Pang Shug 20:2 - Lacid Common Language Bible

² Nyang: gi yu yo' satan: nghoid da" goonham, mo lhang: myu, ein: da" main, jung: zeing ri tei" yu lho: zain, nyid dakhyeing" ju" sho' tei" too" bye.

Pang Shug 20:2 교차 참조

APOEM AYANG: 3:1

Akhid" lhangmyu gi Aseing Mangsoo phain" so: jang" mo mhau fain" thang da" gougnyhoug nghoid. Lhangmyu gi myiyi: ri «Mangsoo gi khyam: khoug: shigam joem mo ashi" re" tang: ri azoo: wa shid re" gyeing" gyeing" tid to" la"» ga: myid:.

APOEM AYANG: 3:15

Ngoo gi nang yo' myiyi: myhi' ri dayug yo' dayug ri ngheing" goo" nhang: too" wa. Nya: amyed ashen yo' re" amyed ashen gi khanham we' gyivoo jha" bue" nyid wa bye:. Myiyi: myhi' nya: amyed ashen gi re" vhuloem ri nang mhoin' wigi nang we' nya: amyed ashen yi da" khanheig thung" thang: ri thei" wa nghoid» ga: tid.

YOBA 1:7

Aseing gi nyang: ri «Nang ci lhung koid nyid la"» ga: myid. Satan gi «Ngoo gi hid: khyoo: thei: khyoo: so" yen" lho: mougmyid ri koem" nyid» ga: tid da:.

ESAIA 24:22

Mangsoo gi duang: khuang" khoug: mo thung: byu yi yo' dayhang: ti" khokham yiri dage" zheing foem: too" nhang: wa. Nyangnu" gi yooboo dam byid: da" ayo, ju" sho' nyang: gi houg bang: ri thung: lhung too" wa.

ESAIA 27:1

Hau: bidnyid moo Aseing gi nya: yoem: so' gyi: lho: shid: se' da" shamcoin" ri ci: wigi ne shoem' so" lheing: yen" da" main jung: Leviathan ri yooboo dam byid: loo wa. Panglai: moo nyid da" main jung: ri said pyam wa.

EZEKIEL 47:5

Nyang: gi 1680 pi: doem ke' kaid ri houg: moo gyid gyung: gi ngoo ayo" neug dab loosho' no, da:. Hau: jang" mo gi gyid shab shab ca" wa yhi' nyang: no, da:.

MATHE 19:29

Hau: tho' mo gootu: Ngoo yoomo, yhoem: yoo yaboin:- nya: mang: nya: nhung"- nya: myhi' nya: phoo nya: myid nya: zoo:- ri to" pyam khoo su: hang" nghoid loug we' nyang: to" pyam kho' tho' moo dashoo: ki- Akyu" ri je kham: zoo: wa. Hau: tho' moo apyaid ato: kangso' we yo" yu wa zi nghoid.

MATHE 8:29

Nya: eig yug gi «Mangso da" nya: zoo we"- nga" eig yug nang yo" cisen: lha". ayo, aju" shi" ri nga" eig yug ri shen" wa ein: nang ju" re" la"» ga: wigi nyho: tid ago".

MARKU 4:15

Byu dayham" gi khyoo: cang gung moo gyo" lo" da" myoug: shi": yo' du nyid boem da. Mangso mungdang: ri shaug" gyoo: lang" - satan ju" re" wigi nyangnu" moo sain" to" da" hau: mungdang: ri yu pyam' byid.

MARKU 5:7

Houg: su" wigi nyang: thui: zeing yo' nyho: tid zigi myhang: thang da" Mangso: nya: zoo: Yesu we"- nang yo" ngoo cisen: go" lha". ngoori ashen" baja"- Mangsoo myeung lang: lho: ngoo mho' da:- ga: tid.

YOHAN 12:31

He: moug myid gi akhid" lang" Tarha" dang: phyed' zi thoung" shau" nyid abye:. Mougmyid ri vhoeb khang" nyid da" su: we' akhid" nyang: keing" pyam zi shau" wam: bye.

YOHAN 16:11

He moug myid ri vhoeb khang" su ri tarha" dang: bain phyed' bye yoomo dang: phyed' zi yo sen lho: nyangnu" shed nyid boem.

Roma 16:20

Myenjham" Aseing: Mangsoo: khamyhang amyang" ri Nanu" da" khavoo: khoug: moo satan: ri nang: zeug pyam' nhang: wa ngoonu" da" Aseing: Yesu da" jeju" ri Nanu" shau" kham zoo: baja" o".

HEBRE 2:14

Nya: zoo: yi ga: nyang: nyangnu" ri myheung byid: ziyo' dakhyoo" ti"- suid" shoo" kham: voin, da" byu yi nghoid ago- Yesu nyang: we' suid" shoo" kham: voin, da" xang: su: byugung re" kham: yu bye. Hougsu" kham: yu khyoo: gi shid: loo" no lo" da" khyoo: ri vhoeb khang" nyid da- yu join: da" yoem: vho" ri lhu: phyo' lhu: shoin, pyam byid: wa shid re" nghoid nyid.

1PETERU 5:8

Gyeung: boin: da" byugyeing" koid nyi ge'. zed" lhid' lho: nyid ge'. nanu" da" gyivoo nghoid yu satan gi kha: yug ri myhau: pyam' wa la"» ga: myeung dang: yen" da" khang khyi yo' du nyid.

2PETRU 2:4

Mangsoo gi yooboo koid da" moug: lagyoo: yi ri lang" gi khyam" sa: abyid: loo: za: ngarai khyoo: khyo' pyam lho: wigi hau: joyoo mo moug: coid khoug: moo myeug" tei" to" wigi tarha" dang: phyed' wa da" bidnyid ri dalang" nyid nhang.

YUDA 1:6

Nyang: nyang: yo" jo, da" amyeing" akhang" ri ci: lid' lo" lho: wigi nyang: nya: da" joyoo ri she: pyam' kho' da" moug: lagyoo: yi da" khyoo: ri we' myid' boin: yu" ge'. Mangsoo gi nya: tarha" dang: phyed' wa da" bidnyid zeing moo houg: bang: ri yoobo dam kaid' wa shid re" moug: coid' thung: khoug: moo apyaid' ato: da" joto' jangcoo" yo' datei" to.

Pang Shug 12:13

Main jung: ni, zeing gi nyang: ri myid jang: tho' khyoo: khaid khyo' kaid ziri si lang" nyang gi yug gi zoo: khu: loo wa da" myi: yi: myhi, ri cang khaid myheug yen" bye.

Pang Shug 12:15

Houg: lang" main jung: ni, zeing gi hau" myi: yi myhi, ri myu: loo" nhang: wa shid re" myi: yi myhi, jhang khyoo: nya: da" nhoid khoug: mo tigyid' ri shi, thu kaid.

Pang Shug 12:17

Houg: lang" main jung: ni, zeing ginheig khoo" yo:' wigi myi: yi myhi, yo' hau: youg da" amyed ashen, yi ga: da" Mangso amyeing" dang: yo' Yesu khyo" pang shug to" da"-deingmain" da" khyoo: moo loem" jeung" tam" gyo: lho: cang loo" mo, ri gyi khaid wa shid re" thu' loo" khari" bye.

Pang Shug 12:3

Hau: lho: moug: laid' phyoo" mo mau" pho" khyoo: daja: gi bidmug rizhoung" ci: da" vhuloem nyhed loem: dab, lho: khyoug: daxi: khyoug: youg da" main, jung: ni, zeing dadu: thu' lo.

Pang Shug 12:4

Nyang: gimoug: laid' phyoo" mo kyi: joem- soem" boem mo daboem ri nya: da" myi: yhang yo' shoem" yu lho: myid' jang: tho' khyoo: du" khyo' kaid.

Pang Shug 12:9

Moug: myid gyab, goin" zirishu" mhau' fain" vo, nyid su- main: yu- anghoid lang" satan: ga: myeing yoo" su- goonham, mo main, jung: ni, zeing ri nya: moug: lagyoo: yi dangain" yo" dage" myid jang: tho' khyoo: du" khyo' kaid' zi shau" abye:.

Pang Shug 13:2

Ngoo myang da" hau" akhyeung" da" goug nyhoug gi Myeing khuid" yo' du- nya: da" khyid: gi voem, khyid: yo' du lho: nhoid gi khang khyi nhoid yo' du go" nyid. Hau: main jung: ni, zeing gi nya: da" yoem: so' yo' nya: zhung: tang ri we' nya: gyi: thang da" amyeing" ri we' hau: akhyeung" da" gougnyhoug ri ab, byid: bye.

Pang Shug 13:4

Main jung: ni, zeing gi nya: amyeing" ri hau" akhyeung" da" gougnyhoug lo, moo ab, byid: too" su: nghoid yoomo byu yug khang" moo" gi main jung: ni, zeing ri noku nyid boem ago". Hau" byu yi gi akhyeung" da" gougnyhoug ri we' noku zoore"-" He" akhyeung" da" gougnyhoug yo' hang" se' du go" lha". nyang: ri hang" to' voem" zain: wa lha"» ga: tid nyid boem ago".

Pang Shug 20:10

Hau: thang: rinyang: nu" ri mhau' da" main: yu we' myi: yo' fang nge" nyid da" thoem" khoug: khyoo:- du" khyo' kaid' zi shau" bye- hau: jang" moo hau" akhyeung" da" gougnyhoug ni zeing yo' mhau' da" lapi: joem we' loung" jo. Nyang: nu" ginyid" rimyen" ri kyi" kyeig shau" nyid ziyo' apyaid' atoo: moo daloung" jo, boem wa nghoid.

Pang Shug 20:7

Hau zain nyid dakhyeing" lid loo" lang" gi satan ri thung: mo doem nhang: kaid' zi shau" wa zi nghoid wigi

Pang Shug 9:11

Nyangnu" ri vhoeb, khang" nyid da" Khokham" gi no, athang da" duang: khuang" mo lagyoo: nghoid. Nya: da" myeing gi Hebre myeing" khyo" Abadon ga: Heleni myeing" gi Apolion nghoid. (Hau: da" dangkang: gi (Lhu: phyo' su) ga: zi nghoid.