Pang Shug 21:2 - Lacid Common Language Bible

² Hau: lho: gyeungshang: da" voogung seig Yerusalem gi nya: yhoem: seing: phoo yo' shau" goo" wa shidre" - jen" jen" lhoo, yhoung to" da" myhi, seig yhang: ti"- Mangso moug: khung: moug: di mo gyoo" lo ziringoo myang.

Pang Shug 21:2 교차 참조

COUNG" NGHEI 87:3

Mangso voomoo" we' tam" gyoo: ge'- nang yo' sen: lho: tid to" nyid da" khyoo: joem ri tam" gyo: yu" we'.

ESAIA 1:21

Shid phyang" jhug zug lo da" voomoo" gi shava myhi' yhang: ti" koid nyid wa. Shid phyang" dalheing: gi hau: voomoo" moo deingmain" bang: byeung" sho' nyid lid: lo nghoid loug we' akhid" gi byu said bang: kyeing" nyid deing jo, ago".

ESAIA 52:1

Yerusalem we"- yoem: bo wigi doem gyi: sheung: loo we'. Mangso da" gyeung" shang: voomoo" we"- Reung: da" ziyo' nanya: gung ri byimi soin' void ci: we'. Tarha" tungbau yigi re" khoem" moo khanham we' ayo" doem vang goo" wa.

ESAIA 54:5

Nang ri phain" so: too" su: gi re" yhoem: seing: phoo yhang: ti" nghoid loo wa. Nya: myeing gi myhang: thang Aseing ga: zi nghoid. Israela da" gyeung" shang: Mangsoo gi nang ri khyoid yu wa. Nyang: gi mougmyid goin" da" vhoeb" khang" su: nghoid da:.

ESAIA 61:10

Aseing koid bye: da" lo, moo" yoomo Yerusalem ngei pyo: da:. Nyang: gi nya: lo, xo' pui" shid re" soin' shoung: void ci: da" myhi' seig yo' du loo wa. Mangsoo gi nyang: ri khyoid yu ziyo' oung: doid zi wigi foid too" abye:.

ESAIA 62:4

Nang ri «She: pyam' pyam' bye:» ga: tid loo goo" wa. Re" mougmyid ri «She: pyam' too" shau" da" yhoem: seing: myhi'» ga: tid loo goo" wa. Re" myeing seig gi «Mangsoo nyang: ri vho: ngei abye:» ga: zi nghoid loo wa. Re" mougmyid gi «Ngei pyoo: tung" lo, xo' to" da» ga: myheing wa. Ciwim ga: ri Aseing gi nang ri vho: ngei wigi Nyang: gi re" mougmyid da" yhoem: seing: phoo yhang: ti" nghoid loo wa.

YEREMIA 31:23

Israela da" Mangsoo myhang: thang Aseing tid zigi «Byumyu" yiri nyangnu" mougmyid ri doem soin' byid: lang" nyangnu" gi Yuda mung" yo' hau: da" voogung joem moo ‹Aseing gi nyang: nyid da" gyeung" shang: joyoo Yerusalem da" younglho' bouggung ri mainkaid byid: baja" ga: dalheing: doem tid loo goo" wa.

YOHAN 3:29

Lo, xo myhi, seig ri yo" seing: ci: su: gi loxo' phoo seig nghoid. Phooseig da" byen cang" phoo gi nya: nam, moo yab nyid lho: phoo seig da" thui: ri tam" gyo: nyid su: gi phoo seig da" thui: ri shaug" gyoo: lang" gau yi ngei pyoo: zi nghoid. Ngoo we' houg: su" joeb joeb byeung" byeung" gau yi ngei pyo: nyid bye.

2~KORINTHU 11:2

Mangsoo gi nanu" da" atho' moo aloem" athoo: myid bo nyid ziyo' dakhyoo" ti"- ngoo we' nanu" da" atho' moo aloem" athoo: myid bo nyid. Nanu" gi Khristu nyang: yo' loxo' ikoin deungkhu: de wa shid re" ngoo dang: myid: to" da" zoomyi: zoo: yo' du nyid.

HEBRE 11:10

Khasu" wim gari Abraham gi Mangso wigi akhyoo" toin" shid lho: geung: teung da" apoem: ayang: yo' bain' zhoug too" bye: da" voogung ri nyang: gi nheig byu lho: dalang" nyid.

HEBRE 11:16

Akhid" koem gi hau: tho' mo je" pyo: da" moug: khung: moug di mo voogung mungdain ri nheig nge nyid boem- houg: su" nghoid yoomo Mangsoo gi nyangnu" da" Mangsoo ein: wa ziri sho: nyid zi anghoid. Khasu" wim gari Mangsoo gi nyangnu" nyid wa da" joyoo daloem: ri nyheung too" byid bye.

HEBRE 12:22

Nanu" koem gi Sina, boem da" gung khoo: - Zion boem yo' moug: lagyoo: yi moin, sen, nyid da" dadei nyid Mangso voogung ein: da" - moug: khung: mo Yerusalem moo ju" nyid boem abye: go.

HEBRE 13:14

Khasu" wim gari he: da" moug: myid tho' moo ngoonu" shid re" geung: teung da" joyoo ajo, yoomo thang: phyang" ju" loo wa da" voogung ri ngoonu" dasho: nyid boem.

Pang Shug 1:1

He: da" jhoem: mungdang: gi Yesu Khristu da" pang shug byid: khyoo: ri lhid" xoem" to" da" khyoo: nghoid. Mangsoo hid: su" pang shug da" khyoo: gi Ade: myang" loo: ri bue" thu' loo wa da" khyoo: nya: dei zoo: yi yo" se' toin" shid' byid: nyid. Khristu gi nya: moug: lagyoo: yi ri nhang: kaid khyo" nya: dei zoo: Yohan ri he: khyoo: se' nhang: ziyo'

Pang Shug 1:4

Ngoo Yohan gi Asia mung" mo phung nyhed loem bang: jhang khyoo: mougsoug" lhid" kaid. Goo" nham, pyaid he: da" pyaid thang: phyang" pyaid khanham we' dangid nyid da" Venyi: nyhed youg jang" mo we'

Pang Shug 1:9

Ngoo gi Aseung: mungdain yo' Aseung: byumyu" yi kham, zo: nyid da" yaukhe" kyi" khyeug shen" yhen khyoo: ri nanu" yo' dage" bo kham, zo: nyid su:- nanu" da" mang: nhung" phoo Yohan nghoid. Ngoo gi Mangso da" mungdang: yo' Yesu toin" shid to" deingmain" da' mungdang: ri kho" kyoo" yoomo Paidmu gugyoo: kang: moo yhe: de" pyam' zi shau" jo.

Pang Shug 11:2

Nghoid loug we' noku yhoem: mo" nghe: shoid mo vang" ri koem: gi aki, ja"- Khasu" wim garihau: zigi tungbau byumyu" yi ri bain byid: too" bye: zi nghoid. Nyangnu" gi hau: gyeungshang: da" voomoo" ri lham" moo" myid: xe: eig khyab, ju" sho' nang: zeug ci: wa zi nghoid.

Pang Shug 21:10

Houg: lang" nyang: ngoori- gye" myhang: da" boem, phyoo" khyoo: venyi khyo" shu" do, lo" lho: Mangso myonhoo: phung" yoeb, doug bang ziyo' moug: khung: moug: di Mangso shid' khoin" mo ju" gyoo" lo da" gyeungshang: voogung Yerusalem aseig ngoori toin" shid.s

Pang Shug 21:9

Hau: thang: rilo" thang da" shid: gyoin, noogyoin, nyhed loem: yo' byeung" da" goem, nyhed loem: ri ci: moug: lagyoo:- nyhed yug mo dayug nga" jang" moo re" tid zigi Ri" we' hau: yang nu" da" yhoem: seing: myhi' ein: da" myi: yi: seig gi ngoo nang ri toin" shid' ba- ga: tid.

Pang Shug 22:17

Hau: venyi yo' myhi, seig gi " Ri" we',, he: khyoo: ri shaug" gyoo: mo, hang" nghoid loug we' " Ri" we',, ga: tid baja". Gyid shed' su: gi ri" baja"- shug noug mo, hang" nghoid loug we' jhung: shug khyo" aphoug" agyoo" loo: za: kangso' gyid ri kham: shug goo" baja",, ga: tid.

Pang Shug 22:19

He: mougsoug" moo bo da" lapi: dang: daja: ja: ri yu she: pyam' su: hang" ri nghoid loug we' he: mougsoug" moo lhid" to" da" kangso' shi" gam, mo shi" ri zoo: wa ziyo' gyeungshang: da" voogung mo yo" vang yu zoo: wa nya: da" agyid asoo: ri Mangso yu she: pyam byid: loo wa zi nghoid.

Pang Shug 3:12

Oung: doid loo" su: rigi nga" Mangso noku yhoem moo" khoug: mo khung: voin, zeing bung: daloem: bue" jo, nhang: wa nyang: gi houg: mo khanham we' thu' loo" loo: wa zi anghoid. Moug: khung: tho' nga" Mangso jang" mo ju" gyoo" lo da" Yerusalem voo gung seig ein: da" voo myeing ri we' nga" Mangso myeing ri we' ngoo nya: da" myeing seig ri we' nya: da" tho' moo lhid" tab too" byid: wa xo' lho: nya: da" tho' moo ngoo nya: myeing seig ri we' lhid" tab too" byid: wa.