Pang Shug 3:8 - Lacid Common Language Bible

⁸ Nang zei: nyid da" moozoo" ri ngoo se'- nang gi yoem: so' dajhi' zoo: boo nghoid loug we' ngoo tid poin" da" dang: ri cang lho: nga" tho' moo geing: zug loem jeung" nyid khyoo: ri ngoo se' Re" shid' mo hang" we' ayo" myhed" to" da" khoem" daduang: ri ngoo phang too" byid: bye.

Pang Shug 3:8 교차 참조

DANG: ZHOEM 30:9

Ngoo moo: ca" nyid tho' re" jonu" ziyoo yo" jo, loo lang"-nang ri ngoo ci: aca" loo: ga: tid loo wa zi nghoid. Nghoid lang" ngoo sho" jhen: nyid wigi khoug" zo: lho: nga" Mangsoo ri myeing yoin" loo" nhang: wa zi nghoid.

DANIELA 11:34

Hougsu" said go" nyid uri Mangso byumyu" yigi byu myoo" sho' mo, nyangnu" nyang: myid vho: ziyoo" wa shid re" re" bo pang" zi nghoid loug we' dajhi dathang: pang" yu zi shau" boem wa.

LUKA 12:9

Ngoori su" da" shid' khoin" moo ngeig pyam su: rigi Byu da" nya: zoo: we' Mangso lagyoo: yi shid' khoin" moo ngeig pyam wa.

YOHAN 15:20

Join gi yhoem: seing: tho' moo je gyi: zi anghoid. Ngoo nanu" ri tid yu" bye: ziri myid boin ge'. Mougmyid byu wi gi ngoori shen" yhen nghoid rigi nanu" ri we shen" yhen wa zi nghoid. Nyangnu" gi nga" da" dang: ri cang lo" boem wa nghoid rigi nanu" da" dang: ri we' cang lo" boem wa zi nghoid.

YOHAN 17:6

He: mougmyid mo khyen: thu' lho: nga" da" lo, moo nang ab byid: da" byu yi ri ngoo gi nang ri we si' nhang: too" bye. Houg: bang: gi nang seing: ci: yoomo ngoori ab byid: bye. Nyangnu" gi re" da" mungdang: ri tam gyo: nyid boem abye:.

ACTS 14:27

Nya: eig: yug gi Antioki voogung khyoo: ju" yhe: loo" lang" phung byu yi ri khe: zheung" yu wigi nya: eig yug khyo" Mangsoo gi khate" da" moo" ri zei: loo bye: da" khyoo: dangain" ri we' Mangsoo gi tungbau byumyu" yi Yesu ri loem" jeung" lo boem wa shid' mo khyoo: khasu" phang byid: lo da" khyoo: dangain" ri we' - nyangnu" ri tid kyo" ago".

1Korinthians 16:9

Khasu" wim ga: ri hau: voo gung moo: ngoori- thoutheung da" gyivoo yi myoo" sho' nyid nyid ago". Nghoid loug we' akyu" bo wigi- gyi: sheung: sho' zei: wa da" moozoo" myoo" sho' zei: soo" wa ge' da" ayo, akhyeing: bo jo.

2~KORINTHU 2:12

Khristu da" ngeibu: ludang: kho" kyoo" wa shid mo Troa voo moo ngoo ju" yhe: uri hau: joyoo moo moo" yo" zei: baja"- nga" shid re" Mangsoo gi khoem" phang byid to.

PHILIPI 4:13

Ngoori yoem: lung: so' lung: byid: da" Khristu yoomo khyoo: khaid gu: khang" moo" yo" oung; lo" da" yoem: so' ngoo yo" yu nyid.

KOLOSE 4:3

Aseing Yesu da" no, thang mungdang: ri yo" kho" kyoo" wa shid re" amyeing" akhang" akhyoo" ayo, ge zi Mangsoo gi nyhang" ri byid: baja" ngoonu" shid re" we' akyu" dabo mho' nyid ge'- Khasu" wim gari Khristu da" no, thang mungdang: ri kho" kyoo" yoomo akhid" ngoo gi thung moo loung" jo.

1 TIMOTHI 5:8

Nghoid loug we' byu dayug yug gi nyang: nya: da" byumyu" akung: ako''- je wigi ikoin deungkhu: byu yi ri yu" goin, coung: khyoo: aboo su: nghoid rigi hau: loem" jeung" khyoo: ri ngeug pyam' su: bue" nyid lho: aloem" jeung" da" byu dayug tho' mo je wigi akhyeing" ashoeb, su: bue" nyid.

2 TIMOTHI 4:7

Ngoo gi gei, shi go" pui" moo yoem: so' bain sho' gei loo" bye. gei, wa shid re" ke' to" da" lake, bain: zeing: moo ju" sho' gei bye. Hau: loem" jeung" khyoo: ri ngoo bain' cang bye.

YUDA 1:4

Khasu" wim ga: ri tarha" aci: da" byu dayham" bang: gi aboin: aso" shoid' khyo" lo vang loung" jo, boem bye- nyangnu" gi yha" phoo Mangso da" jeju" mungdang: ri nyangnu" da" akhyeung" khyoo: ri nghoeb, pyam' byid: wa shid re" ci: yhoung: zoore"-dayug kyeung" ngoonu" da" khyoid yu Aseing Yesu Khristu rigi ngeug pyam' bye. Houg: bang: kham' zoo: wa da" yoobo dam gi jhoem: mungdang: moo goo" nham, mo tid lheom: too" bye.

Pang Shug 2:13

Nang nyid da" joyoo ri ngoo se'- hau: joyoo gi satan da" zhung: tang jo, jang: nghoid. Nga" geing: zug da" sagsi: phoo- Antipa ri hau: satan nyid jang: moo said' pyam boem uri lang" nang gi ngoori loem" jeung" khyoo: ri ashe: pyam.

Pang Shug 2:2

Nang ci koid lid loo bye: da" moozoo" ri ngoo se'- nang khayhi' yoem: kaid lho: moo" zei: nyid zi nang khayhi' yo" kham zeung: nyid ziri ngoo se' nyid. Nang gi akhyeung" da" byu yi yo' lagyoo: anghoid zi lagyoo: nghoid ga: mhoug mo, ri ca: yu" lho: se' lang" gi khyam" sa abyid: lo: ziri ngoo se.

Pang Shug 22:7

Yesu gi tam' gyoo: ge' ngoo amyang" ri re" loo wa he: jhoem: pug mo lapi: dang: ri tam" gyoo: mo gi ngi lho, shau" boem wa ga: tid.

Pang Shug 3:1

Sardi phung da" mauglagyo: jhang khyoo:- hid: su" ein: lhid" we'. He: da" dang: gi Mangso Venyi nyhed yug yo' kyi: nyhed cab, yoo" su: jang" mo mungdang: nghoid. Nang koid nyid da" moozoo" ri ngoo se. Nang gi kangso' dei nyid ga: fu" nyid nghoid loug we' shid: jo, su: nghoid nyid.

Pang Shug 3:10

Khasu" wim gari nang gi nga" da" dang: ri jhug zug cang nyid yoomo mougmyid gyab, goin" mo xang: su: byu yi ri jham" ca: yu" jam jau byid: lo da" bidnyid ayo, moo nang ri ngoo goem loem zung" lhug yu wa.

Pang Shug 3:15

Nang moo" zei: nyid ziri ngoo se'- nang gi ngi" we' anghoid- jham" we' ajham"-su: nghoid nyid ziri ngoo se' nyid nang gi ngi" lang" nge" zi jham" lang" gi jham" ziri ngoo vho: nyid.

Pang Shug 3:7

Philadephia phung da" moug: lagyoo: jhang khyoo: hid: su" ein: lhid" we'. He: da" dang: gi gyeungshang: ziyo' deingmain" su: jang" mo mungdang: nghoid. Nyang: gi David da" khoem" thoug" ci: su: nghoid. Houg: yoomo nyang: wigi khoem" ri phang too" lang" hang" we' ayo" myhid" loo- hau: lho: nyang: wigi khoem" ri myhed" too" lang" gi hang" we' ayo" phang lo: su:- jang" mo mungdang: nghoid.