Pang Shug 3:3 - Lacid Common Language Bible

³ Houg: yoomo nang jhau" kham: yu bye: ziyo' shau" gyo: kham: yu bye: da" khyoo: joem ri doem myed boin: lho: houg: moo cang zei: loo" we'. Re" yooboo mo nheigloem: thed' loo we' nang alhid' nyid nghoid rigi khoug" su: yhang: ti" ngoo re" jang" moo ri" wa. Ngoo ju" ri" wa da" ayo, ri lang" nang se' wa zi anghoid.

Pang Shug 3:3 교차 참조

EZEKIEL 20:43

Houg: lang" nanu" gi nanu" koid lid: lo da" ngi yoem" khyoo: dangain" ri yo' nanu" nya: gung ri khasu" anyhoin: athung" bui" nhang: pyam bye: khyoo: ri boin: so" loo goo" wa. Nanu" gi nanu" nyang: koid lid: loo bye: da" akhyeing" ashoeb moo" gang mo nanu" nya: gung ri co' loo goo" wa.

EZEKIEL 36:31

Nanu" gi nanu" nyang: shoid lid: lo da" akhyeing" ashoeb da" avoid joem yo' nanu" koid shoid da" joem ri myid boin: lho: nanu" gi nanu" da" yooboo joem yo' youg: noo dam joem gang mo nanu" nya: gung ri co' lo boem goo" wa.

MATHE 25:13

Houg: su" nghoid yoomo nanu" we' hau: bidnyid hau: ayo, ri asi yoomo zed" lhed lho: lang" nyid, ge'.

MARKU 13:33

Hau: bidnyid yo' ayo, khanham ju" ri wa ziri nanu" asi yoomo lhid zed" lho: gyeing" gyeing: za: yu nyid ge".

MARKU 13:36

Houg: su" nghoid yoomo yhoem: seing: gi nyeigdain tung" ju" lo uri nanu" yhoeb myed, jo, ziri alo myang wa.

1THESALONI 5:2

Khasu" wim gari Aseing: doem ju" ri" wa bidnyid gi myen" ri khoug" su" re" yhang: ti"- ju" ri" wa nghoid ziri nanu" nyang: voin: tang: si' bye.

1 TIMOTHI 6:20

Timothi we"- nang ri ab, byid: to" da" aya: ri goolhoo: za: zoem: shoung: too" we'. Aco' ajhoid da" khoin" co, loeb, khyoo: ri we' phajhi" dang: nghoid ga:. byu jha" bang: tid shoid' myid da" akoo" afang: ga: ngeig goo" yang: go" dang: ri we' jang" pyam' nyid we'.

2 TIMOTHI 1:13

Ngoo gi nang ri jhoug" byid: bye: deingmain" da" mungdang: ri nang cang loo" wa da" akhyoo: avoid bui" nhang: wigi geing" geing: zei: ci: lho: Yesu Khristu yo' dadeing: daloem: za: koid wigi kangso' dei nyid khyoo: moo loem" jeung" ziyo' jheddab da" nheigloem: ri geing: geing: dazei: ci: we'.

HEBRE 2:1

Houg su" nghoid yoomo ngoonu" gi khyoo: avhang: loo" baja"-ngoonu" nyang: shaug" gyoo: bye: da" hau deungmain" da" khyoo: moo je" wigi gyed gyed pu" lhang" too' shang.

2PETRU 1:13

He: da: kangso' dei nyid shi" ayo' bidnyid gu: moo hau: khyoo: yo' sen: lho: wigi nanu" ri lhid' zid" wa shid' mo tidpoin" wa khyoo: gi ngoo zei eung: da" moo" nghoid ein: ngoo myed yu" nyid.

2PETRU 3:1

Nga" da" jheddab byen cang" yi we"- he: zigi ngoo nanu" jhang khyoo: eig lheung: ein: lhid" kaid da" moug soug" nghoid. He: da" mougsoug" eig pug moo nanu" da" yung" lho' nheug loem: yo' se' gyoo: wa shid re" vhoo: moo lhid" to" da" khyoo: yi yo' tid poin" tid kyeung" kaid.

2PETRU 3:10

Hau: Aseing: da: bidnyid koem gi-khoug" su: re" yhang: ti: ju" ri wa zi nghoid. Hau: bidnyid moo moug: khung: mougdi gi-gye" gyi: myeung da" thui: zeung yo' bei: loo" byug wa zi nghoid. Moug: khung: mo bidbang gung; joem we' myi: nge" kyu" gyo" pyam' boem wa zi nghoid. Moug: myed yoosoo" yo' jo, moo jo, joem we' bei: lo" byug khare" boem wa zi nghoid.

Pang Shug 16:15

Gyo: yu" ge'. ngoo gi khoug" su: ju" re" yhang: ti" ju" ri" wa Houg: yoomo byimi avoid shoo" cen: doem: nghoid nyid ziyo' sube" da" shid khoin" moo sho' athu' wa shid re" gyeung: boin: nyid wigi nyang: nya: da" byimi, ri zung" nyid su: gi ngi: lhoo' wa zi nghoid.

Pang Shug 2:25

Nghoid loug we' nanu" gi nanu" nya: da" lo, moo" ri ngoo ju" re" jang" moo ju" sho' geing: geing: teing teing zei: ci: ge'.

Pang Shug 2:5

Nang khayhi' byed gyoo" loo" bye: ziri se' we' re" da" yooboo mo nheigloem: thed' lo lho: xang: shed" ri cang loo bye: yhang: ti" bdem cang we'. houg: su" nheigloem: athed, loo lo: nghoid rigi re" jhang khyoo: ngoo re" wigi re" da" myibung: ri hau: joyoo mo ngoo yu pyam' byid: wa.

Pang Shug 22:7

Yesu gi tam' gyoo: ge' ngoo amyang" ri re" loo wa he: jhoem: pug mo lapi: dang: ri tam" gyoo: mo gi ngi lho, shau" boem wa ga: tid.

Pang Shug 3:11

Ngoo phyed za: ju" ri" wam: bye- re" da" oung: lo" jhung: shug aphoug" gi hang" we' ayo" lhoid yu baja"- nang yo" yu bye: zi ri geing: geing: dazoem: ci: we'.

Pang Shug 3:19

Ngoo gi ngoo nyang: jheddab mo, dangain" ri jhau" mho' lho: yoobo dam kaid' nyid houg: yoo mo nang gi yhoug: gyen: khyo" koid nyid lho: re" yooboo mo nheigloem: thed' loo re.

Pang Shug 3:2

Re" da" moozoo" gi nga" Mangso da" shid' khoin" moo ajoeb, abyeung" shi" ziri ngoo myang. Houg: yoomo too' we' re" da" kangso' bain sho' athang shi" uri yoem: kaid' we'.