Pang Shug 2:14 - Lacid Common Language Bible

¹⁴ Nghoid loug we' nanu" moo yooboo foin: jang: dajhi' bo- Khasu" wim gari Israela byumyu" ri soolhoo: ri teing: byid: da" zoo: noem ri zoo: wa ziyo' avoid avhu: ein: da" youg: shoo: goo" wa shid re" Bala, ri jhoug" byid: balam: da" jhoug" myeing" moo bo cang loo" bang: nanu" moo dayham" bo nyid ago".

Pang Shug 2:14 교차 참조

ESAIA 57:14

Aseing tid zigi «Nga" byumyu" yi nga" jhang doem lheing: loo ge'. Nyangnu" da" khyoo: moo kung" keig da" ja: khang" moo" ri yu pyam' ge'. Khyoo: phang wigi jen" jen" koid ge'.

YEREMIA 6:21

Hau: thang: ngoo gi he: byumyu" yiri khyid: vhu" thung" wigi leung baid nhang: wa. Myhi' phoo yi yo' zooshang: yi shid: wa. Bid noem yi yo' yhoem: kyoo" cang" yi shid: wa.

EZEKIEL 3:20

«Gyeing" nyang:- gi su: dayug akhyeing" moo" ri koid shoid wigi ngoo gi nyang: ri gyoug ci' ca" joyoo moo nyhid: too" wa. Nang nyang: ri atid poin" nghoid rigi nyang: shid: loo" wa. Ngoo gi nyang: koid da" ge moo" ri amyid boin: byid: wa. Nyang: shid: da" moo" ngoo nang ri yoovoin yu nhang: wa.

EZEKIEL 44:12

Nghoid loug we' nyangnu" gi Israela byumyu" yi shid re" yu phara" soolhoo: ri no' da" moo" koid lho: hougsu" khyo" wigi shava byu yiri yooboo thoem" khyoo: shu" vang lo" ago". Ngoo yoem: moo" bo Aseing gi nyangnu" ri yooboo dam byid: wa ein: geing: teing tung" dangsoo" too" bye:.

GYUNG: SOO" 24:14

Balam gi Balag ri «Akhid" ngoo gi nga" byumyu" yi jhang khyoo: doem phang: loo" wa. Nghoid loug we' ngoo aloo" shi" ri hid: thang: ri re" byumyu" yiri Israela bang: wigi khasu" coem' koid pyam wa ga: ziri tid poin" shi" wa» ga: tid.

GYUNG: SOO" 31:16

Hau: myiyi: yigi Balam da" jhau" shid khyoo: ri cang lho: Peora mo byumyu" yiri Aseing moo: aloem jeing" sho' vhu" she: lo ziri myid boin: ge'. Hau: zigi Aseing byumyu" yi atho' moo: noo phyoo" yu lo zi nghoid.

GYUNG: SOO" 31:8

Houg bang: moo: Midian khokham wim: yug nghoid da" Evi- Rekem- Zura- Hura yo' Reba bang: bo da:. Nyangnu" gi Beora da" nya: yuggi zoo: Balam ri we' bo said pyam boem ago".

MATHE 18:7

Mougmyid moo loem" jeung" khyoo: ri lhu: phyo da" thei' leung jang: joyoo mo mougmyid gi joem: lo" nyid bye. Nheugloem: thei leung jang: gi gyeing" nyang: jo,- nghoid sho loug thei leung jang: koid thu' su: gi gyeing" nyang: joem: loo" wa zi nghoid.

ACTS 15:29

Nanu" hau: khyoo: ri jang" pyam' boem nghoid rigi gi, bye: - yang" zain" nyid goo" baja" o" ga: zheung: lhid" kaid' ago".

ACTS 21:25

Nghoid loug we' loem" jeung" lo da" tungbug yi shid re koem gi phara" soolhoo: ri xoin" to' byid: da" zoo: noem yo' suid" yo' leung zeung: mo cu" said da" gougnyhoug shoo" azoo: wa ziyo' gain: tho' zung" da" khyoo: ri jang" pyam' boem wa shid re" ngoonu" myed phyed' lho: nyangnu" ri foin: da" mougsoug" dakhyab, moo bo lhid" foin: kaid boem bye.

Roma 11:9

Hau: tho' moo David khokham" gi - nyanu" da zoo: shug pui" joem gi nyanu" shid' re" teikhuang yhang: ti" we' thoung: to" lhid' yhang: ti" we' bue" nyid wigi nyanu" gi Joem: loo" wa yooboo dam kham zo: boem baja".

Roma 14:13

Houg: yoomo ngoonu" gi nyang: cang" nyang: yooboo foin: go" da" khyoo: akoid' looza re" mang: nhung" phoo thoem: tho: leung jang: khyoo: kyoo" age kaid' byid. Houg su" anghoid lang" gi yu" shoid' wa da" akyang" daja: we' azei: shug wa shid' re" myid phyed' too" ge'.

Roma 14:21

Re" mang: nhung" ri datu: lheing: wa nghoid rigi - shoo" nghoid loug - yhid: ri nghoid loug goo tu: ce: ja: zoo: noem ri nghoid loug we' - jang" pyam' wa ge nyid.

Roma 9:32

Ce: noem wim amyang lha". Nyanu" zei: da" moozoo" gi - Mangsoo: ri loem" jeung" jang" moo ayang: aqei" loo: - nyanu" da" tarha" cang pyeung da" jang" moo za: ayang: qei" yoomo nghoid. Houg: su" nghoid yoomo - nyanu" gi jhoem: mungdang: moo toin" shid' to" da" - lug loem: moo thoung" lieng abye: go.

1Korinthians 1:23

Ngoonu" koem gi pyeing: zeing tho' moo: shid: kham bye: Khristu da" khyoo: ri kho" kyo" nyid boem. Hidsu" kho" kyo" da" mungdang: gi Yuda yi shid re" nheigloem: thei, leung joyoo nghoid wigi- tungbau byumyu" yi shid re" ce" akhyoo" abo da" dang: za: nghoid nyid.

1Korinthians 7:2

Nghoid loug we' aved' avhu: koid da" moozoo" soung myo: loo yoomo- yuggi kha: yug we' yhoem: seing: myhi' yoo" ja"- myiyi: yug khang" moo" we' yhoem: seing: phoo, yoo" goo" baja"

HEBRE 13:4

Lo, xo' khyoo: rigi byu dangain" mo, phau" myang: coung" nghei byid: nyid boem yoomo yhoem: seing: phoo yhoem: seing: myhi' gi dayug yo' dayug- zed" lhed' nyid boem ca"- Mangsoo gi akyang" byo, yoin" lho: myi: lhoid' lang lhoid bang: ri Tarha" dang: phyed loo wa zi nghoid.

YOSHU 24:9

Hau: thang: Moba khokham Balag ga: da" Zipora da" nya: zoo: nanu" ri gyi zain: da:. Nyang: gi Beora nya: yuggi zoo: Balam jhang pyeing: dang: foin: kaid wigi nanu" ri nheing" khoin" kaid byid: wa shid re" nyang: ri koid nhang: da:.

1PETERU 2:8

Gootu: da" jhoem: mungdang: daloem: moo gi hau: lug loem: gi byu yi ri khyid: vhu" thoung" leung nhang: da" lug loem: yo' nyangnu" ri leung loo" nhang: da" lug zeing ga: lhid" to". Houg: bang: gi Yesu da" lu dang: gi, ri atam" gyo: boem yoomo thoung" thue: leung lo" boem bye- Hau: khyoo: koem gi Mangsoo nyheung to" da" khyoo: nghoid.

2PETRU 2:15

Nyangnu" gi dain: da" khyoo" ri too" pyam' lho: khyoo: vhang" lo" boem abye:. Nyangnu" gi Beora da" nya: zoo: Balam cang da" khyoo: moo cang lo" byug boem abye: go". Balam gi adeung amain" da" moo" zei: lho: yo" da" ngei ri myo, no, su: nghoid nyid

YUDA 1:11

Nyang: nu" shid' re" khayhi' gyoug pho" zi nghoid lha". nyangnu" gi Ka-in so" da: khyoo: moo cang lo" boem bye. ngei yoomo Balam shoid vhang: da" yooboo ri bo bain' shoid pyam abye: go- Ko" ra, yhang: ti" thoung" shau" yoomo byo, yoin" loo" nhang: bye.

Pang Shug 2:20

Nghoid loug we' nang gi nya: jhoug" myeing" khyo" nga" cangzoo: yi ri avoid avhu: koid nhang: lho: soolhoo: ri teing: byid: da" zoo: noem zo: shug da" yooboo shoid sho' khyoo: shu" vhang: nhang: su:- myiyi: myhi, Yezebela ri nyid nhang: nyid shi" yoomo, nang ri yooboo foin: jang: jo.

Pang Shug 2:4

Nghoid loug we' nang ngoori xang: shed" yhang: ti" ajheddab loo: yoomo nang ri yooboo foin: jang: ngoo myang.

Pang Shug 21:8

Nghoid loug we' gyoug da" nheigloem: boo mo, aloem" ajeung" mo, anyhoin: athoung" bang:- aved, avhu: youg: shoo: goo: bang:- goem, phain" maintain: khyoug" bang:- soolhoo: ri noku mo, yo' no" zo mhau' fain" da" dang: ri tid mo, dangain" gi houg: bang: da" joyoo gi myi: yo' fang nge" nyid da" myimi: thoem" moo nghoid. Hau" zigieig lheing: ein: da" shid: lo" khyoo: nghoid- ga: tid nyid.

Pang Shug 22:15

Nghoid loug we' voogung da" nghe: shoid moo nyid mo, gi loem" jeung" khyoo: moo khyoo: vhang: vhang: mo, goem, phain" maintain: khyoug" mo, yo' aved, avhu: koid mo, byu said mo, soolhoo: ri noku mo, yo' ung: khoug: mo we' zei: da" moozoo" khyo" we' no" zo mhau' fain" voo mo, nghoid nyid boem ago".