Pang Shug 15:8 - Lacid Common Language Bible

⁸ Noku yhoem: moo" gi Mangso myonhoo: phung" yoeb, yoomo myikhoug" byeung" nheung: jo. Houg: yoomo moug: lagyoo: nyhed yug zheung: ci: re" da" nooboug: joem athang thang gi hau: noku yhoem: moo" moo hang" we' ayo" vang loo.

Pang Shug 15:8 교차 참조

COUNG" NGHEI 29:9

«Aseing gi myonhoo: phung" yoeb bo jo, baja" o"» ga: nya: Noku Yhoem: Moo" khoug: moo byu yugkhang" moo" gi coung" nghei nyid da" uri Aseing da" thui: gi shookhi" gam joem ri nain" nyid nhang: lho: seiggam joem mo seig fu' joem ri yu, gyo" loo" nhang: pyam.

THU' LO" MOUGSOUG" 19:18

Aseing gi myiyham: deing: yo' Sina boem khyoo: gyoo" ri" yoomo boem dangain" jang" moo myikhoug" yo' nghoeb pyam bye:. Myikhoug" gi myikhyoem' moo" mo myikhoug" yhang: ti" do, lo" nyid wigi byumyu" yi dangain" gye" gyoug nain" nyid ago".

ESAIA 6:4

Nyangnu" thui: gi Noku Yhoem: Moo" da" apoem: ayang: ri loeb loeb lei" nhang: da:. Houg: lho Noku Yhoem: Moo" gi myikhoug" yo' byeung" jo, da:.

YEREMIA 15:1

Hau: thang: Aseing gi ngoo ri «Moshe yo' Samuela eig tang: nyang: he: joyoo moo: yab jo, wigi ngoo ri mho' nyid boem nghoid loug we'. Ngoo gi he: byumyu" ri nheig khyeug myid aci: shug byid: wa. Nyangnu" ri phang: loo" nhang: ge'. Nyangnu" ri nga" shidkhoin" mo khaid pyam we'.

NGOUG JI: 3:44

Ngoonu" da" akyu" mho' thui: ayo" lid: phyed loo" sho' nang nheig joem: yo: da" jhoemmoug" thei" gi no, thu: ziyo' nghoeb lhoung to" da:.

XOIN" NGEI" 16:2

Nyang: gi «Re" mang: Arun ri ge eung: da" ayo, moo za: hau: gyeung" shang: thang da" joyoo yab khyo' pain" ruang: nungthang khyoo: nyang: yhi: wa shid mo tid kyoo" we'. Ciwim gari: ngoo gi hau: joyoo moo Dang: Theing Kuid: amyhid" dang mo jhoemmoug" khoug: moo: nga" gung ri thu shug wa yoomo nghoid. Nyang: atam" gyo nghoid rigi said pyam shoug" wa zi nghoid.

Roma 11:33

Apyaid' ato: Mangso: da jeju" gi gye gye jo nhung: lha". Mangso: da" nyan phajhi" yo' se' yeig phajhi" gi gye no jo, nhung: nya: dang: phyed' dang: phyed' da" khyoo: ri hang" yo" phoid' kyoo" wa lha". Nya: moozoo" ri hang" se' gyoo: byid: wa lha".

2 THESALONI 1:9

Nyang: nu" ri gi Aseing: da" shid' khoin" mo gang: loo" nhang: lho: nya: yoem: moo" bo da" myonhoo: phung" yoeb, yo' byed, gang: lo" ein: da" pyaid moo too" moo lhu: phyo' lhu: shoin pyam' da" shid: gyoin, ri shau" boem wa zi nghoid.

Pang Shug 15:1

Hau: thang: ringoo gi moug: laid' moo gootu: atho' oung: se' tid da" gyi: thang da" mau" pho" khyoo: daja: ri myang Hau: zigi shid: gyoin, nyhed ja: ein: da" moug: lagyoo: nyhed yug nghoid. hau: da" shid: gyoin, joem gi Mangsoo nheig khoo" yo: da" khyoo" ri lo" thang mo toin" shid khyoo: nghoid.

Pang Shug 21:11

Hau: voogung mo doug bang zigi kyi: myhoo: lug yhang: ti" gyeung" lho, wigi gye" phau" da" dain: lug lung nyoug yhang: ti" du nyid.