Pang Shug 3:11 - Lacid Common Language Bible

¹¹ Ngoo phyed za: ju" ri" wam: bye- re" da" oung: lo" jhung: shug aphoug" gi hang" we' ayo" lhoid yu baja"- nang yo" yu bye: zi ri geing: geing: dazoem: ci: we'.

Pang Shug 3:11 교차 참조

ZEPHANI 1:14

Aseing da" gyi: thang bidnyid gi jhang loo bye:. Hau: bidnyid gi jhang lo ziyo' myab myab ju" re" nyid bye:. Hau: bidnyid gi gye" khoo" wa da" bidnyid nghoid. Khasu" wim gari gye" yoem: bo ziyo' gye" voem" thang da" gyizoo: yi lang" nheigloem: gyau: ziyo' ngoug wa zi nghoid.

1Korinthians 9:25

shi, go" da" pui" vang wa shid re" shi, goo wa soin nyid da" gei shi, sarhi' yi yug khang" moo" gi thain: da" tarha" ri cang byeung" nyid ago". He: byu yi houg: su" koid da" khyoo: gi byo, yoin" loo" se' da" bain: khuang: yo" yu wa shid re nghoid. Nyhang" koem gi pyaid moo: too: moo: byo, yoin" loo" ase' da"- bidmug yo" yu wa shid re" gei shi, go" nyid zi nghoid.

PHILIPI 4:5

Nanu" da" sam" dab, nu" nham, da" nheigloem: ri byu dangain" bang: da" shid khoin" moo toin" shid' nyid ge'- Hau" Aseing: ju" ri" wa da" ayo, gi jhang lo nyid bye.

2 TIMOTHI 2:5

Gei, shi, go" da" pui" moo bo vang gei shi, nyid da" sa" rhi, phoo dayug gi nyang: cang ca" da" thung" tarha" yo' dakhyoo" ti" acang lo" nghoid rigi coung" nghei ngi shab, jhung: shug ri shau" kham: yu wa zi anghoid.

2 TIMOTHI 4:8

Akhid" mo wigi deingmain" da" tarha" agyi ein: da" hau" Aseing: gi tarha" dang: phyed' da" bidnyid moo ngoori byid: wa nghoid da" hau: deing byeung" da" kangso' dei khyoo: yo' sen: da" oung: doid lo" bidmug gi nga" shid re" shoung: too" bye- ngoori za: we' anghoid- nyang: doem, ju" ri" wa da" khyoo: ri vho: ngei ziyo' lang" nyid bang: dangain" ri we' ab, byid: wa zi nghoid nyid.

YAKU 1:12

Jhu, phyo' khyoo: thoung" shau" nyid uri aleung loo" su: gi ngi lho, nyid. Khasu" wim gari houg: su" yo" kham: zeung: nghoid rigi Mangsoo ri jheddab mo, ri byid: wa ga: da" kangso' bidmug ri shau" zhoung" boem wa.

YAKU 5:9

Mang: nhung" yi we"- nanu" nyang: gung nyang:- Mangso ca: kyeing yu: zi ashug" wa shid re" nanu" nyang: cang" nyang: dayug gi gootu: dayug ri yooboo afoin: go" nyid goo"- tarha" agyi phoo gi khoem" moo" duang: moo yab, jo, bye.

Pang Shug 1:3

He: moozoo" gi bue" loo wa da" ayo, jhang loo bye: yoomo he: mougsoug" ri nghab su: gi ngi: lhoo' wa. Hau: lho: he: da" lapi: dang: ri tam" gyoo: su: yo' he: mungdang: moo lhid" too" moo too" ri cang yhe: loo" su: gi ngi lho, nyid.

Pang Shug 16:15

Gyo: yu" ge'. ngoo gi khoug" su: ju" re" yhang: ti" ju" ri" wa Houg: yoomo byimi avoid shoo" cen: doem: nghoid nyid ziyo' sube" da" shid khoin" moo sho' athu' wa shid re" gyeung: boin: nyid wigi nyang: nya: da" byimi, ri zung" nyid su: gi ngi: lhoo' wa zi nghoid.

Pang Shug 2:10

Nang shau" kham, zoo: wa da" sho" jhen: jamjau shid re" agyug nyid. yu satan gi nanu" mo dayham" bang: ri thung: moo lhoung to" lho: jham" ca: yu da" sho" jhen: shen" yhen zi shau" goo" wa nghoid loug we' nheigloem: geung: zug jo, we' houg: lang" ngoo nang ri oung: lo" da" kangso' bidmug byid: wa nghoid.

Pang Shug 2:13

Nang nyid da" joyoo ri ngoo se'- hau: joyoo gi satan da" zhung: tang jo, jang: nghoid. Nga" geing: zug da" sagsi: phoo- Antipa ri hau: satan nyid jang: moo said' pyam boem uri lang" nang gi ngoori loem" jeung" khyoo: ri ashe: pyam.

Pang Shug 2:25

Nghoid loug we' nanu" gi nanu" nya: da" lo, moo" ri ngoo ju" re" jang" moo ju" sho' geing: geing: teing teing zei: ci: ge'.

Pang Shug 22:12

Tam" gyo: yu" ge'. Ngoo amyang" ri ju" ri" wa dayug yo' dayug ri nya: moozoo" yo' dakhyoo" ti" - doem, toug" byid: wa moin: yi" da" ngi shab, jhung: shug gi ngoo ci: ri" wa.

Pang Shug 22:20

Nghoid bye" - ngoo amyang" ri deing" deing nyang: ju" ri" wa ga: tid. Houg: su" bui" baja"- Aseing Yesu we"- gyoo" ri" we' o".

Pang Shug 22:7

Yesu gi tam' gyoo: ge' ngoo amyang" ri re" loo wa he: jhoem: pug mo lapi: dang: ri tam" gyoo: mo gi ngi lho, shau" boem wa ga: tid.

Pang Shug 3:3

Houg: yoomo nang jhau" kham: yu bye: ziyo' shau" gyo: kham: yu bye: da" khyoo: joem ri doem myed boin: lho: houg: moo cang zei: loo" we'. Re" yooboo mo nheigloem: thed' loo we' nang alhid' nyid nghoid rigi khoug" su: yhang: ti" ngoo re" jang" moo ri" wa. Ngoo ju" ri" wa da" ayo, ri lang" nang se' wa zi anghoid.

Pang Shug 4:10

Ludaid' eig xe: myid: youg bang: gi zhung: tang tho' moo zhoung: jo, apyaid atoo: moo dadei nyid su: da" shid khoin" moo goeb khyo' lho: vhu" pid' peid ago". Nyang: nu" gi nyang: nya: da" bidmug joem ri zhung tang shid khoin" moo khyoid khyo to" lho: tid zigi

Pang Shug 4:4

Hau: zhung: tang da" ayam, aqei: lheing khab, moo gi zhung: tang eig xe: myid: loem: bo jo- Hau: zhung: tang tho' moo phyu: gyeung" da" byimi ri void ci: lho: sheing: bidmug zhoung" ci: da" ludaid' eig xe: myid: yug khyam, lheung zhoung: jo, ziri myang.