Pang Shug 3:10 - Lacid Common Language Bible

¹⁰ Khasu" wim gari nang gi nga" da" dang: ri jhug zug cang nyid yoomo mougmyid gyab, goin" mo xang: su: byu yi ri jham" ca: yu" jam jau byid: lo da" bidnyid ayo, moo nang ri ngoo goem loem zung" lhug yu wa.

Pang Shug 3:10 교차 참조

ESAIA 24:17

Yugkhang" moo" nga" dang: ri tam" gyoo: byid: da:. Gyug dain khyoo: joem duang khuang" joem lhid joem gi nanu" ri lang" nyid da:.

DANIELA 12:10

Byu myoo" sho' bang: gi kyeing sain' pyam byid: zi shau" boem wa. Akhyeing" ashoeb bang: gi ase' gyoo: goo" wa. Nghoid loug we' nyangnu" gi akhyeing" ashoeb moo" ri zei: nyid boem goo" wa. Phajhi" boo bang: kyeing dase' gyoo: goo" wa.

ZEKHARIA 13:9

Deung nyid mo, rigi myi: yo' ngei zi ri kyeung yu yhang: ti" nyangnu" ri ngoo kyeung yu wa. Sheing: ri ca: yu" yhang: ti" nyangnu" ri ngoo ca: yu" wa. Hougsu" wigi nyangnu" ngoo ri mho' yoid uri ngoo nyangnu" ri tu" byid: wa nghoid. Nyangnu" ri ngoo gi nga" mung" byu yi nghoid ein: tid wa. Nyangnu" we' ngoo ri Aseing gi ngoonu" da" Mangsoo nghoid ga: yhen: yu lo boem wa»

MATHE 24:14

He: mungdain: da" ngei bu: lu dang: ri byu bain sho' shid moo sagsi: bui" wa shid re" Mougmyid gyab' goin" kho" kyo" loo" wa zi nghoid. Hau: thang: ri mougmyid thang da" ayo, ju" loo wa zi nghoid.

MATHE 26:41

Jham" ca: yu" ziri yo" oung: loo" wa shid re" akyu" mho' lho: zed" lhed nyid ge'. Nheugloem: Venyi: gi vho: ngei nyid nghoid loug we' gung du: yoem: neing: nyid» ga: tid.

MATHE 6:13

Ngoonu" ri jhu' phyo' jang" moo ayhi: nhang: lo za: yu deizoo: lo, mo khyoid yu we' o". ‹Coid doem: boo" doem: ri vhoeb da" akhang" yo"- phung" yoeb myonhoo: ngilang: gi Apyaid atoo: nang moo za: dajo, jo, baja" o"- Amen.›

MARKU 14:9

Akhid" ngoo nanu" ri deing" deing tid zigi ngeibu: ludang: ri kho" kyo" lo" da" moug: gyab goin" jang" moo he: myiyi: ri myid boin" wa shid mo nya: moozoo" ri tid kyo" lo" boem wa"- ga: tid.

LUKA 2:1

Hau: ayo, moo Roma da" mung" goin" jang" mo- Mung" byu yi myeing kaid wa da" shid' re" khokham Agustu gi amyeing" khyo' kaid bye.

YOHAN 17:6

He: mougmyid mo khyen: thu' lho: nga" da" lo, moo nang ab byid: da" byu yi ri ngoo gi nang ri we si' nhang: too" bye. Houg: bang: gi nang seing: ci: yoomo ngoori ab byid: bye. Nyangnu" gi re" da" mungdang: ri tam gyo: nyid boem abye:.

Roma 1:8

Yesu Khristu ri nanu" Loem jeung" da" khyoo: gi Moug myid gyab goin" fu" nheing loo" yoomo - ngoo gi nanu" dangain" shid' re" - Yesu Khristu khyoo: ngoo gi nga" Mangsoo: ri xang: shid" coung" nghei" nyid.

1Korinthians 10:13

Nanu" thoung" shau" yu" da" agung alau" gi byu hang" we' thoung" shau" yu" ja: za: date: nghoid. Nghoid loug we' Mangsoo gi dang: zung" Aseing nghoid nyid yoomo- Nanu" atho' kham' wa yhi' da" agung" alau" jham" ca: yu" khyoo" gi shoug" nhang: wa zi anghoid. Houg: su" jham" ca: yu" zi shau" nyid da" ayo, moo- yo" zeung: kham, wa da" yoem: so' byid: lho: wigi- houg: mo yo" loid thu' loo" wa da" khyoo: nyang: nyheung byid: wa nghoid.

Ephesu 6:13

Hougsu" nghoid nyid yoomo Mangso da" gyikhin' dangain" ziri akhed" nya: nyang: yu void: ci: loo: ge'- hougsu" lang" she' akhyeing" ashoeb ziyo' yau: khe" da" bidnyid ju" lo da" uri nanu" ri gyivoo joem khaid zain: said' lo ziri loem: yo" oung: pyam' wa zi nghoid- lo" thang moo ju" sho' bain' zain: pyam thang: ri we'-nanu" gi geing" geing: teing teing theung shang" yab, jo, boem ca" shi" wa.

2 TIMOTHI 2:12

Ngoonu" xo' lho: wigi kham' zeung nyid boem nghoid rigi ngoonu' nyang: yo' dage" mung" ri shau" vhoeb nyid boem wa zi nghoid.

YAKU 3:12

La form, gam moo zhain loin: shi" yo" zei: ri wa la". zhabyid" nei moo la foem shi" yo" zei: ri" wa la". Houg: yo' dakhyoo" ti" xoo" gyid bug gi gyid gi ayo" bue" loo.

1PETERU 4:12

Ngoo jheddab da" byen, cang" yi we"- gye" no, khyo" ca: yu" da" noo shau" nyid uri khanham we' abue" yu" shi" da" gooki" lid' zi daja: bue" loo bye: ein: amau" nyid goo.

2PETRU 2:9

Hougsu" nghoid yoomo Mangsoo gi-tarha" phau" cang nyid bang: ri-nyangnu" thoung" shau" nyid da" jham" cau" da" akoug: mo wigi-khakhyo" khyoid yu wa ziyo'-akhyeung" ashoeb bang: ri tarha" dang: phyed' da" bidnyid ju" sho' khakhyo" wigi shen" yhen wa khyoo: ri we' nyang: se' nyid.

Pang Shug 1:9

Ngoo gi Aseung: mungdain yo' Aseung: byumyu" yi kham, zo: nyid da" yaukhe" kyi" khyeug shen" yhen khyoo: ri nanu" yo' dage" bo kham, zo: nyid su:- nanu" da" mang: nhung" phoo Yohan nghoid. Ngoo gi Mangso da" mungdang: yo' Yesu toin" shid to" deingmain" da' mungdang: ri kho" kyoo" yoomo Paidmu gugyoo: kang: moo yhe: de" pyam' zi shau" jo.

Pang Shug 11:10

Moug: myid xang: su: byu yi gi Lapi: eig yug shid: yoomo gau, yi ngei pyo: pui" koid lho: nyang: cang" nyang: jhung: shug jhung: lang: foin: go" nyid boem wa zi nghoid. Khasu" wim gari hau: lape: eig yug gi moug: myed, xang: su: byu yi tho' moo yau: khe" jamjau gye" byid: yoomo nghoid.

Pang Shug 13:10

Myheug zi shau" wa su: gi gyeing" nyang: myheug zi shau" wa nghoid- sham: yo' said' pyam' zi shau" wa su: gi gyeing" nyang: sham: moo shid: wa zi nghoid. Hid: moo Mangso byu yi shoid khyo" kham, zeung: ziyo' loem" jeung" khyoo: geung: teung jo, nyid ca".

Pang Shug 13:14

Nyang: gi xang: shed" mo da" akhyeung" gougnyhoug shid khoin" moo mau" pho" alhoo: again joem rikoid shug lho: wigi mougmyid byu yi dangain" ri mhoid" fain" nyid lho: sham: dam tab' nghoid loug we' ashid: loo" loo: dei nyid da" hau" gougnyhoug riphoug" tab ngi shab, khyo" wigi nya: da" soolhoo: daloem: rikoid wa shid re" mougmyid byu yi ri tid kaid.

Pang Shug 13:8

Said' pyam' shau" bye: yang nu" da" kangso' mougsoug" pug moo moug: aphain" myid aphain" shi" mo nyang- myeing bo jo, bang: mo gootu- mougmyid moo nyid da" xang: su: byu yi dangain" bang: gi hau: akhyeung" gougnyhoug zeing ri coem noku boem wa zi nghoid.

Pang Shug 14:12

He: khyoo: gi Mangso da" amyeing" dang: ri cang lho: Aseing: ri loem" jeing" bang: shid re" kham, zeung: yoem: kaid' wa khyoo: ri bue" loo nhang: nyid.

Pang Shug 14:6

Hau: thang: rimoug: myid mungdain loem: khang" moo" moo nyid da" myeing" acang: joeb, bang:- byumyu" acang: joeb da" bang: ri tid fu" kyoo" wa shid re" apyaid' atoo: mo ngei bu: lu dang: gi ri ci: lho: moug: laid' moo dang: lheung: nyid da" moug: lagyoo: gootu: ri ngoo myang.

Pang Shug 16:14

Nyangnu" gi main: yu joem da" soo" byoo, joem nghoid wigi alhoo: again joem ri yo" koid shug. Hau" venyi soem" du: gi yoem: moo" bo Mangso meing: zain: da" bidnyid' zeing mo, gyipui" khyoo:- mougmyid gyab, goin" moo nyid da" - Khokham" yi ri dage" khe: zheing" wa shid re" thu' lo" boem.

Pang Shug 17:2

Myid' jang: tho' mo Khokham" yi gi nyang: yo' aved, avhu: moo" zheung: zei: nyid yoomo mougmyid' moo nyid da" byu yi gi nya: aved, avhu: koid ein: da" zabyid yeid' ri shug yed, ci: abye: go", ga: tid.

Pang Shug 17:8

Hau: akhyeung" da" gougnyhoug gi shid' phyang" dei nyid yu" bye- nghoid loug we' akhid" gi adei nyid loo- nghoid loug we' nyang: gi no, athang da" duang: khuang" mo thu' re" lho: wigi phyo' shoin, pyam' jang" khyoo: yhe: loo" wa zi nghoid. Moug: phain" myid' aphain" shi" mo Nya: kang: so' moug soug" pug moo -myeing abo lhid" kaid' to" da" moug: myid byu yi gi hau: akhyeung" da" gougnyhoug zeing ri shau" myang lang" mau" hang" to" boem wa nghoid. Nyang: gigoo" nham, dei nyid yu" gye- akhid" gi adei nyid loo- nghoid loug we' doem dei loo shi" wa zi nghoid.

Pang Shug 2:10

Nang shau" kham, zoo: wa da" sho" jhen: jamjau shid re" agyug nyid. yu satan gi nanu" mo dayham" bang: ri thung: moo lhoung to" lho: jham" ca: yu da" sho" jhen: shen" yhen zi shau" goo" wa nghoid loug we' nheigloem: geung: zug jo, we' houg: lang" ngoo nang ri oung: lo" da" kangso' bidmug byid: wa nghoid.

Pang Shug 3:8

Nang zei: nyid da" moozoo" ri ngoo se'- nang gi yoem: so' dajhi' zoo: boo nghoid loug we' ngoo tid poin" da" dang: ri cang lho: nga" tho' moo geing: zug loem jeung" nyid khyoo: ri ngoo se' Re" shid' mo hang" we' ayo" myhed" to" da" khoem" daduang: ri ngoo phang too" byid: bye.

Pang Shug 6:10

Nyangnu" thui: zeing yo' nyho: tid nyid zigi gyeungshang: da" yoem: moo" bo ziyo' deingmain" da" Aseing: we"- myidjang: tho' moo nyid mo, ri ngoonu" shid re" suid" phoug" latoo: phug byid: wa Nang khamyhang ju" sho' dang: aphyed ashen" yhen, loo: za: nyid nyid wa la"» ga: myed: nyid boem.

Pang Shug 8:13

Houg: lang" ngoo doem yu" kaid ri " gyoug pho" zi gyoug pho" joem: lo" khyoo" o", ga: Goo tu: da' moug: lagyoo: soem" yug moid kaid da" laboo" thui: joem myeung thu' loo lang" mougmyid tho' mo nyid moo nyid bang: shid re" Atho' tid da" gyoug pho" khyoo" o",, ga: wogi- moug: laid' phyoo" moo dang: lheung: yen" da" zoin, bung: dadu: thui: moo" yo' nyho: tid yen" ziri ngoo shau" gyo.