Pang Shug 3:18 - Lacid Common Language Bible

¹⁸ Houg: su" nghoid yoomo nang gi yo" loo de, loo wa shid re" sheing: gyeing" ri nga" jang" mo qei yu wa shid mo ngoo phajhi" byid - hau: tho' mo gootu: asho, ashid: da" shoo" cen: doem: moo goo wa shid re" yo' Nanyang: void wa shid re" phyu: gyeung" da" byimi ri nghoid loug we' nga" jang" mo qei yu we'.

Pang Shug 3:18 교차 참조

COUNG" NGHEI 107:11

Khasu" wim gari nyangnu" Mangsoo byid: to" da" athang agoin amyeing" dang: khoin" joem ri thougtheung pyam boem lho: wigi nya: da" jhoug" myeing jhoug" thui: joem ri: we' alhoem: yu boem yoomo nghoid nyid ago".

COUNG" NGHEI 16:7

Aseing gi ngoo ri: khyoo: shed byid: nyid yoomo ngoo gi nyang: ri coung" nghei nyid lho: nga" myid soin: emyed ri myen" ayo, moo ngoo ri: tid poin" khyoo: shed byid: nyid.

COUNG" NGHEI 32:8

Aseing tid zigi ngoo gi nang so" loo" ca" da" khyoo: ri jhau" byid: wa. «Ngoo gi nang ri phajhi" byid: lho: khyoo: toin" shed wa.

COUNG" NGHEI 73:24

Re" da" jhau" shed khyoo: yo' ngoo ri vhu" shu" she: nyid lho: Thang" thang phoug" tab, ngi shab khyo" nang gi ngoo ri lhoem: kham: yu wa zi nghoid.

DANG: ZHOEM 1:25

Nang ri ngoo phajhi" byid: da" khyoo: ri cishu: anhang: nghoid nyid da- nang ri so, koid so, nyheung khyoo: ri nang avhoo: nghoid da:.

DANG: ZHOEM 1:30

Nanu" ri ngoo phajhi" byid: dang: gi khanham we' avhoo: angei nghoid nyid ago- ngoo jhau" byid: khyoo: ri we' agyo: yu nghoid ago".

DANG: ZHOEM 19:20

Phajhi" byid: da" dang: ri jhau" yu nau lho: tam" gyo: nghoid rigi danyid" nyid" ri phajhi" ju, yhi: boo su: bue" loo wa nghoid.

DANG: ZHOEM 23:23

Deingmain: khyoo: phajhi" juyhi: bo da" khyoo: jhau" kham: yu khyoo: joem yo' ge da" nheigloem: hau: ziri nang gu phyed lho: ung" zoo: wa ein: lang" age myid yu: sho' phoug" dab, zi nghoid.

PHAJHI" DANG: 8:2

Khokham tid ziri koid we'. Houg: lho: Mangsoo ri ahain: agyoin dangsoo" ciri" we pashau" byid:.

ESAIA 47:3

Byu yigi nang gung cen: nghoid ziri shau" myang re" boem wa. Nyangnu" nang ri yu" nyhoem: pyam lho: yu" sho' loo goo" wa. Ngoo gi latoo: phug wa. Ngoo ri hang" we' atoem' goo" wa» ga: tid da:.

ESAIA 55:1

Aseing tid zigi «Gyid shid bang: yugkhang" moo" we' ri" ge' gyid hid: moo: jo,. Ngei ayoo" bang: we"- ri" ge'. Shivoo: qei wigi zoo: ge'. Ri" ge'. zabyid yhid: yo' nunoug" re" qei shug ge'. Hau: zigi nanu" shid re" ce: aphoug" aca" nghoid da:.

YEREMIA 13:26

Aseing nyang: nanu" ri byimi khyoid pyam byid: lho: nanu" ri sho' phu" nhang: loo wa.

DANIELA 12:2

Shid: loo" bye: da" bang: mo myoo" sho' bang: gi doem dei to' loo goo" wa. Dayham" gi ngei pyoo: tung" apyaid ato: kangso' yo" yu boem wa. Houg: lho: dayham" bang: gu gi yau: khi" yo' wigi apyaid atoo: da" jeju" ashau" kham zoo: wa.

MIKHA 1:11

Shaphira voo moo nyid da" voobyu yi we"- gung cen: shoo" pyoid yo' asho' ashid: shau" zoore phang: thu loo" ge'. Zanan moo nyid mo, gi nyangnu" voogung mo avoem" thu lo" boem. Betezela bang: ngau myheung ziri nyangnu" shoug" gyoo: lang" gi houg: moo gyiphang: phang: khoug: zung ajo, ziri nyangnu" si' wa nghoid.

NAHUM 3:5

Yoem: moo" bo da" Aseing gi tid nyid «Nineve we" nang ri ngoo shen" yhen loo wa. Ngoo gi nang ri shoocen: doem lang: shang: byid: loo wa nghoid wigi nang mo re" da" sho' ja: dangain" byu yiri myang nhang: wa nghoid.

MALAKHI 3:3

Nyang: gi ngei gyeung" ri kyeing su: kyeing yhang: ti" dang: phyed loo wa zi nghoid. Ngei yo' sheing: ri nghe' kyeung yu yhang: ti" Aseing lagyoo: gi khainjung yiri kyeung loo wa zi nghoid. Hougsu" koid lang" she' Aseing jhang khyoo: deingmain" da" xoin" ri ci: re" boem wa zi nghoid.

MATHE 13:44

«Mougkhung: mungdain: gi hid: su" bue" ziyo' du nyid. Byu dayug gi yoo dakhyang" moo myhoeb to" da" phougdab ziyoo ri myang- Houg: lang" nyang: gi dalheing: doem myhoeb too" khoo, lho: gau yi da" nheigloem: yo" lo" wigi nya: ziyoo dangain" oung" pyam lho: doem tau" yhe: wigi hau: yoo ri qei yu.

MATHE 25:9

Phajhi" bo nheig gyeing: bang: anghoid ‹nanu" shid re" we' ngoonu" shid re" we' ein: rigi tham: zi anghoid. Nanu" shid re" ung" jang: moo yhe: qei yu ge› ga: phoug tid kaid ago".

LUKA 12:21

Nyang: nya: shid' re" ziyoo jonu" khamyhoo young: too" nghoid loug we' Mangso da" shid' khoin" moo ayoo" ajo, su: gi hau: da" sathe" phoo yo" dadu nyid ga: tid.

2~KORINTHU 5:3

Hougsu" bain zhoung" yu lang" ngoonu"- gi gungdu: aboo lo: mo, bue" loo" wa zi anghoid.

2~KORINTHU 8:9

Nanu" gi ngoonu" Aseing Yesu Khristu ri se' nyid boem ago" Aseing Yesu gi nyang: di su: nghoid loug - nanu" da" shid re" nya gungdu: ri sho" jhen: byu bue" loo" nhang: bye. Nyang: asho" ajhen: koid jang" mo nanu" yo" de, lo boem bye.

1 TIMOTHI 6:18

Ge, lho, da" moo" ri zei: nyid wa shid re" ge, da' moozoo" mo, yo" de loo wa shid' re" we' byu gooji yi ri gam, byid: myhoo, byid: vho, lo" khyoo: moo we' amyug ashi loo: yo" gam, byid: wa shid re" jen" jen" koid nyid goo' baja"- nyangnu" ri jhoug" byid: nyid we'.

YAKU 2:5

Jheddab da" mangnhung" yi we"- tam" gyo: yu" ge'. loem khau: khyoo: moo joeb byeung" mo, byui: wa shid re" Aseing: ri jheddab mo, shid re" gi dang: theung to" mungdain moo yo" vang loo" wa shid mo Aseing: gi moug myid' mo sho" jhen: mo, ri khyen: yu zi nghoid.

1PETERU 1:7

Hougsu" jham" ca, yu" da" gunglau" shau" khyoo: gi Mangsoo ri nanu" loem" jeung" khyoo: gyeung" ziri toin" shid khyoo: nghoid. byug thang loo" se' da" ngei sheing: ri lang" myi: yo' jham" ca, yu" zi shau" nyid Houg: yo' dakhyoo" ti"- sheing: tho' moo je phau" da" nanu" da" loem" jeung nheigloem: ri we' gyeungshang: lho: geung: teing wa shid re" myi: moo kyeung zi shau" nyid Hougsu" nghoid lang" nanu" gi Aseing Yesu doem gyoo" lo da" bidnyid moo myonhoo: bug thu' sheing" jhu" ziyo' coung" nghei zi shau" kham: yu boem wa zi nghoid.

Pang Shug 16:15

Gyo: yu" ge'. ngoo gi khoug" su: ju" re" yhang: ti" ju" ri" wa Houg: yoomo byimi avoid shoo" cen: doem: nghoid nyid ziyo' sube" da" shid khoin" moo sho' athu' wa shid re" gyeung: boin: nyid wigi nyang: nya: da" byimi, ri zung" nyid su: gi ngi: lhoo' wa zi nghoid.

Pang Shug 19:8

Phyu: bang da" ziyo' sen: da" jid: moo" pain" yo' nya: gung ri lhoo, yhung wa akhang" nyang: yoo" bye, ga: tid. (Jid: moo" pain" phyu: ga: zigiMangso byu yi da" ge, da" asam" aved, moozoo" nghoid)

Pang Shug 2:9

Nang thoung" shau" nyid da" sho" jhen: jamjau khyoo: ri ngoo se' nyid nang gi damyoug sho" jhen: nyid nghoid loug we' gyeing" nyang: ga: rigi nang yoo" su: di su: nghoid nyid. Nyang: nya: da" gung ri Yuda byumyu" nghoid ga: tid nyid mo, gi nang ri theung shang" gyi koid mo, nghoid nyid boem ziri ngoo se' nyid. Nyang: nu" gyeing" gyeing" ga: rigi Yuda byumyu" anghoid- satan: da" byumyu" yi danghoid nyid boem ago".

Pang Shug 3:17

Ngoo gi yoo" su: di su: nghoid yoomo ci: we' aca" loo:- ga: nang tid nyid. Nghoid loug we' nang gi khayhi' gyeung" da" asho" ajhen: nheig khyeig cang boo su: nghoid nyid ziri Nanyang: gi ase' nhung: lha". Nang gi sho" jhen: su:- byumi adab su: myo, jed, nu loem: su: danghoid nyid.

Pang Shug 4:4

Hau: zhung: tang da" ayam, aqei: lheing khab, moo gi zhung: tang eig xe: myid: loem: bo jo- Hau: zhung: tang tho' moo phyu: gyeung" da" byimi ri void ci: lho: sheing: bidmug zhoung" ci: da" ludaid' eig xe: myid: yug khyam, lheung zhoung: jo, ziri myang.

Pang Shug 7:13

Ludaid yi mo dayug gi Houg: ri " byiphyu: void ci: mo, gi hang" nghoid go" lha" kha: yo thu' loo mo, nghoid go" lha"» ga: myid: .