Pang Shug 21:1 - Lacid Common Language Bible

¹ Houg: lang" moug: khung: seig yo' myid' jang: seig ri ngoo myang- xang: shed" mo moug khung: yo' xang: shed" mo myidjang: gi byug loo" khare" lho: nammugdara we' bei: loo: khari" bye.

Pang Shug 21:1 교차 참조

ESAIA 27:1

Hau: bidnyid moo Aseing gi nya: yoem: so' gyi: lho: shid: se' da" shamcoin" ri ci: wigi ne shoem' so" lheing: yen" da" main jung: Leviathan ri yooboo dam byid: loo wa. Panglai: moo nyid da" main jung: ri said pyam wa.

ESAIA 51:11

Nang wigi khyoid yu too" bang: gi Yerusalem khyoo: ngei: pyo: ziyo' jikhoin" khoin" ziyo' gau wigi nyho: zoo" ri ju" loo" goo" wa. Nyangnu" gi apyaid atoo: moo ngei pyo: loo goo" wa. Apyaid atoo: moo nheig koug ziyo' koug ngau zi loid byoin loo goo" wa.

ESAIA 57:20

Nghoid loug we' akhyeing" da" bang: gi being: mhoid' to' zi khanham we' atheing: lho: mhoid soid yo' gougnyhoug nghi: ye: da" aco' ajhoid ziri myu" ci: yen" wigi nyid" myen" yug yoo khyoo: ajo, da" panglai: yo' du boem.

ESAIA 66:22

«Myid gung seig yo' mougkhung: seig gi nga" yoem: so' khyo" jo, jo, loo wa. Houg: yoomo re" amyed ashen yi yo' re" myeing gi jo, jo, loo wa.

DANIELA 7:3

Gye gyi: wigi nyang: cang" nyang: adu go" da" gougnyhoug lam" myid: du: gi nammugdara mo thu re" ago".

Roma 8:21

Hau da nheig byu jang: gi danyid" da" bidnyid ri he phain" too" shau" da mougmyid gi - fain" vo byo yoin da' zi wigi myheig tei" to" jang mo loid byoin lo" lho: - Mangso: da nya: zoo: yi yo" da ge" loid byoin khyoo yo" myo nhoo: phung" yoeb ri shau" kham: zoo: wa.

2PETRU 3:10

Hau: Aseing: da: bidnyid koem gi-khoug" su: re" yhang: ti: ju" ri wa zi nghoid. Hau: bidnyid moo moug: khung: mougdi gi-gye" gyi: myeung da" thui: zeung yo' bei: loo" byug wa zi nghoid. Moug: khung: mo bidbang gung; joem we' myi: nge" kyu" gyo" pyam' boem wa zi nghoid. Moug: myed yoosoo" yo' jo, moo jo, joem we' bei: lo" byug khare" boem wa zi nghoid.

2PETRU 3:13

Nghoid loug we' Ngoonu" gi Mangsoo dangsoo" khoin" byid: too" bye deung byeung" bang: nyid wa yhoem: ein: da- moug: khung: aseig- myed jang: aseig ri ngoonu" nheig byu dalang" nyid boem.

Pang Shug 13:1

Hau: thang: ripanglai khoug: mo khyoug: daxi: khyoug: yo' vhuloem, nyhed loem: dab, da" akhyeung" da" gougnyhoug dadu" thu' lo ziri ngoo myang. Nya: da" khyoug: loem: khang" moo" moo bidmug joem zhoung" ci: lho: nya: da" vhuloem loem: khang" moo" moo Mangsoo ri rui" da" myeing joem rilhid" tab ci:

Pang Shug 20:11

Hau: thang: moo phyu: da" zhung: tang yo' hau: tho' moo zhoung: jo, su: ri ngoo myang- Nya: da" myo, shid' ti: mo wigi mougmyid yoosoo" yo' moug: khung: moug di gi bei: loo" khare" lho: hau: eig ja: gikhanham we' adoem myang loo.

Pang Shug 21:5

Hau: thang: ri zhung: tang tho' moo zhoung: jo, su: dayug gi " Ziyoo jo, moo jo, dangain" ri ngoo gi Aseig doem koid too" wa,, ga: wigi tid. Nyang: ngoori we' tid zigi He: zirilhid" too" we' he: da" dang: gi deingmain" ziyo' loem, ge" da" dang: nghoid.

Pang Shug 6:14

Moug: khung: gi mougsoug" deing: ri deung: lhoem" lo" yhang: ti"- byug loo" khare" lho: - boem, lang yo" gugyoo: kang: joem dangain" gi nya: joyoo mo hei" loo" khare" zi shau" nyid.