Pang Shug 22:1 - Lacid Common Language Bible

¹ Hau: thang: ri moug: lagyoo: gi Mangsoo yo' yang nu" da" zhung: tang mo yau, thu' lo lho: kyi: myhoo: lug su" bang young" jo, da" kangso' gyid moo" lang ngoori toin" shid' wigi

Pang Shug 22:1 교차 참조

COUNG" NGHEI 46:4

Hau: joyoo moo Mangso voomoo" yo' myhang: thang su da" gyeung" shang: yoem: moo" khyoo: yo' ngei pyo: khyoo: ri ci: lo da" gyid moo" dalang yau nyid.

ESAIA 41:18

Ngoo gi mougmyid kyug da" bouggung joem agyoo: cang gyid yau nhang: wa. janggyoin: yoo cang gyid bug yau thu loo nhang: wa. Ngoo gi dain" pyoid yoo ri gyid thoem" joem bui" loo nhang: wigi moug: kyug khyoo: gyid bug joem yau vang loo nhang: wa.

ESAIA 48:18

Nanu" nga" amyeing" dang: joem ri za: datam" gyo: nghoid rigi Khanham we' akain" da" gyid zoo: gyung: yhang: ti" mainkaid jeju" joem re" shid re" yau nyid wa. Gyid yam mo do, lo da" being: lhung" yo' dayhang: ti" oung: doid zigi re" dang moo ju" loo wa.

ESAIA 66:12

Aseing tid zigi «Nang ri jonu" yoo" zoo: yoo" shug khyoo: myoo" sho' byid: wa. Byumyu" yi da" jonu" gi khanham we' ayau kain" lo" byug da" gyid gyung: yhang: ti" re" jang" moo yau vang nhang: wa. Nang gi nya: myhi' lo, moo vu, ci: lho: jheddab myid yo' khoem ci: wigi noug" jhug byid: da" zooshang: yo' du loo wa.

YEREMIA 17:13

Aseing we"- nang gi Israela da" myid byu jang: nghoid da:. Nang ri she: pyam boem da" bang: gi sho' phu" loo goo" wa. Nyangnu" gi pheilhoug: boem" moo lhid" to" da" myeing joem yhang: ti" bei: byug wa. Ciwim gari nyangnu" gi gyid sain' gyid bug nghoid da" nang Aseing ri she: pyam pyam yoomo nghoid.

YEREMIA 2:13

Ciwim gari nga" byumyu" yigi yooboo eig ja: shoid abye: go". Nyangnu" gi kangso' gyid bug gyid gyeing: nghoid da" ngoo mo lheing: phug lo" da:. Gyid ayo" deing jo, da" gyid teing thoem"- jo, gyam: byug da" gyid teing thoem" joem ri du: ago".

ZEKHARIA 14:8

Hau: bidnyid ju" loo lang" gi Yerusalem voomoo" mo gyid gyeing" yau thu loo wa. Dayham" gi xoo" thoem" khyoo:- dayham" gi Meing: gung panglai khyoo: yau loo" wa. Hau: gyid lang gi zain ri xung" ri dayau nyid wa zi nghoid.

YOHAN 13:32

Mangsoo gi hau: yug khyo" wigi myonhoo: ngei: lang:- bug thu' sheing" jhu" lo rigi phoo Mangsoo gi nya: gungdu: khyo" wigi byu da" nya: zoo: ri we' myonhoo: bug thu' sheing" jhu" loo nhang: wam bye.

YOHAN 15:26

Mangso da" deung main" khyoo: ri phang shug da: pang" thoug wa da" Mangso: jang" mo gyoo lo da" pang" thoug Aseing: ein: da:- gyeungshang: venyi nghoid. Ngoo gi nyang: ri Pho jang" mo nhang: kaid' lho: nga" khyoo: ri sagsi: kham: wa zi nghoid.

YOHAN 4:14

Nghoidloug we' ngoo byid: wa da" gyid shug mo, hang" we' khanham we' gyid doem shed loo: wa zi anghoid. Hau: ngoo byid: da" gyid shug su: gi nya: da" akhoug: moo gyid bug dalang bue" loo wa. Hau: zigi nya: da" shid' re" Kangso' gyid bue" wigi nyang: ri apyaid ato: kangso' byid: wa zi nghoid.

ACTS 2:33

Nyang: gi nya: pho, lo, yo shoid' moo zhoung: jo, wa shid re" to' yu zi shau" lho: Nya: pho, dang: soo" khoin" byid: too" bye: ziyo' dakhyoo" ti" Nya: pho jang" mo gyeungshang: da" Venyi ri yo" shau" kham: yu bye. Akhid" nanu" shau" myang ziyo' shau" gyo: nyid khyoo: gi nyang: nga" da" atho' moo foid shoin" byid: da-nya: jeju" jhung: shug nghoid bye.

Pang Shug 1:1

He: da" jhoem: mungdang: gi Yesu Khristu da" pang shug byid: khyoo: ri lhid" xoem" to" da" khyoo: nghoid. Mangsoo hid: su" pang shug da" khyoo: gi Ade: myang" loo: ri bue" thu' loo wa da" khyoo: nya: dei zoo: yi yo" se' toin" shid' byid: nyid. Khristu gi nya: moug: lagyoo: yi ri nhang: kaid khyo" nya: dei zoo: Yohan ri he: khyoo: se' nhang: ziyo'

Pang Shug 21:11

Hau: voogung mo doug bang zigi kyi: myhoo: lug yhang: ti" gyeung" lho, wigi gye" phau" da" dain: lug lung nyoug yhang: ti" du nyid.

Pang Shug 21:6

Hau: lho: nyang: doem, tid zigi Hau: gu: gi bain koid bye"- ngoo gi xang: shed" mo su: yo' thang: thang mo su- gam shid" shi: su: yo' gam thang: theing su: we' nghoid- gyid shed' su: ri hau" kangso' gyid ' bug moo shug gyid ri aphoug" amho, loo: za: ngoo byid: wa zi nghoid.

Pang Shug 21:9

Hau: thang: rilo" thang da" shid: gyoin, noogyoin, nyhed loem: yo' byeung" da" goem, nyhed loem: ri ci: moug: lagyoo:- nyhed yug mo dayug nga" jang" moo re" tid zigi Ri" we' hau: yang nu" da" yhoem: seing: myhi' ein: da" myi: yi: seig gi ngoo nang ri toin" shid' ba- ga: tid.

Pang Shug 22:17

Hau: venyi yo' myhi, seig gi " Ri" we',, he: khyoo: ri shaug" gyoo: mo, hang" nghoid loug we' " Ri" we',, ga: tid baja". Gyid shed' su: gi ri" baja"- shug noug mo, hang" nghoid loug we' jhung: shug khyo" aphoug" agyoo" loo: za: kangso' gyid ri kham: shug goo" baja",, ga: tid.

Pang Shug 22:6

Hau: thang: ri moug: lagyoo: ngoori tid zigi " He: dang: joem gi deing byeung" ziyo' loem, ge" nyid. Hau: lho: nya: venyi lapi: yi ri kaid' byid: da" Aseing: Mangsoo gi ayo, khamyhang amyang" ri bue" loo wa da" khyoo:- nya: dei zoo: yi ri toin" shid' wa shid re" nya: da" moug: lagyoo: yi ri nhang: kaid' bye ga: wigi Yesu ngoori tid.

Pang Shug 3:21

Ngoo gi oung: doid lo" wigi nga" pho, da" zhung: tang tho' moo nyang: yo' dage" shau" zhoung: jo, yhang: ti"- oung: doid loo" su: ri we' nga" zhung: tang tho' mo nga" nam, moo zhoung: jo, wa da" akhang" ngoo byid: wa.

Pang Shug 5:13

Hau: tho' mo gootu: moug: khung: mougdi mougmyid yoosoo" myid' the" pyam: yo' nam mug dara, khyi khang" moo" moo nyid da" dei noem loeb, noem dangain" mo, gi " Zhung: tang tho' moo zhoung: jo, su: yo' yang nu" gi moug: myed pyaid khang" moo" moo myonhoo: phung" yoeb, yo' phoug" tab ngi shab, byid: ziyo' coung" nghei byid: khyoo: gi pyaid moo too: moo dajo, jo, baja" o"- ga: wigi khoin" jikhoin" thui: joem ri ngoo shau" gyo.

Pang Shug 5:6

Hau: thang: ri yang nu" dadu: gi dei noem, gougnyhoug myid: ja: yo' Ludaid yi khyam, lheung to" da" zhung: tang mo agung moo yab, jo, ziri ngoo myang- said' pyam' shau" bye: da" yang nu" yo' du nyid da- nyang: moo khyoug: nyhed khyoug: yo' myojid" nyhed loem: dab. Hau: zigi mougmyid gyab, goin" jang" khyoo:- nhang: kaid' da" Mangso venyi nyhed yug nghoid.

Pang Shug 7:17

Khasu" wim garizhung: tang agung moo nyid da" yang nu" gi nyangnu" da" yang zung" su: nghoid wa wigi kang: so' gyid bug ju" sho' - shu" vhu" zung" lhug yhe: loo" wa su: nghoid. Hau: tho' mo Mangsoo gi nyangnu" da" myojid" mo ngoug byid' dangain" shang" shang soid pyam byid: wa zi nghoid- ga: tid nyid.