Pang Shug 18:3 - Lacid Common Language Bible

³ Khasu" wim ga: ri Nya da" soem" lid' moo" ein: da" zabyid yhid: yo' byumyu" ja: khang: moo" ri yed, leung loo" nhang: bye. Moug: myid tho' mo khokham" yi we' Nyang: yo' dage" soem" lid' sho: moozoo" ri zei: yoomo mougmyid tho' mo phaga byu yi gi sathi" byue" lo boem bye.

Pang Shug 18:3 교차 참조

ESAIA 47:15

Re" pyaid goin" moo nang dang: myid: myid: lo- lo, kyo' yu" bang gi nang ri akyu" boo sho' koid loo wa zigi vhoo: mo ziyo' dakhyo" nghoid. Houg: zigi nyangnu" dangain" gi nang ri too" kho' lho: nyangnu" nya: khyoo: khyoo: lo" byug goo" wa. Nang ri khyoid yu wa dayug we' adeing goo" wa» ga: tid da:.

YEREMIA 51:34

Babelon khokham gi Yerusalem ri jab wigi Zo: pyam bye: Nyang: gi voomoo" ri jhuang: yhang: ti" akoem: koid pyam bye: Yu yhang: ti" hau: ziri myhau: pyam bye:. Nyang: vho: da" gu: ri yu yu wigi deing da" gu: ri she: pyam da:.

YEREMIA 51:7

Babelon gi nga" lo, moo bo da" sheing: khu yo' du. Hau: zigi moug: gyab goin" ri shug yid nhang: da:. Byumyu" yigi hau: zabyid yhid: ri shug wigi ko" lo" byug bye:.

NGOUG JI: 4:5

Shid phyang" ngham" thang da" zoo: noem ri zo: nyid mo, gi fu" moo" khyoo: joem moo: zooyoid shid: jo, boem ago". Ngi: boo tung" zo: shoug lho: khu: kaid mo, gi pho kyug boem moo: zoo: noem ri byeug sho: yen" ago".

NAHUM 3:4

Shava myhi' Nineve gi shen" yhen zi shoug" nyid bye:. Yu" yung" yu" ngei ziyo' shid: pho" fa" moo" zoo" wigi nyang: gi byumyu" yiri jhu' phyo' lo lho: nyangnu" ri jhu' phyo' lid loo bye:.

LUKA 7:25

Houg: su" anghoid lang" gi byi yung" lhoo" yung" void ci: su: ri yu" wa ein: go" la". Byi: gi mi gi void ci: mo, gi zoug: khokham" yhoem: moo danyid boem.

1 TIMOTHI 5:11

Nghoid loug we' pyaid ngi shi" da" cougmoo" myhi, yi rigi coug" mo" da" zheyen" moo akaid' shi" goo" baja"- khasu" wim ga: ri nyang: myid vho: da" nheigloem: wigi doin: jhen" loo yoomo lo, doem xo' lo" rigi Khristu jhang khyoo: doem, phoug loo se' nyid.

Pang Shug 14:8

Hau: thang: ri eig yug ein: da" moug: lagyoo: gi xang: shed" youg thang: moo cang ju" re" lho: " Babelon voomoo" zeing gi byo, leung loo" bye- nya: aved avhu: koid moo" ein: da" so' thain: da" zabyid yhid: ri byumyu" bain' sho' mo, ri shug nhang: abye:"- ga: tid nyid.

Pang Shug 17:2

Myid' jang: tho' mo Khokham" yi gi nyang: yo' aved, avhu: moo" zheung: zei: nyid yoomo mougmyid' moo nyid da" byu yi gi nya: aved, avhu: koid ein: da" zabyid yeid' ri shug yed, ci: abye: go", ga: tid.

Pang Shug 18:19

Nyang: nu" gi nyangnu" nya: vhuloem moo phei" lhoug: joem ri geug shoin" ci: lho: " Vha"- vha"- Panglai gu: da" sang phoo zeing mo sathi" yi ri yoo" nhang: di nhang: lo da" voomoo" zeing gi dana: yi: da" akhoug: moo za: joem: loo" thang loo" bye: nhung: lha"» ga: koug ngau nyid boem.

Pang Shug 18:23

Nang moo khanham we' myibung bang ziri shau" myang loo: wa zi anghoid.myhi, seig yo' phoo seig yi thui: ri we' khanham we' ashaug" gyoo: loo: wa Re" da" phaga byu yi gi mougmyid gyab, goin" jang" moo Pa: va: bo thang mo, bue" lo lho: nanu" da" mhau' fain" goem phain" maintain: yo' nanu" gi moug: myid byu yi dangain" ri khyoo: shu" vhang: pyam boem bye.

Pang Shug 18:7

Nyang: gi nya: gung ri koid yu da" myonhoo: phung" yoeb, yo' gung shoo" pyo: khyoo: rishau" kham, zo: nyid ziyo' dakhyoo" ti"- nyang: ri koug shu: myid' myoo: ung: loug ziyo' sho" jhen: zi shau" nhang: ge'. Khasu" wim gari nyang: gi " Ngoo gi Khokham" myhi, nghoid- cougmoo" myhi, anghoid- ngoo gi khanham we' nheig koug nheig shu: khyoo:- shau" wa zi a nghoid, ga: wigi nya: gung ri nyang: tid yu nyid da.

Pang Shug 18:9

Nyang: yo' aved, avhu" koid go" lho: nyam, da" moug: myid Khokham" yi gi nyang: ringhe, jhoem" nyid da" myikhoug" rimyang lang" hau" voomo" shid re" ngau, yu: yen" boem wa zi nghoid.