Pang Shug 21:4 - Lacid Common Language Bible

⁴ Nyang: gi nyangnu" da" myojid" mo ngoug byid' thu' moo thu' ri soid' pyam byid: wa nghoid. Hau: jang" moo gi shid: zi no, zi koug shu: da" khyoo: yo' ngoug myeing" shu: thui: khanham we' ajo, loo. Axau" gu: gi bei: lo" byug bye, ga: tid nyid ziri ngoo shau" gyo.

Pang Shug 21:4 교차 참조

COUNG" NGHEI 144:4

Xangsu: byu yigi so, thid she: nyid da" lid yo' du nyid nya: da" bidnyid joem gi lid lo" nyid da- bid shoem: yoeb ti" za: du nyid.

ESAIA 25:8

Gyi sheing: da" Aseing gi shid: ziri apyaid atoo: mo phyo' shoin' pyam wa. Nyang: gi yugkhang" mo" da" ngoug byid joem ri soid pyam byid: lho: mougmyid goin" mo nya: byumyu" yi kham zo: lo da" ngi: yoem" ziri yu pyam byid: wa. Aseing nyang: tid bye:.

ESAIA 30:19

Yerusalem moo nyid boem da" byumyu" yi nanu" gi khanham we' akug ngau loo goo” wa. Aseing gi nheig khyeug myid boo su: nghoid yoomo pang" thoug yu wa nanu" mho' yoid lo uri nyang: nanu" ri tu" byid: wa.

ESAIA 35:10

Nyangnu" gi Yerusalem khyoo: ngei pyo: ziyo' jikhoin" khoin" lho: gau yi wigi nyho: lho: ju" loo wa. Nyangnu" gi apyaid atoo: moo ngei pyo: yug yoo loo goo" wa. Nheig koug ziyo' koug ngau zi apyaid atoo: moo ajo, loo wa.

ESAIA 51:11

Nang wigi khyoid yu too" bang: gi Yerusalem khyoo: ngei: pyo: ziyo' jikhoin" khoin" ziyo' gau wigi nyho: zoo" ri ju" loo" goo" wa. Nyangnu" gi apyaid atoo: moo ngei pyo: loo goo" wa. Apyaid atoo: moo nheig koug ziyo' koug ngau zi loid byoin loo goo" wa.

ESAIA 60:20

Re" gyoug ngau da" bidnyid joem gi thang lo" byug wa. Ngoo Aseing gi re" apyaid atoo: bidbang nghoid wigi Bid yo' lhammoo" tho' je myang jo, jo, wa.

ESAIA 61:3

Ziun moo nheig koug nyid bang: ri koug ngau wa gungthid gau yi ngei pyo: zi byid: wa. Myid apyoo: wa gungthid coung" nghei jikhoin" khoin" nhang: wa shid re" ngoo ri nhang: kaid. Nyangnu" gi Aseing wigi nyang: nyang: sho" to" da" seiggam joem yo' du loo wa. Nyangnu" dangain" gi jo ziri koid loo goo" wa. Houglho: Mangsoo gi nyang: koid lo da" lo, moo" yoomo coung" nghei byid: zi shau" lo goo" wa.

YEREMIA 31:12

Nyangnu" re" wigi Ziun boem tho' moo ngei pyo: jikhoin" khoin" boem wa. Houg: lho: nga" jhungshug joem yoomo gau boem goo" wa. Hau: jhungshug joem gi shivoo- zabyid yhid:- zhainloin: xu: Yang yo' nu: jhungshug joem nghoid da:. Nyangnu" gi gyid goolhoo' za: shoin" da" khyam: yo' du loo goo" wa. Nyangnu" ca" ja: ja: khang" moo" yo" yu loo goo" wa.

YEREMIA 31:13

Houg: lang" myiyi: nu" yigi go" wigi ngei pyo: nyid boem goo" wa. Houg: lho: yuggi yi gyi: su: ngi su: ngei pyo: loo goo" wa. Nyangnu" ri ngoo nheig teing byid: lho: nyangnu" koug ngau zigi gau zi Nyangnu" nheig koug zigi ngei pyo: khyoo: bue" loo nhang: wa.

HOSEA 13:14

Ngoo gi he: byumyu" yiri shid: moug: mo akhyoid yu wa. Shid: da" yoem: so' mo we' nyangnu" ri akhyoid yu wa. Shid: ziyo' re" lang: yoem" ri xo' bui" nhang: we'. Shid: moug: we"- re" da" phyo' shoin' ziri xo' bui" nhang: we'. Ngoo gi he: byumyu" yiri nheig akhyeug loo: wa.

MATHE 24:35

Mougkhung yo" myidjang: led: loo" nghoid loug we' nga" Mungdang: gi aled: loo" wa.

1Korinthians 15:26

Lo" thang jang" moo: oung: doid' pyam wa da" gyi voo phoo, gi shid: zoug: nghoid nyid.

1Korinthians 7:31

Moug: myid mo, soidgain ziyoo, ci: yhoung: nyid bang: gi dangain ziri: seung: ci: wigi- ci" we' Aseing mo, yhang: ti" nyid loo" goo" baja" khasu" wim gari- Akhid" myang nyid da" moug: myid yoosoo" gi ayo, akhyeing: myang" sho' jo, loo: wa zi anghoid.

2~KORINTHU 5:17

Hang" nghoid loug we' Khristu yo' dadeung" daloem: za: bue" lo" byug lang" gi-nyang: gi byu seig bue" loo bye- shid" phyang" mo axau" gu: gi lid lo" yu" bye- Yu" ge' dangain" gi aseig za: bue" loo bye.

2~KORINTHU 6:17

Houg: su" nghoid yoo mo Aseing: gi Nanu" gi nyangnu" ri to" pyam' kho' wa ziyo' nyangnu" mo nanu: da" gungdu: ri goo" zu: xen' gam, gang: goo" loo: ge'. Anyhoin: athoug" zi ce" ja: ri we' azang" thung" go". Houg: lang:" she, ngoonanu" ri lhoem: kham: yu wa zi nghoid.

HEBRE 12:27

Dalheing: doem nhoin, kaid' ga: da" dangkang: gi phain" too" shau" da" zi dangain" ri nhoin, kaid' lho: shoem" shoung: pyam' wa zi nghoid wigi ayo" loeb, ayo" dei, lo: da" zi joem za: deung jo, wa zi nghoid ga: zi nghoid.

2PETRU 3:10

Hau: Aseing: da: bidnyid koem gi-khoug" su: re" yhang: ti: ju" ri wa zi nghoid. Hau: bidnyid moo moug: khung: mougdi gi-gye" gyi: myeung da" thui: zeung yo' bei: loo" byug wa zi nghoid. Moug: khung: mo bidbang gung; joem we' myi: nge" kyu" gyo" pyam' boem wa zi nghoid. Moug: myed yoosoo" yo' jo, moo jo, joem we' bei: lo" byug khare" boem wa zi nghoid.

1YOHAN 2:17

Moug: myid yo' dage" houg: mo da" xang: su: byu yi vhoo: boo myo, no, da" khyoo: ja: khang" moo" gi lid lo" byug nyid bye. Nghoid loug we' Mangsoo vho: ngei khyo" cang: koid loo" su: koem gi apyaid' atoo: moo danyid nyid.

Pang Shug 20:13

Houg: lang" nam mugdara gi nyang: moo bo da" byu shid: joem ri doem, toug" byid- shid: no khyoo: yo' moovo, moug we' nyang: tu: nyang: moo bo da" shid: mo, ri doem toug" byid: boem- byu dangain" bang: ginyang: nu" nyang: zei: loo bye: lo, moo" yo' dakhyoo" ti"- tarha" dang: phyed' zi shau" nyid boem.

Pang Shug 20:14

Houg: lang" shid: zoug: yo' moovo, moug: gi hau" myi: gyid' thoem" moodu" zei, pyam zi shau' ago". (Hau" myimi: thoem" gieig lheing: ein: shid: da" khyoo: nghoid.

Pang Shug 21:1

Houg: lang" moug: khung: seig yo' myid' jang: seig ri ngoo myang- xang: shed" mo moug khung: yo' xang: shed" mo myidjang: gi byug loo" khare" lho: nammugdara we' bei: loo: khari" bye.

Pang Shug 22:3

Hau: voogung khoug: moo Mangso nheing" myeing" nheing" thui: ga: zigi khanham we' jo, loo: wa zi anghoid. Mangsoo yo' yang nu" da" zhung: tang gi voogung khoug: moo dajo, jo, wigi Nya: dei zoo: yi gi nyang: ri noku coung" nghei boem wa za: nghoid.

Pang Shug 7:17

Khasu" wim garizhung: tang agung moo nyid da" yang nu" gi nyangnu" da" yang zung" su: nghoid wa wigi kang: so' gyid bug ju" sho' - shu" vhu" zung" lhug yhe: loo" wa su: nghoid. Hau: tho' mo Mangsoo gi nyangnu" da" myojid" mo ngoug byid' dangain" shang" shang soid pyam byid: wa zi nghoid- ga: tid nyid.