo: gi re" da" joyoo ri je" yhouggyen: su: shid re" joyoo shu, byid: nhang: shau" da" tho' moo: je ge zi nghoid.

EZEKIEL 1:1

Apyaid soem" xi: zain lhammoo" myid: khyab wim: nyid" ein: nyid" ri Buzi da" yuggi zoo: ngoo khainjung Ezekela gi pyoung" she: nyhid: too" shau" wigi Yuda byumyu" yi yo' dage" Babelon mung" Kheba gyid yam moo nyid nyid. Mougkhung: bang" lo wigi Mangso yoeb myang ri ngoo myang. (

MATHE 3:16

Akhid" Yesu baptisma bain kham: yu lang" gyid thoem" mo to' thu' lo" da" uri yu" ge' mougkhoung: khoem" duang: bang" lo" lho: Mangso da" Venyi: gi pheing" kyoug" su" dang: gyoo" lo wigi nya: tho' moo zhoung: jo, zi nyang: myang.

MARKU 1:10

Gyid mo thu loo lang" - moug gung bang" lo" lho: gyeungshang: Venyi gi pheung" kyoug" yhang: ti"- nya tho moo re" gyoo" no: ziri nyang: myang.

LUKA 3:21

Byu myoo" sho' mo, gi Babtisma ri zheing: kham: yu lo" uri Aseing Yesu we' Babtisma ri kham: yu bye. Aseing Yesu gi akyu" mho' nyid da" uri Mougkhung bang" lo" lho:

YOHAN 16:13

Nghoidloug we' Mangso da" khyoo:- deing byeung" da" tarha" ri phang shug da" gyeungshang: Venyi: ju" gyoo" loo lang" gi nanu" ri deung main" da" tarha" bain sho' re" phang shug wam bye. Hau: da" gyeungshang: Venyi: gi nyang: vho: da" khyoo: tid kyoo" wa zi anghoid. Nyang: shaug" gyoo: ci: gu: ri tid kyo" lho: thang: phyang" bue" loo wa khyoo: ri tid wa nghoid.

ACTS 10:11

Hau: da" yoeb, myang gi moug: khung: bang" lo" wigi myed: khyoug: goin" jang" moo zei: ci: da" mi, join' yo' du da ja: ri myed, jang: tho' khyoo: yhoin" khyo' kaid' ziri nyang: myang.

ACTS 7:56

Houg: lang" Stephain gi yu" ge' - moug: khung: gi bang" lo" wigi byu da" nya: zoo: gi Mangso da" lo, yo shoid moo yab, jo, ziri ngoo myang kaid' bye- ga: tid.

Pang Shug 1:10

Aseung: da" bidnyid ri - Venyi: moo ngoo bo lo" byug wigi ngoo gi laboo" zeing moid myheung te" da" thui: ri nga" nung thang moo tid nyid zi shau" gyo.

Pang Shug 1:12

Houg: ngoori ji nyid su: ri shau" myang sho' ngoo houg: su" lheung: yu" kaid' ri sheing: myibung: nyhed loem: yo'

Pang Shug 1:19

Houg: yoomo nang shau" myang bye: da" khyoo: ri we' akhid" jo, jo, gu: ri we' thang: phyang" bue" loo wa khyoo: ri we' lhid" too" we'.

Pang Shug 11:12

Hau: thang: ri lapi: eig yug gi " He: joyoo khyoo: do, loo ge",, ga: moug: khung: khyo" nya: eig yug ri gyi" sho' yoid da" thui: ri shau" gyo: ago". Nya: eig youg da" gyivoo yi gi dazoung" nyid shi" uri nya: eig yug gi jhoem: moug" thei" mo wigi - moug: khung: khyoo: do, loo" khari" bye: ago".

Pang Shug 11:19

Hau: thang: ri moug: khung: tho' moo noku yhoem: moo" gi khoem" bang" loo" khari" yoomo houg: moo jo, da" Dang: Theing Kuid: ri ngoo myang. hau: thang: rilhab, myeug lo wigi moug: goem: goem: da" thui: zeing myeung lo ziyo' myid leig we' leug lo lho: leig voo khyo, moug: moo" vo, da" zi houg: moo bue" loo bye.

Pang Shug 16:17

Hau: thang: ri nyhed yug ein: da" moug: lagyoo: gi nya: da" goem, ri lid' moo foid tang" kaid- houg: lang" noku yhoem: moo" khoug: moo jo, da" zhung: tang mo thu' lo da" thui: moo" da thui: gi " Moozoo" bain' bye",, ga: tid thu' lo.

Pang Shug 19:11

Moug: khung: moug: di ri phang kaid' lang" houg: moo myang: phyu: ju: nyid su: ri ngoo myang kaid'. Hau: myang: tho' moo zhoung: jo, su: gi deing byeung" ziyo' deingmain" su: nghoid. Nyang: gi nya: da" meing" zain: gyipui" moo tarha" nyeung veung" khyo" zain: nyid su: nghoid.

Pang Shug 22:6

Hau: thang: ri moug: lagyoo: ngoori tid zigi " He: dang: joem gi deing byeung" ziyo' loem, ge" nyid. Hau: lho: nya: venyi lapi: yi ri kaid' byid: da" Aseing: Mangsoo gi ayo, khamyhang amyang" ri bue" loo wa da" khyoo:- nya: dei zoo: yi ri toin" shid' wa shid re" nya: da" moug: lagyoo: yi ri nhang: kaid' bye ga: wigi Yesu ngoori tid.