Pang Shug 15:3 - Lacid Common Language Bible

³ Nyangnu" gi Mangso dei zoo: Moshe yo' Yang nu" da" shid khoin" moo zheung: yab, jo, boem wigi " Moug: thu' xang: poin: mo wigi danyid nyid da" Mangsoo we"- Nang koid da" moozoo" gi gyi: thang lho: mau" pho" zi nghoid nyid nhung: Byumyu" yi bain' sho mo, da" Khokham" phoo we"- Re" da" moozoo" joem gi jo ziyo' deingmain" zi za: danghoid nhung:.

Pang Shug 15:3 교차 참조

APOEM AYANG: 17:1

Abram goug: xe: goug: zain nghoid ri Aseing gi nya: jhang re" lho: «Ngoo gi myhang: thang da" Mangsoo nghoid. Nga" dang: tam" gyo: lho: ge da" moo" khanham we' dazei: nyid we'.

1 KHOKHAM MHOOMYID: 6:49

Arun yo' nya: amyed ashen yigi shoem: nam pyo: ja: xoin" yo' ngei" byid: xoin" joem ri phoin: tho' moo: nghe' ngei" byid: ago". Nyangnu" gi gyeung" shang: thang da" joyoo moo: dei byid: da" moo" dangain" yo' Israela byumyu" yi shid re" Mangso wigi yooboo khyoid byid: wa shid re" xoin" ngei" byid: da" moo" dangain" ri yoovoin yu bang: nghoid ago". Nyangnu" gi he: gu: dangain" ri Mangso dei zoo: Moshe wigi jhau" shed to" ziri cang wigi koid ago".

2 KHOKHAM MHOOMYID: 24:6

Houg: yoomo nyang: gi nyangnu" vhujhung: Yehoiada ri khe: yu lho: Aseing dei zoo Moshe wigi byumyu" yiri Aseing shidkhoin" zoem" ri pang" thoug wa ngei byid: goo" wa shid re" mho' to" da" Yuda yo' Yerusalem mo Levi byu yi koid: yu boem da" kheing" ri nang ciwim akoid: nhang: la" ga: mho' da:.

NEHEMIA 9:14

Nang gi nyangnu" ri re" Dougno: Bidnyid ri gyeung" shang: sho' too" wa shid re" jhau" shid bye:. Houg: lho: nang gi re" dei zoo: Moshe khyo" nyangnu" ri re" Tarha" joem byid: bye:.

YOBA 36:24

Nyang: koid da" moo" zoo" gang mo nyang: ri coung" zi shau" da:. Nang we' nyang: ri coung" ca" da:.

YOBA 5:9

Ngoonu" gi nyang: koid da" gyi: sheing: moo" zoo" ri atho' se' gyoo:. Houg: lho: nya: da" mau" pho" alhoo: again gi thang ga: zi ajo,.

COUNG" NGHEI 100:5

Aseing gi su: nghoid wigi nya: jheddab da" emyed gi pyaid moo: too moo dajo, jo, ziyo' Nya: da" nheigloem: zung" khyoo: we' byu ngoug xiyam: moo: dageung: jo, o".

COUNG" NGHEI 105:5

Nya: dei zoo: Abraham da" amyed ashen yiri nyang: khyen: yu bye: da" Yaku amyed ashen yi we' Mangsoo zei shug bye: da" alhoo: again joem yo' nyang: byid: too" bye: da" tarha" dang: kho khyoo" ri boin: so" nyid we'.

COUNG" NGHEI 111:2

Aseing zei: loo bye: da" moo" zoo" joem gi khayhi' mau" pho" zi nghoid nyid lha"- hau: moo" zoo" moo: vho: ngei nyid bang: dangain" mo, gi hau: khyoo: ri se' yu nau nyid ago".

COUNG" NGHEI 111:7

Nyang: zei: bye: da" moo" zoo" dangain" jang" moo nyang: gi nheigloem: zung" ziyo' deingmain" su: nghoid- nyang: tid to" da" dangsoo" khoin" joem dangain" gi loem ge" zi nghoid nyid.

COUNG" NGHEI 139:14

Nang gi gye" gyoug pho" ziyo' mau" pho" da" phain" so: too" shoug" yoomo nang ri jeju" boin: so" nyid. Re" da" lo, moo" joem gi gye" mau" pho" khyoo: nghoid- hau ziri nga" nheigloem: dangain" yo' se' nyid.

COUNG" NGHEI 145:17

Aseing gi nyang: zei: da" moo" dangain" jang" moo deing: byeung" nyid zi nghoid yoomo nya: moo" zoo" dangain" jang" moo: nheig yu" khyeug nyid su: nghoid.

COUNG" NGHEI 145:6

Re" da" gyi: myhang: moo" zoo" joem ri- byumyu" yi tid kyo" nyid boem wa nghoid. Re" da" gyi: sheung: khyoo: ri ngoo we' kho" kyo" nyid wa zi nghoid.

COUNG" NGHEI 18:30

He: Mangsoo koid da" moo" zoo" joem gi gye" joeb byeung" nyid. Nya: dangsoo" khoin" joem we loem ge" nyid. Nyang: gi nyang: ri loem khau: loo mo, dangain" shid re" goo yhang: ti" nghoid.

COUNG" NGHEI 78:12

Egutu meing: moo: jo, da- Zoan siyoo khoug: moo Nyangnu" da" nya: phoug" nya: phyid" bi" yu" nyid uri Mangsoo gi mau" pho" alhoo: again joem ri toin" shed bye:.

COUNG" NGHEI 92:5

Aseing we" re" da" moo" zoo" joem gi khayhi' gyeing" gyi: sheung: jo, nhung. Nang myid soin: khyoo: gi khayhi' no, jo, lha".

COUNG" NGHEI 99:4

Zoug: myeing" ci: da" khokham we"- nang gi deungbyeung" khyoo: ri vho: ngei nyid. Nang gi Israela byumyu" yi da" akhoug: moo nyeung veung" khyoo: ri koid too" byid: bye:. Nang gi deungbyeung" khyoo: yo' gam mi gam shoo" yi da" khyoo: ri ci: lo abye:.

ESAIA 33:22

Hau: lhid joem mo tei" joem gi amyed afoo" nghoid da:. Lhid mo pain" ruang: ri ayo" pei: to' kaid nghoid da:. Ngoonu" gi gyivoo gyidab joem da" jonu" dangain" ziri yo" seing: yu goo" wa. Sung myo: yoomo khyid: gyoug: bang: lang" gamboem shoug" yu boem goo" wa. Aseing nyang: nyang: nanu" khokham nghoid loo wa. Nyang: gi ngoonu" ri vhoeb wigi goem loem byid: loo wa.

ESAIA 45:21

Nanu" da" moo" ri tarha" yung" moo re" tid we'. Yooboo voin shau" bang: gi nyang: cang" nyang: sham: goo" baja". Bue" ri" wa ga: shid phyang" lapi: pe: su: hang" nghoid la". Nya: byu yiri khyoid yu su: gi ngoo Aseing Mangsoo anghoid rhe". Mangsoo gootu: anyid.

DANIELA 6:20

Nyang: houg: khyoo: ju" yhe: ri nyang: gi seing" kho" ziyo' hid: su" ga: khe: kaid da:. «Kangso' dei nyid da" Mangso da" dei zoo: Daniela we"- nang jhug zug tung" dei byid: da" Mangsoo gi nang ri khangkhyi joem mo yo" khyoid yu bye: rhe"» ga: nyho: tid da:.

DANIELA 9:11

Israela byu dangain" bang: gi re" da" tarha" joem ri phyo' pyam wigi nyangnu" gi nang tid ziri ngeug pyam ago". Ngoonu" gi nang ri yooboo shoid bye:. Houg: lho: nang gi re" dei zoo: Moshe da" tarha" moo: lhid" to" da" nheing" khoin" ri ngoonu" dang moo khyo' kaid byid: abye:.

HOSEA 14:9

Phajhi" juyhi: bo mo, gi hid: moo lhid" to" ziri se' gyo: yu lho: nyangnu" nheigloem: khoug: moo xoem" yu goo" baja". Aseing da" khyoo: joem gi jo da:. Houg: lho: deingmain" bang: gi hau: joem ri cang lho: dei nyid ago". Nghoid loug we' yooboo yoo" bang: koem' gi hau: joem ri cishu: anhang: yoomo khyid: vhu" thung" wigi leung lo" ago".

MIKHA 7:20

Nang gi goonham' gooco' ayo, mo wigi ngoonu" da" phoug" phyid" bi" ri dangsoo" too" bye: ziyo' dakhyoo" ti" Abraham yo' Yaku da" amyed ashen yi nghoid da" re" byumyu" yiri re" da" nheigloem: zung" khyoo: yo' geung: teing da" jhed khyeing: kang: khyeing: ri toin" shed wa zi nghoid.

ZEPHANI 3:5

Hougsu" nghoid loug we' Aseing gi hau: voomoo" khoug: moo akhid" danyid shi". Nyang: gi deingmain" da" khyoo: ri koid lho: shoid vhang: khyoo: ri khanham we' akoid su: nghoid. Nyang: gi nab soin: khang" moo" nya: byu yi jhang khyoo: tarha" nyeung veung" khyoo: ri ci: ri" byid: nyid. Nghoid loug we' adeing amain" da" byu yigi sho' asi' loo: za: shoid vhang: khyoo: ri daxo' koid nyid ashi" ga:.

ZEKHARIA 9:9

Ziun mung" byu yi we" gye" gau yi ngei bu: nyid ge'. Yerusalem bang: we" yoid nyho: loo ngei bu we'. Yu" we'- re" da" khokham phoo gi re" jang" moo ju" re" da:. Nyang: gi ung: pui" oung: myug ziyo' ju" re". Nghoid loug we' nyang: gi nu" nham' lho: loo zei: tho' moo zhung: wigi re" bye:. Nghoid- Loo zei: nu" dadu: atho' moo zhung: lho: wigi re" da:.

YOHAN 1:17

Mangsoo gi tarha" ri Moshe khyoo" wigi byid: kaid. Nghoidloug we' Jeju" yo" deingmain" zigi Yesu Hkristu khyo" wi ju" loo bye.

TARHA" TID POIN" 31:30

Hau: thang: Moshe gi Israela byumyu" yi dangain" tam" gyo: nyid uri jikhoin" bain sho' ri zhang: kyo" da:.

TARHA" TID POIN" 32:3

Ngoo gi Aseing da" myeing khyang" ri coung" wa. Nya: byumyu" yigi nya: da" gyi: sheung: khyoo: ri tid loo goo" wa.

TARHA" TID POIN" 34:5

Houg: yoomo Aseing dei zoo: Moshe gi Aseing wigi shid: wa ga: amyeing" byid: to" ziyo' dakhyo" hau: Moba moug: moo shid: loo" bye:.

1 TIMOTHI 1:17

Akhe" apyaid' atoo: mo Khokham" nghoid wigi abyo, ayoin" lo: khyoo: ri myojid" yo' ayo" myang- dayug kyeung" da" Mangso jang" moo myonhoo: phung yoeb, bug thu sheing" jhu" khyoo: gi apyaid' atoo: moo dajo, jo, baja"- Amen.

HEBRE 3:5

Moshe koem gi ju" lhoo wa ayo' Mangsoo tid kyoo" wa da" khyoo: joem ri sagsi: kham byid: wa shid re" Mangso da" yhoem: goin" jang" mo dei zoo: yhangti" jhug zug su: nghoid nyid.

YOSHU 22:5

Moshe wigi nanu" ri byid: to" da" tarha" ri tam" gyo: cang yhe: nyid wa zi boin: nyid ge'. Nanu" Aseing Mangsoo ri jheddab- nyang: myid vho: ziri cang- nya: Dang: theing khoin" ri tam" gyo:- nyang: ri jhug zug nyid lho: nanu" da" emyed nheigloem: dangain" yo' nyang: ri dei byid: nyid ge'» ga: tid da:.

Pang Shug 1:8

Goo nham pyaid he: da" pyaid thang: phyang" apyaid moo ju" sho' danyid nyid da" athang agoin yoem: moo" bo Aseing: Mangsoo gi da tid nyid. Ngoo gi xang: shed" su: we' lo" thang mo su: we' nghoid- ga: tid nyid.

Pang Shug 11:17

Akhid" pyaid moo we' thang: phyang" pyaid moo we' " Dageung: teung jo, da" yoem: moo" bo da" Aseing: Mangsoo we"- Nang gi nanya: da" zoug: myeing" ri ci: lho: davhoeb, khang" nyid yoomo ngoonu" gi re" da" jeju" ri coung" nghei nyid boem o".

Pang Shug 14:3

Hau: da" byu 144000 bang: gi zhung: tang shid khoin" mo gougnyhoug myid: du: yo' ludaid' yi da" shid' khoin" moo yab, jo, lho: nyangnu" za: dayo" jhau" yu da" jikhoin" seig ri khoin" nyid boem houg: bang: gi xangsu: byu yi dangain" mo, khyoid khyi: yu zi shau" mo, nghoid.

Pang Shug 14:8

Hau: thang: ri eig yug ein: da" moug: lagyoo: gi xang: shed" youg thang: moo cang ju" re" lho: " Babelon voomoo" zeing gi byo, leung loo" bye- nya: aved avhu: koid moo" ein: da" so' thain: da" zabyid yhid: ri byumyu" bain' sho' mo, ri shug nhang: abye:"- ga: tid nyid.

Pang Shug 17:14

Houg: bang: gi hau: yang nu" yo' meing: zain: goo" wa zi nghoid loug we' hau: yang nu" ginyang: khe: yu too" mo, khyen: yu too" mo, yo' nheigloem: zung" lho: nya: thang: cang mo yo' dage" houg: bang: ri oung: pyam wa zi nghoid. Khasu" wim gari nyang: gi Aseing: yi tho' mo Aseing: - Khokham" yi tho' mo khokham" nyang: nghoid nyid.

Pang Shug 19:16

Nya: da" byisheing: yo' nya: tang" boug" moo " Lhed" tab to" da" myeing gi " Khokham" yi da" Khokham" - Aseing: yi da" Aseing:,, ga: lhid" to".

Pang Shug 19:2

Nyang: dang: phyed khyoo: gi deingmain" ziyo' nyeung veung" nyid. Mougmyid gyab, goin" ri nya: aved, avhu: khyoo: yo' shoid vhang: nhang: da" shava myhi, ri nya: yoobo dam, kaid' bye- nya: da" dei zoo: yi ri hau" myi: ye: wigi said' pyam' yoomo Mangsoo gi nyang: ri yoobo dam, kaid' abye:,, ga: tid nyid ziri ngoo shau" gyo.

Pang Shug 4:8

Hau: da" gougnyhoug myid: ja: goin" moo dung khyug khyab, khyab, dab, boem wigi gung tho' gung khoug: dangain" jang" moo myojid" za: byeung" sho' sho' dab, ago". Nyangnu" gi nyid" ri myen" ri anoo: ayab, loo: za: " shid' phyang" apyaid' he: da" apyaid' thang: phyang" apyaid' moo ju" sho' danyid nyid da" yoem: moo" bo Aseing: Mangsoo gi gyeungshang: gyeungshang: gyeungshang: nyid o"» ga: wigi coung" nghei nyid boem ago".