Pang Shug 14:2 - Lacid Common Language Bible

² Hau: lho: gyid lung" gyoo" thui: yhang: ti" ti"- moug: goem: thui: yhang: ti" ti" ga: da" thui: zeing gi moug: khung: mo myeung thu' lo ziri ngoo shug" gyo. Hau" da" thui: gi myheung yhang: da" sarhi' yi nyangnu" da" teing joem ri baid' myheung da" thui: yo' du nyid.

Pang Shug 14:2 교차 참조

2 SAMUELA 6:5

David yo' Israela byumyu" yi dangain" gi Aseing ri coung" nghei khyo" wigi nyangnu" da" yoem: so' dangain" ziyo' go" lho: jikhoin" yo' coung" nghei nyid boem ago". Nyangnu" gi teing shi:- teing- zeing- khoolhang yo' jhabceing joem baid nyid boem ago".

2 KHOKHAM MHOOMYID: 20:28

Nyangnu" voomoo" khyoo: ju" lo" boem lang" nyangnu" gi Noku Yhoem: Moo" khyoo: teing thui: laboo" thui: yo' yhe: lo" ago".

COUNG" NGHEI 147:7

Aseing ri jikhoin" dang: seig yo' coung" nghei nyid ge'- nyha" da" Mangsoo ri teing baid myheung da" thui: yo' coung" nghei jikhoin" khoin" nyid we'.

COUNG" NGHEI 149:3

Nya: myeing khyang" ri goo" nhoin' lho: coung" byid: ge'. Zeing baid mang" thoung wigi teing joem ri baid lho: wigi nyang: ri coung" byid: nyid we'.

COUNG" NGHEI 33:2

Teing baid lho: Aseing ri jeju" boin: ge'. tei" dab, lho: acang: joeb baid myheung ja: yo' nyang: ri jikhoin" khoin" we'.

COUNG" NGHEI 43:4

Houg: lang" gi Mangsoo we"- re" da" phoin: khyoo: ngoo yo" yhe: loo" wa zi nghoid. Nang gi nga" ngei pyo: khyo: da" jhung: shoem: nghoid nyid. Mangsoo we"- nga" Mangsoo we"- nga" teung ri baid lho: ngoo nang ri coung" nghei jikhoin" khoin" nyid wa zi nghoid.

COUNG" NGHEI 57:8

Nga" da" soozoo: we" too' we'- nga" da" teing yo' khalhang we" too' re. Bid ri we' ngoo nhoug" wa zi nghoid.

COUNG" NGHEI 93:4

Aseing gi Nammugdara da" thui: su" myeung tei" to" ziyo' Panglai: being: mhoid joem tho' moo: lang" je yoem: moo" so, moo" bo ziyo' Mougkhung: mougdi moo je" myhang: thang khokham khyo" vhoebkhang" nyid.

COUNG" NGHEI 98:5

Jihkoin" yo' Aseing ri coung" byid: ge teing joem ri gyo: pyo: tung" baid myheung kaid we'.

THU' LO" MOUGSOUG" 19:16

Soem" nyid" ein: da" nab soin: ri mouggoem: goem:- moug lab' myeig- boem gung moo jhoemmoug" pung zeing thu re" wigi laboo" thui: zeing mhoid zi shoug" gyoo: bye:. Byumyu" yi dangain" gi zoem" khoug: moo dain wigi nain" nyid ago".

THU' LO" MOUGSOUG" 20:18

Byumyu" yigi mouggoem: goem: ziyo' laboo" moid zi shau" gyo: wigi mouglhab' myeig ziyo' boem mo myikhoug" ri myang lang" nyangnu" gyoug wigi gye" ve: jang" moo yab jen yoin" to" ago".

ESAIA 17:13

Byumyu" yigi being: lhung" joem yo' dakhyo" jhen" yhe: lo" ago". Nghoid loug we' nyangnu" ri Mangso wigi nheig yo: kaid lho: boem khyid: mo pheilhoug: joem ri hau' tang" kaid ziyo' dakhyoo" ti" lid shoem' mo khoofoo: yo' dayhang: ti" nyangnu" doem tau" lo" ago".

EZEKIEL 43:2

Houg: lho: hau: joyoo moo Israela da" Mangsoo shidkhoin" mo yi: yi: bang da" bidbang gi bidthu shoid khyo" ju" re" ziri ngoo shau" myang. Mangso da" thui: gi panglai: being lhung" myeing yhang: ti" myeing da:. Houg: lho: mougmyid ri yi: yi: bang da" bidbang ri ci: shug byid: da:.

ZEKHARIA 9:14

Hau: uri Aseing gi nya: byumyu" tho' moo thu shug wa zi nghoid. Nya: myoo: kaid joem gi lhab' myheug yhang: ti" thu loo" khari" wa Aseing Mangsoo gi laboo" moid kaid wigi mougpyi: uglid zoo" yo' dage" gyi jen" jen" do, to' loo wa zi nghoid.

1Korinthians 13:1

Ngoo gi byu da" dang: yo' mau lagyoo: yi da" dang- aja" ja: se' tid nghoid loug we'- jheddab nheigloem: abo rigi- baid' myheung da" mang" thui: yo' myeing tei" to" da" shab, sheing: yo' dadu nyid.

Pang Shug 1:10

Aseung: da" bidnyid ri - Venyi: moo ngoo bo lo" byug wigi ngoo gi laboo" zeing moid myheung te" da" thui: ri nga" nung thang moo tid nyid zi shau" gyo.

Pang Shug 1:15

Nya: da" khyid: gi myi thung: moo nhe, kyeung to" da" gyid: gyeing" yhang: ti" ne, jo. Nya: da" thui: gi gye" gyi: da' gyid lung" gyoo" thui: yhang: ti" myeung nyid.

Pang Shug 11:12

Hau: thang: ri lapi: eig yug gi " He: joyoo khyoo: do, loo ge",, ga: moug: khung: khyo" nya: eig yug ri gyi" sho' yoid da" thui: ri shau" gyo: ago". Nya: eig youg da" gyivoo yi gi dazoung" nyid shi" uri nya: eig yug gi jhoem: moug" thei" mo wigi - moug: khung: khyoo: do, loo" khari" bye: ago".

Pang Shug 11:15

Hau: thang: ri nyhed, yug ein: da" moug: lagyoo: gi nya: laboo" ri doem moid kaid' lang" moug: khung: mo thui: zeing myeung thu lo zigi mougmyid' ri vhoeb, khang" da" amyeing" gi ngoonu" da"Aseing: we' Meshia da" lo, khoug: khyoo: vang loo" bye: wigi apyaid' atoo: moo vhoeb khang" nyid wam: bye: o"- ga: tid.

Pang Shug 15:2

Hau: thang: moo ngoo gi myi: yo' lheug to" da bang teing gyid thoem" daja: ri myang- xo' lho: wigi akhyeung" da" gougnyhoug zeing yo' nya: soolhoo: ri we' nya: da" nghab youg dazid' ri tab ci: mo, ri we' yo" oung: pyam' bye: su: ri we' ngoo myang. Nyangnu" gi Mangsoo byid: da" teing joem ri ci: lho: bang teing gyid thoem" nam, moo zheung: yab, yoin" to" wigi

Pang Shug 18:22

Nya: jang" mo teing thui: yo' byu thui:- khoo" lhang thui: yo' laboo" thui: ri khanham we' doem, shaug" gyoo: loo wa zi anghoid. Nang moo ce" lo, moo" zei: mo, khanham we' adoem myang loo wa lug lheing: gyeig thui: ri khanham we' doem, shaug" gyoo: loo: wa zi anghoid.

Pang Shug 5:8

Houg: su" yu da" uri gougnyhoug myid: du: yo' ludaid eig xe: myid: youg bang: gi nyang: nya: da" teing joem ri we' Mangso byu yi akyu" myo, ein: da" nam, pyo: shoem: yo' byeung" jo, da" - sheing: goem joem ri ngab, sho' zheung: ci: lho: nyangnu" da" shid khoin" moo goeb khyo' ago".

Pang Shug 6:1

Hau: thang: ri nyangnu" gi dazid' nyhed loem: mo daloem: ri phang kaid boem rigi ngoo myang da" gougnyhoug myid: ja: mo daja: gi moug: goem: thui: ti" ga: da" thui: khyo" loo we',, ga: ziri ngoo shau" gyo.

Pang Shug 8:7

Mau lagyoo: xang: shed" yug laboo" moid kaid lang gi suid" lheug da" myi: yo' leig voo ri myidjang: tho' khyoo: foid khyo kaid wigi Moug: myid soem" boem, mo daboem- seig gam, joem we' soem" boem mo daboem- yo' nyau, young" jo, da" mhain" zoo: lung: lid' we' dangain" nge" pyam' bye.