Pang Shug 22:6 - Lacid Common Language Bible

⁶ Hau: thang: ri moug: lagyoo: ngoori tid zigi " He: dang: joem gi deing byeung" ziyo' loem, ge" nyid. Hau: lho: nya: venyi lapi: yi ri kaid' byid: da" Aseing: Mangsoo gi ayo, khamyhang amyang" ri bue" loo wa da" khyoo:- nya: dei zoo: yi ri toin" shid' wa shid re" nya: da" moug: lagyoo: yi ri nhang: kaid' bye ga: wigi Yesu ngoori tid.

Pang Shug 22:6 교차 참조

APOEM AYANG: 41:32

Nang doem pug myang da" yoeb mo, we' Mangsoo gi soin' tu' to" wigi ju" loo wa da" ayo, moo nyang: zei loo wa da" khyoo: joem ri tid toin" shed nyid zi nghoid.

DANIELA 3:28

Khokham phoo gi «Shadrag- Meshag yo' Abednego da" Mangsoo ri coung" o". Nyang: gi nyang: ri loem khau: lho: dei byid: da" he: byu yiri khyoid yu wa shid re" nya: da" moug: lagyoo: ri nhang: kaid da:. Nyangnu" gi nyangnu" nya: Mangsoo mo lid lho: gootu: yu phara" ri agoeb pid- adei byid: wa ga: nyangnu" nya: kangso' ri ab pyam sho' nga" amyeing" dang: joem ri atam" gyoo: loo ngeug pyam ago".

DANIELA 6:22

Khangkhyi joem wigi ngoo ri dam ayo" tab sho' nhoid myhid" pyam byid: wa shid re" Mangsoo gi nya: moug: lagyoo: ri nhang: kaid da:. Ngoo gi yooboo ayo" ziyo' aseing khokham nang ri ashoid ziri nyang: si' yoomo nyang: gi hid su" koid thu kaid da» ga: tu" da:.

MATHE 13:41

Byu da" nya: zoo: gi nya: moug: lagyoo: yi ri nhang: kaid lho: byu yi ri shoid vhang: nhang: mo, yo"- atarha" da" moo" zei: mo, bain, sho ri Nya: mougkhoung: Mungdain: mo khyen: thu' yu lho: wigi

LUKA 1:70

Aseing: gi ngoonu" ri gyivoo yi da" lo, mo we' ngoonu" ri ngheing" mo, da" lo, mo we' khyoid yu wa da" shid' re"

LUKA 16:16

Babtisma sara: Yohan anyid shi" mo Moshe tarha" yo"- Lapi: yi gi amyeing" zeing khyo" jo: jo, bye. Yohan nyid lo jang" mo wigi Mangso: da" Mungdain: da" khyoo:- Ngeibu: lu: dang: gi ri tid loo bye. Byu yug khang" moo" we' hau: khyoo: moo shi, goo" shi, yang- vang lo" boem bye.

ACTS 12:11

Hau: thang: ri Petru gi Nyang: moo bue" lo da" khyoo: ri boin: lo wigi Mangsoo gi nya: moug: lagyoo: ri nhang: kaid' lho-Herod da" lo, mo we' - Yuda byumyu" yi myed, lang" nyid ja- dangain" jang" mo we' ngoori khyoid yu bye: khyoo: ri akhid" ngoo nyang: si' bye- ga: tid.

ACTS 3:18

Mangsoo nya: da" Meshia gi dayam, dayoo: kham, zoo: wa nghoid ga- Mangsoo gi goonhaam gooco, mo Lapi: yi dangain" khyo" tid fu" to" lho: hau: lapi: dang: gi hid: bue" nyid khyo" wigi joed byeung" loo nhang: bye.

Roma 1:2

Goonham' mo Mangsoo: gi nyada" lapi: yi khyo" hau: ngei bu lu dang: ri kyo" kaid' wa ga: dang: soo" to" zi yo" dakhyoo" gyeungshang: jhoem: mungdang: moo lhid" to".

1Korinthians 14:32

He: da" Mangso mungdang: kho" kyo" da" jeju" jhung: shug gi kho" kyoo" su: da" vhoeb khang" da" akhoug: moo: nghoid nyid ca.

1Korinthians 7:29

Hau: lho: wigi: Mang: nhung" yi we"- ngoo tid nau nyid da" khyoo gi hidsu" nghoid- ayo, bidnyid myoo" sho' aboo loo- akhid" mo wigi: loxo' bye: da" byu yi gi lo, axo, shi" da" yuggi yi yhang: ti" nyid loo" goo" baja"

2 THESALONI 1:7

Nyang: gi kyi" khyeug jam jau shau" nyid da" nanu" yo' dage" ngoonu" ri we' dajhi' dathang: khyam: sa khyoo: ri shau" yu nhang: wa zi nghoid- nyang: gi yoem: moo" bo da" mau: lagyoo; yi yo" dage" myiyham: doem yo' moug: khung: mo thu re" da" uri.

HEBRE 12:9

Nanu" ri jhau" mhoo, byid: da" xang: su: nya: pho, ri phau" myang: nyid boem nghoid rigi ngoonu" da" Venyi yo' sen: nya: pho, vhoo: moo goeb, jo, boem lho: kangso' dei nyid boem ca" anghoid goo" la".

2PETRU 1:21

Khasu wim gari kha: da" lapi: dang we' byu yi da" myedsoin' nyeung khyoo: bue" thu' lo yu" zi anghoid. Gyeungshang: da" Venyi wigi nheugloem: lhu: too' byid: zi shau" bang: gi Mangso jhag mo ju" re" da" lapi: dang: ri thoid' tid kyo" ago".

2PETRU 3:2

Gyeungshang: da" lapi: yi shid phyang" tid kyo" to" dang: ri we'-nanu" lagyoo: yi da" lo, khyo" wigi khyoid yu da" Aseing: tid to" amyeung" dang: joem ri we' ngoo nanu" ri doem myed boin: nhang: nau nyid.

Pang Shug 1:1

He: da" jhoem: mungdang: gi Yesu Khristu da" pang shug byid: khyoo: ri lhid" xoem" to" da" khyoo: nghoid. Mangsoo hid: su" pang shug da" khyoo: gi Ade: myang" loo: ri bue" thu' loo wa da" khyoo: nya: dei zoo: yi yo" se' toin" shid' byid: nyid. Khristu gi nya: moug: lagyoo: yi ri nhang: kaid khyo" nya: dei zoo: Yohan ri he: khyoo: se' nhang: ziyo'

Pang Shug 18:20

Moug: khung: moug: di we"- hau voomoo" byo, yoin" pyam' bye: yoomo gau, yi nyid loo: ge'. Mangso byu yi yo' lagyoo: yi, lapi: yi we"- gau, yi nyid ge' Khasu" wim gari Mangsoo gi nanu" ri nyang: koid lid lo ziyo' dakhyoo" ti"- hau: voomoo" ri yoobo dam, kaid' bye.

Pang Shug 19:9

Hau: thang: moo mouglagyoo: ngooritid zigi " Hau yang nu" da" loxo' pui" khyoo: khe: too" shau" mo, gi ngilhoo, mo, nghoid ein: lhid" too" we' Hau: lho: hau: " moug: lagyoo: doem, xo' tid zigi " He: dang: gi Mangso da" deungmain" mungdang: nghoid. ga: wigi ngoori tid.

Pang Shug 21:5

Hau: thang: ri zhung: tang tho' moo zhoung: jo, su: dayug gi " Ziyoo jo, moo jo, dangain" ri ngoo gi Aseig doem koid too" wa,, ga: wigi tid. Nyang: ngoori we' tid zigi He: zirilhid" too" we' he: da" dang: gi deingmain" ziyo' loem, ge" da" dang: nghoid.

Pang Shug 21:9

Hau: thang: rilo" thang da" shid: gyoin, noogyoin, nyhed loem: yo' byeung" da" goem, nyhed loem: ri ci: moug: lagyoo:- nyhed yug mo dayug nga" jang" moo re" tid zigi Ri" we' hau: yang nu" da" yhoem: seing: myhi' ein: da" myi: yi: seig gi ngoo nang ri toin" shid' ba- ga: tid.

Pang Shug 22:1

Hau: thang: ri moug: lagyoo: gi Mangsoo yo' yang nu" da" zhung: tang mo yau, thu' lo lho: kyi: myhoo: lug su" bang young" jo, da" kangso' gyid moo" lang ngoori toin" shid' wigi

Pang Shug 22:16

" Ngoo Yesu gi Phung byu yi da" akhoug: moo hid: yhang: te" khyoo: joem ri tid fu" kyoo" wa shid re" nga" moug: lagyoo: ri nhang: kaid. Ngoo gi davi da" akung: mo yhoem: byu nghoid lho: wigi nab, kyo' boo" myhu: we' ngoo nghoid nyid.

Pang Shug 22:7

Yesu gi tam' gyoo: ge' ngoo amyang" ri re" loo wa he: jhoem: pug mo lapi: dang: ri tam" gyoo: mo gi ngi lho, shau" boem wa ga: tid.

Pang Shug 4:1

Hau: thang: ri gootu: da" yoeb, myang daloem: gi moug: khung: khoem" duang" bang" jo, ziri ngoo myang kaid. Hau: lho: laboo" daloem: moid myheung da" thui: te" ziyo' ngoori tid nyid da" dang: ri shau" gyo: zigi He: joyoo khyoo: do, loo we' thang: phyang" bue" loo wa da" moozoo" ri ngoo toin" shid ba, ga: tid nyid.