Pang Shug 18:4 - Lacid Common Language Bible

⁴ Hau: thang: ri moug: khung: tho' mo thui: gootu: ri ngoo shau" gyo:- Hau: da" thui: gi " Thu' re" boem ge' nga" da" byumyu" yi we"- nya: jang" mo phang: thu' loo" ge' nyang: yo' dage" yooboo akoid nyid loo: goo"- nyang: yo' dage" yoobo dam ri akham' zo: nyid loo: goo".

Pang Shug 18:4 교차 참조

APOEM AYANG: 19:14

Houg: lang" Lod gi nya: zoo: tang: ri yu wa zoo mo, tang: jhang yhe: lho: «Myab too' ge' hid: mo thu loo" loo shang. He: joyoo ri Aseing gi phyo' shoin' pyam wa bye:» ga: yhe: tid. Nghoid loug we' nyangnu" gi Lod ri zoozi" re" ze" nyid ga: jho: boem.

COUNG" NGHEI 50:18

Nang gi shoug" go" da- khoug" foeb yugkhang" mo" da" byencang" bue" lho: myilhoid lang lhoid bang: yo' dage- nang zoem" nyid yen" da:.

ESAIA 48:20

Babelon mo phang: thu ge'. phang: loid loo" ge'. Ngei bu: tung" lu dang: ri nyho: tid we'. «Aseing gi nya: dei zoo: Israela ri khyoid yu abye:» ein: da" lu dang: ri khyi' khang" moo" khyoo: fu" kaid ge'.

ESAIA 52:11

Noku Yhoem: Moo" jonu" ri dang da" nanu" dangain" we" Babelon mo gyeing" nyang: thu loo" ge'. Toem' to" da" ziyoo joem ri age tain" wa. Nanu" nya: gung ri gyeung" shang: sho' koid wigi thu loo" ge'.

YEREMIA 50:8

«Israela byu yi we"- Babelon mungdain: mo tang" phang: ge'. Mungdain: mo phang: thug ge'. Xang: shi" to' loo" bang: bui" ge'.

YEREMIA 51:45

Israela byumyu" yi we"- hau: joyoo mo tang" phang: ge'. Thain: da" nga" nheig joem: yo: jang" mo nanu" kangso' loid sho' tang" phang: ge'.

YEREMIA 51:50

Aseing gi Babelon moo nyid da" nya: byu yiri dang: tid zigi «Shid jang" mo nanu" phang: loid abye: go". Akhid" loo" loo ge'. Alang" nyid goo". Nanu" gi yhoem: moug: yo' ve: jang" moo nyid boem loug we' nanu" da" Aseing ngoo ri myid boin: ge'. Yerusalem ri myid boin: ge'.

YEREMIA 51:6

Babelon mo tang" phang: ge'. Nanu" kangso' loid sho' tang we'. Babelon da" yooboo yoomo said pyam ashau" nhang: goo". Nya: moin: yi" ziyo' dayhang: ti" nyang: ri yooboo dam byid: lho: akhid" ngoo latoo: phug byid: bye:.

YEREMIA 51:9

Houg moo nyid boem da" tungbau byu yi tid zigi «Ngoonu" Babelon ri pang" thoug byid: wa soin' nghoid loug we' soung thang: gyo" byug bye:. Akhid" too" kho' wigi yhoem: byug bye:. Akhid" too" kho' wigi yhoem: khyoo: phang: lo" boem loo shang. Mangsoo gi nya: yoem: so' dangain" yo' Babelon ri yooboo dam byid: wigi hau: ziri bain sho' phyo' shoin' pyam abye:» ga: tid ago".

MATHE 23:30

Hau: tho' moo nanu" gi ngoonu" za: phoug" phyid" da" pyaid mo kangso' dei wa ein:- rigi Lapi: yi ri said pyam jang" moo boo wa anghoid ga: tid ago".

2~KORINTHU 6:17

Houg: su" nghoid yoo mo Aseing: gi Nanu" gi nyangnu" ri to" pyam' kho' wa ziyo' nyangnu" mo nanu: da" gungdu: ri goo" zu: xen' gam, gang: goo" loo: ge'. Anyhoin: athoug" zi ce" ja: ri we' azang" thung" go". Houg: lang:" she, ngoonanu" ri lhoem: kham: yu wa zi nghoid.

1 TIMOTHI 5:22

Aseing: da" moozoo" voin, vu, wa shid re" hang" ri nghoid loug we' lo, ke" lho: aya: tang: byid: wa ziri akhang:- subi" dakoid da" yooboo moo aye: bo vang lhu"- nang nyang: we' yooboo adab sho' gyeungshang: nyid we'.

2 Yohan 1:11

Khasu' wimgari houg; su" being" lhoem: si' su hang" nghoid loug nyang: koid da" age khyoo: moo bo vang loem' su: nghoid nyid.