Pang Shug 22:4 - Lacid Common Language Bible

⁴ Ngoonu" gi nya: da" myonhoo: ri yu" wigi nyangnu" da" ngeilang: joem moo nya: myeing ri lhid" tab to" boem wa.

Pang Shug 22:4 교차 참조

YOBA 33:26

Nyangnu" akyu" mho' ri Mangsoo nyangnu" ri tu" byid: wa. Nyangnu" gi Mangsoo ri ngei bu: tung" noku byid: loo wa. Mangsoo gi nyangnu" shid re" aja: ja: ri jo da" khyo" doem koid loo wa.

COUNG" NGHEI 17:15

Nghoid loug we' ngoo koem gi ce" yooboo we' ashoid yoomo nang ri shau" myang wa zi nghoid. Ngoo yhoeb so" re" uri nang nyid lang" wigi ngoo ri: gau yi khyoo: yo' byeung" loo nhang: wa zi nghoid.

COUNG" NGHEI 4:6

«Aseing we" ngoo ri jeju" je" wigi byid: nyid we'. Nheig khyeug shoomyen: ziyo' ngoonu" ri goem byid: coung: byid: we'» ga: byu yi myoo" sho' mo, akyu" mho' nyid boem.

COUNG" NGHEI 42:2

Dadei nyid da" Mangsoo we"- ngoo nang ri gyid su' shed nyid. Ngoo gi re" da" shidkhoin" moo khanham ri she' yo" ju" re" wigi yo" coung" pid nyid wa lha".

ESAIA 33:17

Shoid khang" moo" khyoo: ce" yhe: lo" da" mungdain: moo myonhoo: yoeb bang yo' vhoeb da khokham dayug ri nanu" dalheing: doem shau" myang loo goo" wa.

ESAIA 35:2

Dain" pyoid yoo gi ngei pyo yoomo jikhoin" khoin" wigi yoid nyho: loo wa. Hau: zigi Lebanon boem joem su" yung" loo wa. Khamela yo' Sheron da" yoothung" joem su" myidxu: bo loo wa. Yugkhang" moo" gi Aseing da" myonhoo: yoeb bang ri myang wa. nya: da" gyi: sheing: khyoo: yo' yoem so' ri myang wa.

ESAIA 40:5

Hau: thang: Aseing da" phung" yoeb ri toin" shid wa wigi xangsu: byu dangain" hau ziri shau" myang loo wa. He: ziri Aseing nyang: nyang: dangsoo" byid: to" abye:» ga: nyho: nyid da:.

EZEKIEL 33:23

Aseing gi ngoo ri dang: tid da:.

MATHE 5:8

«Nheugloem: yung" mo, gi ngilho' boem wa. Khasu" wim gari nyanu" nyang: gi Mangsoo ri shau" myang boem wa.

YOHAN 12:26

Ngoo nyid da" jo, yooo moonga" dei zoo: we' yo" nyid wa shigre" Nga" moo" voin, noug su: gi nga" thang: moo cang ca. Nga" moozoo" ri voin, vu, su: hang" nghoid loug ri nga" phoo we' coung" byid: wa zi nghoid.

YOHAN 17:24

O" nga" phoo we"- Moug aphain" myid aphain" shi" mo Nang ngoori jheddab yoomo byid: to" da" myonhoo: phung" yoeb' ri Ngoori nang byid: too" mo, myang se' loo wa shid' re" ngoo nyid da" joyoo moo nyangnu" ri we' nyid nhang: nau.

1Korinthians 13:12

Akhid" ngoo myang nyid zigi- bang teing moo- yoeb, yoeb, za: date: myang nyid. Thang: phyang" ngoonu" gi myo, moo: gyo' gyo' nyang: shau" myang goo" wa. Akhid" ngoo se' khyoo: gi ajoeb abyeung" za: danghoid- Hau: uri: gi Mangsoo ngoori: se' yhang: ti"- ngoo we' joeb, byeung" sho' se' wam: bye.

HEBRE 12:14

Byu yug khang" moo" yo' ngei pyoo: tung" za: yo" zoem" khau: nyid sho' we' gyeungshang: da" kangso' dei khyoo: moo ju" loo" sho' we' cang sho: yoem: kaid nyid ge'. Khasu" wim gari hau: ja" jeju" yoem: vhoo" abo nghoid rigi hang" we' hau" Aseing: ri shau" myang wa zi anghoid.

Pang Shug 14:1

Hau: thang: moo ngoo doem yu" kaid' ri-Zion boem tho' moo yang nu" yab, jo, zirimyang Nya: myeing yo' nya: pho, da" myeing ri ngeilang: moo lhid" tab ci: da" byu yi 144000 yug bang: gi nyang: yo' dage" nyid boem.

Pang Shug 3:12

Oung: doid loo" su: rigi nga" Mangso noku yhoem moo" khoug: mo khung: voin, zeing bung: daloem: bue" jo, nhang: wa nyang: gi houg: mo khanham we' thu' loo" loo: wa zi anghoid. Moug: khung: tho' nga" Mangso jang" mo ju" gyoo" lo da" Yerusalem voo gung seig ein: da" voo myeing ri we' nga" Mangso myeing ri we' ngoo nya: da" myeing seig ri we' nya: da" tho' moo lhid" tab too" byid: wa xo' lho: nya: da" tho' moo ngoo nya: myeing seig ri we' lhid" tab too" byid: wa.

Pang Shug 7:3

Ngoonu" da" Mangso byu yi da' ngei lang: moo- dazid' ashau" baid tab byid: shi" ri Nanu" gi mougmyid ri we' panglai yo' seig gam joem ri we' ce: ja" dam, we' atab shi' goo",, ga: tid nyid.