Pang Shug 2:5 - Lacid Common Language Bible

⁵ Nang khayhi' byed gyoo" loo" bye: ziri se' we' re" da" yooboo mo nheigloem: thed' lo lho: xang: shed" ri cang loo bye: yhang: ti" bdem cang we'. houg: su" nheigloem: athed, loo lo: nghoid rigi re" jhang khyoo: ngoo re" wigi re" da" myibung: ri hau: joyoo mo ngoo yu pyam' byid: wa.

Pang Shug 2:5 교차 참조

ESAIA 1:26

Goonham' nang lhoung yo" yu" da" bang: yhang: te" da" vhoebkhang" bang: yo' phajhi" byid: bang: ri nang ri ngoo byid: wa. Houg: lang" Yerusalem gi deungmain" jhug zug da" voomoo" ga: myheing zi shoug" wa» ga: tid da:.

ESAIA 14:12

O" nab soin: boo" myhu"- Nab soin: moug: bo" nya: zoo: we"- nang gi mougkhung: mo gyo" byug bye: nhung: la". Lai lo da" ayo, moo nang gi byumyu" yiri oung: lo da:. Nghoid loug we' akhid" nang gi myidgung khyoo: du" khyo' pyam zi shau" abye:.

EZEKIEL 20:43

Houg: lang" nanu" gi nanu" koid lid: lo da" ngi yoem" khyoo: dangain" ri yo' nanu" nya: gung ri khasu" anyhoin: athung" bui" nhang: pyam bye: khyoo: ri boin: so" loo goo" wa. Nanu" gi nanu" nyang: koid lid: loo bye: da" akhyeing" ashoeb moo" gang mo nanu" nya: gung ri co' loo goo" wa.

EZEKIEL 36:31

Nanu" gi nanu" nyang: shoid lid: lo da" akhyeing" ashoeb da" avoid joem yo' nanu" koid shoid da" joem ri myid boin: lho: nanu" gi nanu" da" yooboo joem yo' youg: noo dam joem gang mo nanu" nya: gung ri co' lo boem goo" wa.

HOSEA 14:1

Israela byumyu" yi we" nanu" Aseing Mangso jhang khyoo: doem tau" loo ge'. Nanu" yooboo gi nanu" ri khyid: vhu" thung" wigi lheing nhang: bye:.

HOSEA 9:10

Aseing gi «Israela ri ngoo xang: shi" shoug" sho: myang uri dain" pyoid yoo mo zabyid shigam ri sho: ziyo' du da:. Nanu" da" phoug" phyid" yiri ngoo xang: shi" shau" myang da" uri lafoem shi myheing yo, ri myheing shid" re" ziri shau" myang ziyo' du da:. Nghoid loug we' nyangnu" Peora boem moo ju" lo uri nyangnu" Bala yu phara" ri no' shid" lo ago". Houg: lho: khamyhang amyang" ri nyangnu" gi nyangnu" jheddab da" yu phara" joem yo' dakhyoo" yu" co' tung" bue" re" ago".

MALAKHI 3:4

Houg: lang" Yuda yo' Yerusalem voomoo" mo mo, Aseing ri ngei" byid: da" xoin" gi goonham' mo yhang: ti" Aseing vho: ngei khyo: bue" loo wa zi nghoid.

MALAKHI 4:6

Ngoo gi nanu" da" mung" ri ajoem: loo" nhang: wa shid re" nyang: gi nya: pho yo' nya: zoo: ri dage" veing" go" loo nhang: wa zi nghoid» ga: tid.

MATHE 5:14

«Nanu" gi mougmyid bidbang yo' du ago"- boem tho' moo tam: to" da" voogung ri ce: zewe' ayo" go too.

MATHE 5:15

Myibung: ri tab' lho: lain" wigi hang" azhung" lhung to" yu"- myibung: ki" jang: moo ke" to" rigi dayhoem: goin" mo, myo, yo" myang.

MARKU 12:9

Houg: lang" khyam: seing: gi khasu" koid wa lha".- nyang gi re" lho: khyam: ngho" zei: mo, ri said pyam wigi hau" zabyid khyam: ri we' goo ji yi ri nghoo" byid: pyam wa nghoid.

LUKA 1:17

Aseing: Meshia da" shid' khyoo: gei yhi: su: nghoid lho: Lapi: Elia yo' dakhyoo" ti"- yoem: vhoo" phung: yoeb gyi: wa su: nghoid. Nyang: gi nya: pho, ri nya: zoo: yi yo"- doem veing" goo" nhang: wa zi nghoid. Mangsoo ri gyikoid nyid mo, ri deung main" da" phajhi" ri doem yoo" nhang: wa nghoid. Aseing: shid' re- jen" jen" nghoid wa shid' re" Aseing: da" Byumyu" yi ri nyheing soin byid: wa nghoid ga: Zakhari ri tid.

LUKA 20:16

Nyang: gi re" lho: houg: bang: dangain" ri bain said pyam wigi zabyid khyam: ri we' byu gooji ri nghoo" byid: pyam wa ga: tid. Hau: da" dang: ri shaug" gyoo: boem lang" byu yi gi hid: su" age koid ga: tid boem.

GALATI 5:4

Toung: to" da" tarha" ri cang pyeung khyo" wigi Mangso shid khoin" moo deing byeung" khyoo: yo" yu wa ga: yoem: kaid' nyid bang: nanu" gi Khristu yo' gang: lain lo" lho: Mangso da" jeju" ri ci: foid pyam' abye: go.

PHILIPI 2:15

Houg: su" koid nyid lang" nanu" gi akyang" alai byo, yoin" lho: yooboo yoo" bang: ga: goo" wa. He: mougmyid tho' moo ce" yooboo we' adab loo: za: nheigloem: gyeungshang: da" Mangso nya: zoo: yi yhang: ti"- bue" loo: goo" wa zi nghoid-Hougsu" nanu" gi kangso dei da" mungdang: ri kho" kyo" nyid zoore" moug: khung: goin" ziri thoin" pang byid: da" bidbang gung du: yi yhang: ti"- nyangnu" da" mo, phung: gung moo thoin" pang byid: nyid boem, ca" wa nghoid.

HEBRE 10:32

Lai loo" bye: da" bidnyid joem moo nanu" gi khayhang: te" mo, nghoid nyid boem ziri doem boin: so" nyid ge'. Hau: bidnyid joem moo Mangso bidbang ri zheung: yo" kham: yu ci: boem lho: shid: gyoin, noogyoin, myoo" sho' ri shau" kham, zo: lid lo boem bye- nghoid loug we' nanu" yoem: kaid thoug shang" lo boem yoomo hau: shid: gyoin, noo gyoin gi nanu" riyo" oung: lo" khyoo: ajo.

2PETRU 3:17

Nghoid loug we' byen cang" yi we"- nanu" gi he: da" khyoo: ri se' nyid gu nghoid abye: go". Hougsu" nghoid yoomo nanu" gi-ce: tarha" abo da" bang: shoid vhang: lo" da" khyoo: moo shu" vhang: lo" jang" moo abo loo" wa ziyo' gau: ngu: da" kang so' dei khyoo: mo abyid: gyoo" loo" wa shid re"-zed" nyid ge'.

YUDA 1:24

Nanu" ri ajhoid leung nhang: sho' zung" lhug byid: su: yo' ce: yooboo we' aboo nhang: loo: za: gau, yi ngei pyo: ziyo' myonhoo: phung: yoeb, doug bang da" Aseung: shid' khoin" khyoo: - yo" shu" vang yi su.

Pang Shug 1:20

Hid: nang myang da" nga" lo, yo lo, moo kyi: nyhed cab, yo' zhoung: to" da" sheing: myibung: nyhed loem: da" zau" to" dangkang: gi hid: su" nghoid. Hau: sheing: myibung: nyhed loem: we' phung nyhed loem nghoid.

Pang Shug 16:9

Nyang: nu" gi thain: da" myiso' yo' ngi" yoomo hau: shid: gyoin, amyeing" byid: su: Mangsoo ri damyeung nheung" nyid aloo: go. Nghoid loug we' nyangnu" da" yooboo yoomo houg: yhi' gyeung" da" shen" yhen jamjau shau" nyid boem nghoid loug we' nheigloem: athed' lo boem ziyo' Nya: da" gyi: myhang: khyoo: ri acoung" anghei' byid: nghoid ago".

Pang Shug 2:16

Houg: yoomo re" yooboo mo nheigloem: myab, htid loo we' nheigloem: athed' lo nghloid rigi amyang" ri ngoo re" wigi nga" da" nhoid mo, thu da" lhab, sham: yo' nyangnu" ri jab, pyam' loo: wa.

Pang Shug 2:19

Ngoo gi nang ci koid nyid ziri se'- re" da" jheddab khyoo:- loem" jeung" khyoo: we' re" da" moo" voin khyoo: yo' nheigloem: sheung: khyoo: ri ngoo se. Akhid" nang zei: nyid moo" gi xang: shed" tho mo je ge ziri ngoo se.

Pang Shug 2:2

Nang ci koid lid loo bye: da" moozoo" ri ngoo se'- nang khayhi' yoem: kaid lho: moo" zei: nyid zi nang khayhi' yo" kham zeung: nyid ziri ngoo se' nyid. Nang gi akhyeung" da" byu yi yo' lagyoo: anghoid zi lagyoo: nghoid ga: mhoug mo, ri ca: yu" lho: se' lang" gi khyam" sa abyid: lo: ziri ngoo se.

Pang Shug 3:19

Ngoo gi ngoo nyang: jheddab mo, dangain" ri jhau" mho' lho: yoobo dam kaid' nyid houg: yoo mo nang gi yhoug: gyen: khyo" koid nyid lho: re" yooboo mo nheigloem: thed' loo re.