Pang Shug 2:2 - Lacid Common Language Bible

² Nang ci koid lid loo bye: da" moozoo" ri ngoo se'- nang khayhi' yoem: kaid lho: moo" zei: nyid zi nang khayhi' yo" kham zeung: nyid ziri ngoo se' nyid. Nang gi akhyeung" da" byu yi yo' lagyoo: anghoid zi lagyoo: nghoid ga: mhoug mo, ri ca: yu" lho: se' lang" gi khyam" sa abyid: lo: ziri ngoo se.

Pang Shug 2:2 교차 참조

COUNG" NGHEI 1:6

Deung: byeung" bang: rigi Aseing mo wigi khyoo: shu" vhu" she: ziyo' lhoug zung" goem coung: zi shoug" nyid boem. Akhyeung" bang: koem gi joem: lo" byug boem wa zi nghoid.

MATHE 7:23

Hau: uri ‹ngoo nanu" ri khanham we' asi"- atarha" da" moo" zei: mo, we"- nga" jang" mo gang: loo" ge'› ein: wigi ngoo nyanu" nyang: ri tid wa zi nghoid.

YOHAN 6:6

(Hid: su" myid: da" khyoo: gi Philib ri ca: yu" noug yoomo nghoid. Nghoidloug we' Yesu ri nyang: khasu" koid; nau zi si' gu nghoid.)

GALATI 1:7

Gyeing" nyang: ga: rigi Aseing Yesu da" khyoo: mo lid lho: ngei bu: lu dang: gootu: ajo. Nghoid loug we' ngoo hid: su" ein: tid zigi Khristu da" ngei bu: lu dang: ri thed' ze" shoin, wa yoem: kaid' nyid da" byu dayham" nyid boem ziyo' nyangnu" gi nanu" ri myid loem vhu" gyam, myid gyam nyid sho' lhu: phyo' lhu: nhoung nyid boem yoomo tid nyid zi nghoid.

Ephesu 4:14

Hougsu" nghoid lang" ngoonu" gi subi" ri nyangnu" da" phajhi" khyau" ziyo' khyoo: shu" vhang: mo, da" jhau" mhau' khyoo: ein: da" being: mhoid' ug lig zo" wigi moid' tang" loo" shau nyid da" zoonu" yi yhang: ti" abue" nyid boem loo: wa.

1THESALONI 1:3

Khasu" wim ga: ri nanu" da" loem" jeung" khyoo: moo zei: nyang: khasu" zei: yhe: lo" nyid boem ziri we' nanu" da" jheddab e" myed yo' khayhi' gyeing" - moozoo" ri zei: so' nyid boem bye: ziri we' Aseing Yesu Khirstu moo nanu" da"

1THESALONI 5:21

Dangain" ziri leug kyeung yu" lho: wigi ge da" khyoo: ri lhoem: yu wigi lhei, teung too" ge'.

2 TIMOTHI 2:19

Nghoid loug we' Mangsoo zhoug too" byid: bye: geung" teung da" apoem: ayang; koem' gi dei loeb, yu: yen" nhang: zi anghoid. Hau" apoem: ayang: da" atho' moo hau: Aseing: gi nya: da" byu yi nghoid bang: ri se' yu" nyid.ga: wigi we' Aseing: yo' sen: su: nghoid,, ga: wigi tid bang; dangain" mo, gi shoid vhang: da" moo" dangain" ri she: pyam' khook goo" baja"- ga: wigi laxoem" dazid' lhid" tab to.

HEBRE 6:10

Khasu" wim gari Mangsoo gi atarha" koid nyid su: anghoid- nyang: gi nanu" zei: so' voin, vu, lid loo bye: da" moozoo" ri we' Aseing: ri jheddab khyoo: toin" shid' wa shid re" lid loo" bye: da" ayo, mo zi akhid" ju" sho' phung byu nyang: cang" pang" thoug go" da" khyoo: ri we' Mangsoo gi to" myhed' pyam byid: wa zi anghoid.

Pang Shug 2:5

Nang khayhi' byed gyoo" loo" bye: ziri se' we' re" da" yooboo mo nheigloem: thed' lo lho: xang: shed" ri cang loo bye: yhang: ti" bdem cang we'. houg: su" nheigloem: athed, loo lo: nghoid rigi re" jhang khyoo: ngoo re" wigi re" da" myibung: ri hau: joyoo mo ngoo yu pyam' byid: wa.

Pang Shug 2:6

Nghoid loug we' Nikola da" cangzoo: yi da" aved asam" ri ngoo ngheung" nyid yhang: ti"- nang we' bo ngheing" yoomo nang ri coung" byid: cang daloem: bo ashi.

Pang Shug 2:9

Nang thoung" shau" nyid da" sho" jhen: jamjau khyoo: ri ngoo se' nyid nang gi damyoug sho" jhen: nyid nghoid loug we' gyeing" nyang: ga: rigi nang yoo" su: di su: nghoid nyid. Nyang: nya: da" gung ri Yuda byumyu" nghoid ga: tid nyid mo, gi nang ri theung shang" gyi koid mo, nghoid nyid boem ziri ngoo se' nyid. Nyang: nu" gyeing" gyeing" ga: rigi Yuda byumyu" anghoid- satan: da" byumyu" yi danghoid nyid boem ago".

Pang Shug 3:1

Sardi phung da" mauglagyo: jhang khyoo:- hid: su" ein: lhid" we'. He: da" dang: gi Mangso Venyi nyhed yug yo' kyi: nyhed cab, yoo" su: jang" mo mungdang: nghoid. Nang koid nyid da" moozoo" ri ngoo se. Nang gi kangso' dei nyid ga: fu" nyid nghoid loug we' shid: jo, su: nghoid nyid.

Pang Shug 3:15

Nang moo" zei: nyid ziri ngoo se'- nang gi ngi" we' anghoid- jham" we' ajham"-su: nghoid nyid ziri ngoo se' nyid nang gi ngi" lang" nge" zi jham" lang" gi jham" ziri ngoo vho: nyid.

Pang Shug 3:8

Nang zei: nyid da" moozoo" ri ngoo se'- nang gi yoem: so' dajhi' zoo: boo nghoid loug we' ngoo tid poin" da" dang: ri cang lho: nga" tho' moo geing: zug loem jeung" nyid khyoo: ri ngoo se' Re" shid' mo hang" we' ayo" myhed" to" da" khoem" daduang: ri ngoo phang too" byid: bye.