Pang Shug 20:3 - Lacid Common Language Bible

³ Mouglagyoo: gi hau: yug ri zain' nyid dakhyeing" zain lid loo" sho' mung" byu yi ri ayo" mhoug: loo: baja" ga: hau: no, athang da: duang: khuang" khoug: khyoo:- nyang: rikhyo, kaid' to" wigi hau: duang: khuang" ri myhed" to" ziyo' hau" atho' moo dazid' ri baid' to. Hau: zain nyid dakhyeing" zain lid loo" lang" gi nyang: ri daso' zoo: doem phoid: kaid' wa zi nghoid.

Pang Shug 20:3 교차 참조

COUNG" NGHEI 90:4

Re" shidkhoin" moo zain void dakhyeing" ga: zigi danyid" ti" te: nghoid nyid wigi hau: zigi lid lo" byug bye:- anyid" nab bidnyid yo' leung" da" myen" ayo, yhang: te" nghoid nyid.

DANIELA 6:17

Thung: nhoid moo lugzeing daloem wigi jhid nghoeb pyam lho: Daniela ri hang" we' ayo" khyoid yu sho' khokham phoo gi nya: khokham dazid yo' nya: nheigboo ludaid yi da" dazid hau: lugzeing moo thung" tab to" da:.

MATHE 24:24

Khasu" wim gari mhau' da" Meshia yo" mhau' da" Lapi: po" thu' lo lho: ge bue" rigi Mangsoo khyen: yu too" bye: mo, ri lang" khyoo yo" shu" vhang: sho'- alhoo: again mau" pho" moozoo" zeing yo"- zei: shug lo boem wa zi nghoid.

MATHE 27:66

Houg: su" nghoid yoomo nyangnu" gi loeb khyoo yhe: wigi lungloem: tho moo dazid' baid tab lho: loeb ri goug" goug: myhid" to" wigi gyizoo: yi ri zung" nhang: to" boem.

MARKU 4:15

Byu dayham" gi khyoo: cang gung moo gyo" lo" da" myoug: shi": yo' du nyid boem da. Mangso mungdang: ri shaug" gyoo: lang" - satan ju" re" wigi nyangnu" moo sain" to" da" hau: mungdang: ri yu pyam' byid.

LUKA 8:31

Yu joem gi nyangnu" ri no, thang da" duang: khoug: moo akoin" khyo kaid ga: toung" pain: ago".

2~KORINTHU 11:3

Eva gi lhang: myu: da" phajhi" juyhi: yo' mhau' mhid" phyo' shau: yhang: ti"- nanu" we' nanu" myid to" khyoo: ri lhu: phyo' pyam zi shau" lho: nanu" da" joeb byeung" gyeung: shang: emyid yo' Khristu moo nheigloem: zug- loem" jeung" zei: so' khyoo:- she: pyam goo" wa ziri gung youg yau nyid.

2PETRU 3:8

Nghoid loug we" jheddab da" byen, cang" yi we' khyoo: dakhaid ri ato" myhed' pyam goo"- Aseing: shid khoin" moo bidnyid danyid" yo'-zain ved' dakhyeung" gi ci: ashai" nghoid da. Nya: shid' khoin" moo hau: eig loem: gi dakhyoo" ti" nghoid nyid.

Pang Shug 12:9

Moug: myid gyab, goin" zirishu" mhau' fain" vo, nyid su- main: yu- anghoid lang" satan: ga: myeing yoo" su- goonham, mo main, jung: ni, zeing ri nya: moug: lagyoo: yi dangain" yo" dage" myid jang: tho' khyoo: du" khyo' kaid' zi shau" abye:.

Pang Shug 13:14

Nyang: gi xang: shed" mo da" akhyeung" gougnyhoug shid khoin" moo mau" pho" alhoo: again joem rikoid shug lho: wigi mougmyid byu yi dangain" ri mhoid" fain" nyid lho: sham: dam tab' nghoid loug we' ashid: loo" loo: dei nyid da" hau" gougnyhoug riphoug" tab ngi shab, khyo" wigi nya: da" soolhoo: daloem: rikoid wa shid re" mougmyid byu yi ri tid kaid.

Pang Shug 17:2

Myid' jang: tho' mo Khokham" yi gi nyang: yo' aved, avhu: moo" zheung: zei: nyid yoomo mougmyid' moo nyid da" byu yi gi nya: aved, avhu: koid ein: da" zabyid yeid' ri shug yed, ci: abye: go", ga: tid.

Pang Shug 17:8

Hau: akhyeung" da" gougnyhoug gi shid' phyang" dei nyid yu" bye- nghoid loug we' akhid" gi adei nyid loo- nghoid loug we' nyang: gi no, athang da" duang: khuang" mo thu' re" lho: wigi phyo' shoin, pyam' jang" khyoo: yhe: loo" wa zi nghoid. Moug: phain" myid' aphain" shi" mo Nya: kang: so' moug soug" pug moo -myeing abo lhid" kaid' to" da" moug: myid byu yi gi hau: akhyeung" da" gougnyhoug zeing ri shau" myang lang" mau" hang" to" boem wa nghoid. Nyang: gigoo" nham, dei nyid yu" gye- akhid" gi adei nyid loo- nghoid loug we' doem dei loo shi" wa zi nghoid.

Pang Shug 20:1

Hau: thang: ri moug: lagyoo: dayug gi no, athang da" joyoo mo khoem" thoug" yo' jo to' jang coo" doem, zeing ri nya: lo, moo ci: lho: moug: khung: moug: di mo gyoo" lo ziri ngoo myang.