Pang Shug 2:23 - Lacid Common Language Bible

²³ Nya: thang: cang mo, ri we' ngoo said' pyam loo wa. Houg: lang" ngoo gi yug khang" mo" da" nheigloem: yo' myid soin: khyoo: joem ri myang kyang nyid su: nghoid ziri phung yi dangain" se' lo boem wa zi nghoid. Nyangnu" nya: da" lo, moo" yo' dakhyoo" ti"- aphoug" ri ngoo byid: loo wa zi nghoid.

Pang Shug 2:23 교차 참조

1 KHOKHAM MHOOMYID: 17:18

Nang ri ngoo ci su" tho' tid loo: wa la". Nang gi ngoo ri nyeing" za: se' da:. Nghoid loug we' re" dei zoo: ngoo ngi: shab byid: da:.

1 KHOKHAM MHOOMYID: 28:9

Houg: lho: nyang: Sholumon ri «Nga" zoo: we"- re" phoo Mangsoo ri yhen: yu lho: nheigloem: dakhaid za: yo' oung: lung bu myid yo' nyang: ri dei byid: wa shid re" ngoo tid jhoin" da:. Nyang: gi ngoonu" da" myid soin: khyoo: yo' myid vho: khyoo: dangain" ziri se' da:. Nang nya: jhang yhe: nghoid rigi nyang: nang ri khab yu zi nghoid. Nghoid loug we' nang nyang: mo gang: lo" byug nghoid rigi nyang: gi nang ri apyaid atoo: she: pyam loo wa.

1 KHOKHAM MHOOMYID: 29:17

Nang gi yugkhang" moo" da" nheigloem: ri jham" yu" wigi nheigloem: phyu: bang ri nang vho: ngei ziri ngoo se'. Ngoo gi deingmain" da" myid- nheigloem: phyu: myid yo' he: gu: dangain" ri oung: lung bu tung" nang ri byid: too" bye:. Hid moo: zeing: foem: nyid boem da" re" byumyu" yigi nang ri shugbyid: wa khayhi' ngei bu: oung: loug boem ziri ngoo myang bye:.

2 KHOKHAM MHOOMYID: 6:30

Nyangnu" akyu" mho' dang: ri tam" gyoo: byid: la. Mougkhung: moo jo, da" re" yhoem: mo nyangnu" ri tam" gyoo: byid: wigi nyangnu" ri yooboo khyoid byid: la. Nang dayug za: byu xangsu: da" nheigloem: myid soin: ziri se' da:. Yugkhang" moo" ri nyang: moin: yi" ziyo' dayhang: ti" koid byid: la.

YOBA 24:23

Mangsoo gi nyang: ri goem loem tung" nyid nhang: nghoid loug we' Nyang: ri ayo, byeung" sho' zung" yu" nyid da:.

COUNG" NGHEI 139:1

Aseing we"- nang gi nga" khyoo: ri phoid: sho: yu" lho: si' bye:.

COUNG" NGHEI 26:2

Aseing we"- ngoo ri ca: yu" we' kyeung yu" we' nga" ung: khoug: mo vho: ngei khyoo: yo' myid soin: khyoo: ri dang: phyed byid: we'.

COUNG" NGHEI 44:21

Ngoonu" da" nheigloem: ung: khoug: moo: yhoem" to" da- myid soin: khyoo: joem ri nang si' byid: nyid yoomo nang gi hau: khyoo: ri deing" deing nyang: myang si' byid: wam: bye:.

COUNG" NGHEI 62:12

Nya: da" jhed khyeing: kang: khyeing: gi geung: teung jo, khyoo: ri we' ngoo shoug" gyoo: bye:. Aseing we"- nang gi re" da" byu yi gu: ri nyang: nya: moo" zoo" yo' dakhyoo" ti" coung" nghei ngi shab jhungshug ri nang nyang: byid: wa zi nghoid.

COUNG" NGHEI 7:9

Nang gi deungbyeung" da" Mangsoo nghoid yoomo ngoonu" da" vho: ngei khyoo: yo' myid soin: khyoo: ri dang: phyed byid: nyid. Byugang: yi da" akhyeung" khyoo: ri toem to" lho: byu gi yiri coung" ngei ngi: shab jhungshug byid: we'.

YEREMIA 11:20

Hau: thang: ngoo gi «Myhang: thang Aseing we"- nang gi deingmain" da" tarha" agyi nghoid da:. Nang gi byu yi da" myid soin: khyoo: yo' nheigloem: moo kham zo: da" khyoo: ri jham" ca: yu" da:. Ngoo gi nga" moo" zoo" ri re" lo, khoug: moo kaid too" bye:. Houg: lho: he: byumyu" yiri nang latoo: phug zi ngoo ri myang nhang: la» ein: akyu" mho' bye:.

YEREMIA 17:10

Ngoo Aseing gi byu da" myid ri pei: shoo: su: yo' nheigloem: ri jham" yu" su: nghoid da:. Ngoo gi yugkhang" moo" ri nya: kangso' dei ziyo'. Nyang: koid da" moo" ri cang wigi koid byid: wa.

YEREMIA 20:12

Nghoid loug we' Myhang: thang Aseing we" Nang gi byumyu" yiri tarha" nyeung veung" ziyo' jham" yu" da:. Nyangnu" myid nheigloem: khoug: moo cibo ziri nang se' da:. Houg: yoomo nga" gyivoo yiri nang wigi latoo: phug ziri ngoo ri myang nhang: la. Ciwim gari ngoo gi nga" khyoo: ri re" lo, khoug: moo kaid too" bye:.

ZEPHANI 1:11

Voomoo" mo ung" zoo: ung" shug da" joyoo moo nyid mo, nanu" we' ngoug nyid loo: we'. Ciwim gari nanu" da" phaga: byu yi dangain" shoem" shoung: pyam zi shoug" wa.

MATHE 16:27

Byu da" nya: zoo: gi Nya: pho, da" myonhoo: phung yoeb bang ri void' ci: lho: Mouglagyoo: yi yo" dage" gyoo" loo wa. Hau: da" bidnyid ri mougmyid byu yi dayug yo" dayug ri nyang: nyang: koid: da" moozoo" yo' dakhyoo" ti" doem tau" byid: wa zi nghoid.

LUKA 16:15

Yesu gi nanu" ri nyang: nya: da" gung du: ri byu gi yi nghoid ga: subi" ri myang nhang nau ago". Nghoidloug we' Mangsoo: gi nanu" da" nheigloem: ri se' nyid. Byu yi gye" vho: ngei jheddab nyid da" zigi Mangso da" shid' khoin" moo gi ce: phoug" adab da" zi anghoid.

YOHAN 21:17

Soem" lheing: ein: lheing: we' yesu gi Yohan nya: zoo: Simun we"- nang ngoori jheddab la"» ga: doem myid. Hid: su" soem" lheing: ju" sho' myid: nyid yoomo Petru gi nheig koug lo wigi Aseing: we" nang gi ce: noem ri we' dangain" si' su: nhgoid' - nang ri ngoo jheddab zigi nang se' ga: doem tid. Yesu gi nga" yang joem ri zung" nyid' we' ga: doem tid.

YOHAN 4:16

Yesu tid zigi lo" lho: Re" yhoem: seing: phoo ri khe: shu" ri" we' ga: tid.

ACTS 1:24

Hau: thang: ri nyangnu" akyu" mho' zigi Aseing: we" Nang gi yug khang" mo" da" nheigloem: ri sisu: nghoid- Yuda gi nyang: yo' sen: da" joyoo khyoo: yhe: loo" bye.

Roma 14:12

Houg: nghoid yoomo ngoonu" dangain" mo gi nyang: nyang: koid' da" moozoo" yo" dakhyoo" ti" Mangsoo: ri shau" tid khyo" da bidnyid ju" loo wa.

Roma 8:27

Byu da" nheigloem: ri myang: byid: da" Mangsoo: gi venyi: da" nheigloem: ri we' bo si byid:. Khasu" wim ga ri young" gyeing" Venyi gi Mangsoo: vho: zi yo" dakhyoo" Aseing nya: byu yi shid' re" bo mho' toung" bain: nyid yoomo nghoid.

2~KORINTHU 5:10

Khasu" wim gari ngoonu" dangain" mo, gi tarha" dang: phyed zi shau" wa shid re" Khristu da" tang myhang shid moo thu' yab, ca" boem wa zi nghoid. Hau: da" uri ngoonu" dayug yo" dayug gi He" da gungsho" yhoem: moo nyid nyid shi" uri zei so" lid loo bye: da" ge da" moozoo"- age da" moozo" shid re" eung: ziyo' dakhyoo" ti" shau":" kham, zo: boem wa nghoid.

GALATI 6:5

Khasu" wim gari dayug yo' dayug gi nyang: tu: nya: da" yooboin, ri voin, vu, nyid boem wa zi nghoid nyid.

TARHA" TID POIN" 13:11

Hau: thang: he: khyoo: ri Israela byu dangain" gi shau" gyo: wigi gyoug loo goo" wa. Houg: lang" houg: te" da" akhyeing" moo" ri hang" we' adoem koid loo wa.

TARHA" TID POIN" 17:13

Houg: lho: yugkhang" moo" gi hau: ziri shoug" gyoo: lang" gyoug loo goo" wa. Hau: thang: gootu: hang" we' houg: yhang: te" moo" ri avoem" koid loo: wa.

TARHA" TID POIN" 19:20

Hau: thang: gootu: yugkhang" moo" gi bue" lo ziri shau" gyo: wigi gyoug loo goo" wa. Houg: lang" houg: te" da" akhyeing" ashoeb moo" ri khanham we' hang" adoem koid loo wa.

TARHA" TID POIN" 21:21

Hau: thang: hau: voomoo" mo yuggi yigi nyang: ri lug boem wigi du" said pyam ca" da:. Hougsu" khyo" nanu" gi akhyeing" ashoeb ziri yu pyam wa zi nghoid. Israela mung" mo yugkhang" moo" gi bue" loo bye: da" ziri shau" gyo: wigi gyoug goo" wa.

HEBRE 4:13

Mangsoo amyang asi sho' yo" yhoem" nghoeb, to" zi ci" we' ajo- jo, moo jo, dangain" gi nya: shid' khoin" moo diri cen: nghoid nyid wigi nyhang" zei: nyid da" moozoo" dangain" we' nyang: ri zhayen" ci: shug boem ca" wa nghoid.

1PETERU 1:17

Hau: tho' moo gootu: byu dangain" ri myonhoo: vhu" zung akhyen: loo za-nyangnu" da" moozoo" yo' dakhyoo" ti"- tarha" dang: phyed' byid: nyid da" Mangso jang" moo akyu" mho' nyid uri nanu" gi Mangsoo ri nga" phoo we" ga: mho' yoid nyid boem bye- Houg: yoomo mougmyid' moo dei nyid daloo gyoo: moo hau: Aseing: ri gyoug phau" nyid ge'.

Pang Shug 2:11

Venyi gi phung yi ri khasu" ga: tid nyid zigi nukhyab' dab, mo, gi gyo: yu goo" baja"- oung: doidloo mo, gi eig lheing: shid: da" jam joug shau" loo wa zi anghoid.

Pang Shug 2:7

Venyi gi phung yi ri khasu" ga: tid nyid ziri nukhyab' dab, bang: gi gyo: yu goo" baja". Oung: doid loo" bang: ri Mangso khyam: moo youg jo, da" kangso' shi" gam, mo ashi" ri zoo: wa da" akhang" ngoo byid: wa nghoid.

Pang Shug 20:12

Hau: lho: wigi shid: lo" byug bye: mo, gyi: zoo: nge, zoo: gi hau: zhung: tang shid khoin" moo to' yab, jo, boem ziri ngoo myang. Houg: lang" mougsoug" bug joem ri we' phang to" boem Kangso' mougsoug" ga: da" mougsoug" bug gootu: ri we' phang to. Shid: loo" bye: mo, gi nyang: nya: da" aved' asam" yo' dakhyoo" ti"- moug soug" bug moo lhid" to" khyo" canglho:- tarha" dang: phyed' zi shau" nyid boem ago".

Pang Shug 20:13

Houg: lang" nam mugdara gi nyang: moo bo da" byu shid: joem ri doem, toug" byid- shid: no khyoo: yo' moovo, moug we' nyang: tu: nyang: moo bo da" shid: mo, ri doem toug" byid: boem- byu dangain" bang: ginyang: nu" nyang: zei: loo bye: lo, moo" yo' dakhyoo" ti"- tarha" dang: phyed' zi shau" nyid boem.

Pang Shug 22:12

Tam" gyo: yu" ge'. Ngoo amyang" ri ju" ri" wa dayug yo' dayug ri nya: moozoo" yo' dakhyoo" ti" - doem, toug" byid: wa moin: yi" da" ngi shab, jhung: shug gi ngoo ci: ri" wa.

Pang Shug 6:8

Ngoo lheung: yu" kaid da" uri shoem" shid: yed, da" myang: dadu ri ngoo myang- hau: tho' moo zhoung: jo, da" sarhi' pho myeing. gi shid: zoug: ga: zi nghoid- nya: da" thang: moo gi moovo, moug: cang lo nyid. nyang: gi mougmyid myid: boem mo daboem moo nyid da" byu yi ri meing: byo, gyi koid go" khyo" zooyoid phang" khoug zeing khyo" nooboug: phyoo" boug: zeing yo' myeung khuid" zeig ni zeing khyo" wigi shid: joem: no thang loo" nhang: wa da" yoem: so' yo" ci.

1 SAMUELA 16:7

Nghoid loug we' Aseing gi nyang: ri gung myhang: ziyo' khayhi' yung" nghoid loug we' khyen: khyo' pyam. Byu yi dang: phyed yhang: ti" ngoo aphyid yoomo nyang: ri ngoo khyen: wa zi anghoid. Byu yigi nghe: shoid avoid asam" ri za: dase' yu"- nghoid loug we' ngoo gi myid nheigloem: ri dayu" zi nghoid» ga: tid bye:.