Pang Shug 18:8 - Lacid Common Language Bible

⁸ He: khyoo: yoomo danyid" da" bidnyid moo nyang: gi no zi phyo" ziyo' nheig koug nheig shu: ziyo' zooyoid phang" khoug shau" da" shid: gyoin, joem gi nya: tho' moo ju" gyo" loo wam: bye.Nyang: gi myi: yo' nghe, pyam zi shau" wa zi nghoid- Khasu" wim gari nyang: ri dang: phyed' su: Aseing: Mangsoo gi yoem: moo" phung" yoeb, boo su: nghoid, , ga: tid nyid.

Pang Shug 18:8 교차 참조

YOBA 9:19

Ngoo yoem: joem kaid ri gi wa la". Mangsoo ri yoem: joem wigi jhen" wa la". Ngoo gi nyang: ri tarha" yung" khyoo: khi: wa la". Nyang: ri hang" wigi yo" nhang: wa la".

COUNG" NGHEI 62:11

Aseing gi phung" yoeb yoem: so' bo nyid da" khyoo: ri nyha" Mangsoo tid nyid ziri ngoo myoo" sho' lheung: shau" gyo: loo bye:.

ESAIA 27:1

Hau: bidnyid moo Aseing gi nya: yoem: so' gyi: lho: shid: se' da" shamcoin" ri ci: wigi ne shoem' so" lheing: yen" da" main jung: Leviathan ri yooboo dam byid: loo wa. Panglai: moo nyid da" main jung: ri said pyam wa.

ESAIA 9:14

Aseing gi Israela da" vhujhung: yi yo' meing: byu yiri danyid" moo za: yooboo dam byid: goo" wa. Nyang: gi nyangnu" ri vhuloem yo' shoomyi: ri phyed khyo' pyam goo" wa.

YEREMIA 50:31

Babelon we"- nang gi nghoid boin: myid byeung" jo, da:. Houg: yoomo Yoem: moo" bo myhang: thang Aseing ngoo gi nang ri thougtheung bye:. Nang ri yooboo dam byid: da" ayo, ju" lo abye:.

YEREMIA 50:34

Nghoid loug we' nyangnu" ri khyoid yu wa su: gi yoem: bo da:. Nya: myeing gi myhang: thang Aseing nghoid da:. Nyang: nyang: gi nyangnu" moo" ri yoovoin yu lho: mougmyid khyoo: ngei pyo: yug yo khyoo: ci: ri" byid: wa. Nghoid loug we' Babelon byu yiri gi yau: khi" shoug" lo boem goo" wa» ga: tid da:.

YEREMIA 51:58

Reung: thang da" Babelon vang joem gi myidjang khyoo: du" khyo' pyam zi shau" boem wa. Hau: pyuzung khoem" moo" joem we' nghe' khyo' pyam wa. Babelon byumyu" yi da" moo" zoo" gi akoem: nghoid da:. Nyangnu" yoem: kaid to" zigi myiyham: moo bo do, lo" byug da:. Ngoo myhang: thang Aseing tid bye:.

YEREMIA 51:6

Babelon mo tang" phang: ge'. Nanu" kangso' loid sho' tang we'. Babelon da" yooboo yoomo said pyam ashau" nhang: goo". Nya: moin: yi" ziyo' dayhang: ti" nyang: ri yooboo dam byid: lho: akhid" ngoo latoo: phug byid: bye:.

YOELA 2:11

Aseing gi nya: gyidab moo" ri moug: goin da" thui: yhang: ti"- amyeing" byid: da:. Nyang: ri tam" gyo: cang yhe: da" gyiphung: yigi gye" myo: lho: yoem: so' gyi: ago". Aseing da" bidnyid gi khayhi' gyeing" gyoug dain pho" zi nghoid lha". Hougmoo: ashid: loo: hang" se' yo" nyid deing wa lha".

1Korinthians 10:22

Houg: su" anghoid lang" ngoonu" gi Aseing ri yu" noo" nhang: nyid zi anghoid wa goo" la" Ngoonu" gi hau: Aseing tho' mo yoem: je bo ein: myid nyid goo" la"

Pang Shug 11:17

Akhid" pyaid moo we' thang: phyang" pyaid moo we' " Dageung: teung jo, da" yoem: moo" bo da" Aseing: Mangsoo we"- Nang gi nanya: da" zoug: myeing" ri ci: lho: davhoeb, khang" nyid yoomo ngoonu" gi re" da" jeju" ri coung" nghei nyid boem o".

Pang Shug 17:16

Nang myang da" akhyeung" da" gougnyhoug yo' Khyoug: daxi: loem: gi shava myi: yi: myhi, ri ngheing" yoomo nya: byimi, dangain" lang: shang: pyam byid: lho: shoo" cen: doem: koid to" boem wa nya: da" shoo" ri zo: pyam' lho: deung gu: rigi myi: moo nghe, jhoem" pyam wa nghoid.

Pang Shug 17:18

Nang shau" myang da" myi: yi: myhi, gi moug: myid khokham" yi da" atho' moo vhoeb, khang" nyid da" voomoo" zeing nghoid- ga: ngoori tid.

Pang Shug 18:17

Nyang: moo yo" da" ziyoo soid gain' gi dana: yi akhoug: moo joem: thang pyam' bye: nhung: lha". Gyid sang phoo koin" da" vhu" jhung: yi yo' gyung: soo" mo, dangain" we' vi" vi: moo yab, jo, lho:

Pang Shug 18:19

Nyang: nu" gi nyangnu" nya: vhuloem moo phei" lhoug: joem ri geug shoin" ci: lho: " Vha"- vha"- Panglai gu: da" sang phoo zeing mo sathi" yi ri yoo" nhang: di nhang: lo da" voomoo" zeing gi dana: yi: da" akhoug: moo za: joem: loo" thang loo" bye: nhung: lha"» ga: koug ngau nyid boem.

Pang Shug 19:3

Hau: lho: nyangnu" gi " Mangsoo ri coung" byid: ge'. hau: voomoo' zeing ri nghe, da" myiyham: mo myikhoug" gi pyaid moo too: moo daneung" thu' lo nyid,, ga: nyho: nyid boem.