Pang Shug 21:3 - Lacid Common Language Bible

³ Hau: lho: wigi zhung: tang mo thui: zeing dakhoin" tid thu' lo da" zigi Yu" ge" - noku yhoem: gi xangsu: byu yi yo' dage" nghoid bye- Nyang: gi nyangnu" yo' dage" nyid lho: nyangnu" gi nya: da" byumyu" bue" loo wa Mangsoo gi nya: gung nyang: nyangnu" yo' dage" nyid lho: nyangnu" da" Mangsoo bue" loo wa nghoid.

Pang Shug 21:3 교차 참조

1 KHOKHAM 8:27

Nghoid loug we' O" Mangsoo we"- nang gi mougmyid tho' moo gyeing" yo" nyid wa la". Mougkhung: mungdain: dangain" zi nang nyid wa shid re" agi" ri ngoo koid to" da" he: Noku Yhoem: Moo" gi khasu" yo" tho' gi" wa la".

2 KHOKHAM MHOOMYID: 6:18

Nghoid loug we' O" Mangsoo we"- he: mougmyid dang myi yi: yi yuggi yi da" agyoo: moo nang gyeing" nyang: yo" nyid wa la". Mougkhung: dangain" yhi nghoid rilang" re" shid re" agi" nghoid rigi ngoo koid to" da" Noku Yhoem: Moo" gi khasu" yo" go" wa la".

THU' LO" MOUGSOUG" 25:8

Ngoo nyangnu" akhoug: moo nyid wa shid re" byumyu" yigi nga" shid re" gyeung" shang: da" zoem" ri koid byid: ca" ago".

THU' LO" MOUGSOUG" 29:45

Israela byumyu" yi da" akhoug: moo ngoo nyid wa zi nghoid wigi ngoo gi nyangnu" Mangsoo nghoid wa.

ESAIA 12:6

Ziun boem moo nyid da" byu yugkhang" moo" nyho: wigi jikhoin" khoin" we'. Israela da" gyeung" shang: da" Mangsoo gi gyi: sheung: da" su: nghoid da:. Houg: lho: nyang: gi nya: byumyu" yi agyoo: moo nyid da» ga: jikhoin" khoin" wa.

YEREMIA 31:33

Israela byu yi yo' ngoo koid wa da" dang: theing aseig gi hid su" nghoid da:. Nga" tarha" ri nyangnu" khoug: moo kaid byid: wigi hau: ziri nyangnu" nheigloem: khoug: moo lhid" tab too" wa. Ngoo gi nyangnu" Mangsoo bue" wigi nyangnu" gi nga" byumyu" yi bue" loo goo" wa.

YEREMIA 32:38

Houg: lang" nyangnu" gi nga" byumyu" bue" lho: ngoo gi nyangnu" da" Mangsoo nghoid loo wa.

EZEKIEL 37:27

Ngoo gi houg moo nyangnu" yo' dage" nyid wa. Ngoo gi nyangnu" da" Mangsoo nghoid wa wigi nyangnu" gi nga" byumyu" yi nghoid wa.

EZEKIEL 43:7

Hau: zigi «Shid: se' da" byu we"-he: zigi nga" zhungtang nghoid. Ngoo gi hid: moo Israela byumyu" yi phung: gung moo nyid lho: nyangnu" ri apyaid atoo: moo vhoeb nyid wa. Israela byumyu" yi yo' nyangnu" da" khokham yi gi: yu phara" joem ri no' khyo" we' khokham shid: mang joem ri myang da" joyoo moo no' khyo" we' nga" da" gyeung" shang: myeing khyang" ri ngi: adoem yoem" nhang: loo goo" wa.

EZEKIEL 48:35

voomoo" vang myid: shoid goin" da" sheing: phyang" gi 30240 pe: bo da:. Voomoo" da" myeing ri akhid" mo thang: phyang" «Aseing gi hid: moo nyid» ga: myheing loo wa.

ZEKHARIA 13:9

Deung nyid mo, rigi myi: yo' ngei zi ri kyeung yu yhang: ti" nyangnu" ri ngoo kyeung yu wa. Sheing: ri ca: yu" yhang: ti" nyangnu" ri ngoo ca: yu" wa. Hougsu" wigi nyangnu" ngoo ri mho' yoid uri ngoo nyangnu" ri tu" byid: wa nghoid. Nyangnu" ri ngoo gi nga" mung" byu yi nghoid ein: tid wa. Nyangnu" we' ngoo ri Aseing gi ngoonu" da" Mangsoo nghoid ga: yhen: yu lo boem wa»

ZEKHARIA 8:8

Ngoo gi nyangnu" ri Yerusalem moo nyid nhang: wa shid re" bid thu bidvang khyo" wigi doem shu" tau" loo wa nghoid. Nyangnu" gi nga" byu yi bue" loo wa wigi ngoo we' nyangnu" ri deungmain" nyeung veung" ngheig loem: khyo" - vhoebkhang" nyid wa da" Mangsoo bue" loo wa zi nghoid.

YOHAN 1:14

Mungdang gi Byu gung bue" lo lho: Jeju" yo" deingmain" khyoo: byeung" zoore"- ngoonu" jang" moo re" nyid bye. Ngoonu" gi nya: da" Phung" yoeb ri yo" myang boem bye. Hau: da" phung" yoeb gi Nya: pho, zooti" zoo: khyo" yo" kham: yu da" myonhoo: phung" yoeb nghoid.

YOHAN 14:23

Yesu doem tid da" zigi Ngoori jhed' dab, su: gi nga" da" moo" myeing" ung: voin su: nghoid. Houg: yoomo nga" Phoo gi nyang: ri jheddab wa. Nga" phoo yo" ngoo we' nya: jang" moo yhe: lho: nyang: yo" dage" nyid wa zi nghoid.

2~KORINTHU 6:16

Mangsoo da" noku yhoem: gi goug ngu shoolhoo joem yo' khasu" koid lho" e" myed se' zhung" goo" wa lha"., Khasu" wim gari ngoonu" gi dadei nyid da" Mangso noku yhoem: moo" joem nghoid nyid boem. Mangsoo nyang: tid zigi-Ngoo gi nga" byumyu" yi moo nga" yhoem: koid wigi nyangnu" moo bo nyid wa zi nghoid. Ngoo gi nyangnu" da" Mangsoo bue" nyid a zi nghoid wigi nyangnu" gi nga" byumyu" yi bue" lo boem wa nghoid- ga: wigi tid nyid.

2~KORINTHU 6:18

Nanu" da" nya: phoo ngoo byui" wa nghoid wigi nanu" gi nga" da" yuggi zoo: yo' myiyi: zoo: yi bui" wa zi nghoid- ga: wigi athang agoin yoem: moo" bo da" Aseing: gi da tid nyid.

1THESALONI 3:11

Ngoonu" da" phoo mangsoo nyang: yo' Aseing Yesu Khristu gi ngoonu" ri nanu" jhang khyoo: yo" re" loo wa khyoo: ri nyheing byid: baja".

HEBRE 11:16

Akhid" koem gi hau: tho' mo je" pyo: da" moug: khung: moug di mo voogung mungdain ri nheig nge nyid boem- houg: su" nghoid yoomo Mangsoo gi nyangnu" da" Mangsoo ein: wa ziri sho: nyid zi anghoid. Khasu" wim gari Mangsoo gi nyangnu" nyid wa da" joyoo daloem: ri nyheung too" byid bye.

HEBRE 8:10

Akhid" he: da" dang: soo" khoin" gi ju" loo wa da" bidnyid yi thang: moo Israela byumyu" yi yo' ngoo too" too" wa da" dang: soo" thang" cab, nghoid nyid. Nyang: nu" da" nheigloem: e" myed khoug: moo nga" da" tarha" kaid' byid: too" wa zi nghoid. Nyang: nu" da" Mangsoo gi ngoo koid wa nghoid wigi nyangnu" gi nga" da" byumyu" yi bue" lo boem wa nghoid.

HEBRE 8:2

Nyang: gi moug: khung: moug: di tho' mo gyeungshang: thang da" joyoo moo khainjung agyi zeung da" moo" ri voin, vu, nyid hau: joyoo gi moug: khung: moug: ein: da" byu da" lo, wigi akoid to" da" Mangsoo zoem" gyeing" nyang: nghoid nyid.

Pang Shug 10:4

Houg: lang" - moug: goem: thui: mo tid nyid da" dang: khoin" ri ngoo lhid" xoem" too" wa ein: soin' nyid uri moug: khung: mo tid thu' lo da" thui: gi alhid" xoem" too"- moug: goem: thui: nyhed loem: mo da" dang: gi zau" too" we' ga: tid ziri ngoo shau" gyo.

Pang Shug 10:8

Moug: khung: mo ngoori doem tid thu' lo da" thui: gi ngoo shau" gyo- Yhi: we' Panglai yo' tung: gung moo nang: yab, jo, da" mauglagyo: lo, mo phang to" da" mougsoug" deing: nu" riyu we',, ga: tid.

Pang Shug 12:10

Hau: thang: ri moug: khung: mo thui: zeing yo' tid nyid zigi " Akhid" Mangso khyoid yu khyoo: ju" ri" bye- Akhid" Mangsoo gi Khokham" yoem: so' ritoin" shid' bye- Akhid" nya:Meshia gi nya: amyeing" akhang" ri toin" shid' abye:- Khasu" wim gari ngoonu" da" mang: nhung" yi yo' ngoonu' da" Mangso shid' khoin" moo yab, jo, lho: nyid" ri nyen" ri yooboo foin: pyi: sho: nyid su: gi moug: khung: mo khaid khyo, pyam zi shau" bye.

Pang Shug 21:7

Oung: doid loo" su: hang" nghoid loug we' nga" jang" mo he: da" khyoo: ri shau" yu wa zi nghoid. Ngoo gi nya: da"Mangsoo bue" lo lho: nyang: gi nga" zoo: bue" loo wa zi nghoid.

Pang Shug 22:3

Hau: voogung khoug: moo Mangso nheing" myeing" nheing" thui: ga: zigi khanham we' jo, loo: wa zi anghoid. Mangsoo yo' yang nu" da" zhung: tang gi voogung khoug: moo dajo, jo, wigi Nya: dei zoo: yi gi nyang: ri noku coung" nghei boem wa za: nghoid.

Pang Shug 7:15

Houg: yoomo nyangnu" gi Mangso zhung: tang shid khoin" moo zheung: yab, jo, lho: nya: da" Mangsoo yhoem: moo" moo nyid" ri myen" ri coung" nghei noku nyid boem. Zhung: tang tho' moo zhoung: jo, su: we' nyangnu" yo' dage" nyid lho: nyangnu" ri yu" goin, yu" coung: nyid.