Pang Shug 14:1 - Lacid Common Language Bible

¹ Hau: thang: moo ngoo doem yu" kaid' ri-Zion boem tho' moo yang nu" yab, jo, zirimyang Nya: myeing yo' nya: pho, da" myeing ri ngeilang: moo lhid" tab ci: da" byu yi 144000 yug bang: gi nyang: yo' dage" nyid boem.

Pang Shug 14:1 교차 참조

COUNG" NGHEI 2:6

Nyang: gi «nga" gyeung" shang: Ziun boem tho moo nga" khokham phoo ri myonhoo: ngilang: ngoo ab byid: bye:› ga: tid» ga: tid nyid.

ESAIA 49:14

Nghoid loug we' Yerusalem byu yi tid zigi «Aseing gi ngoonu" ri she: pyam pyam bye:. Nyang: gi ngoonu" ri to" myhed pyam abye:» ga:.

YEREMIA 1:11

Aseing gi ngoo ri «Yeremia we"- nang ciri: shau" myang la"» ga: myid: da:. Ngoo gi «Lashab kung: dakung: ri myang» ein: tu" bye:.

EZEKIEL 1:4

Ngoo nghang yu" kaid ri mougzhung: shoid khyo" uglid zoo" lo nyid ziri shau" myang. Jhoemmoug" pung zeing mo lhab' myeug thu re" wigi hau: aqei: ayam mo mougkhung: gi bang jo, da:. Lhab' myeig nyid da" joyoo moo gyid: mid" yhang: te" zi daja: bang jo, da:.

EZEKIEL 10:1

Dei noem joem da" vhuloem tho' moo mougkhung: khyoo: ngoo yu" kaid. Hau: joem jang" moo Nila lug yo' koid to" da" zhungtang te" zi daja: jo, da:.

EZEKIEL 10:9

Ngoo gi du go" da" rheing" cab myid: cab gi dei noem du: khang" mo" da" anam moo jo, ziri we' shau" myang. Rheing" cab joem gi phoug" dab da" lug joem yhang: ti" bang wigi rheing" cab cab khang" moo" gi dacab akhoug: moo gootu: dacab pyi: veing" tab to" da:.

EZEKIEL 2:9

Nga" shid moo lo, dalo, yhoin" thu re" zi ngoo shau" myang. Hau: lo, gi mougsoug" deing: zhoeb ci: da:.

EZEKIEL 44:4

Hau: thang: hau: yug gi ngoo ri Noku Yhoem: Moo" shidkhoin"- mougzhung: shoid khoem" moo" khyoo: shu" lo" da:. Ngoo yu" kaid ri Aseing da" Noku Yhoem: Moo" gi nya: shidkhoin" mo yi: yi: bang: da" bidbang gi byeung" jo, ziri ngoo shau" myang da:. Ngoo gi ngoonya: gung ri myidgung khyoo: goeb pid wigi

EZEKIEL 8:7

Nyang: gi ngoo ri tunggung shoid khyam: vang" khyoo: shu" thu yhe: wigi vang khyam: mo boid duang: jo, ziri toin" shug da:.

EZEKIEL 9:4

«Yerusalem voo goin" jang" khyoo: yhe: wigi dain ci' bang: yo' kyi" khyeug shoug" bang: yugkhang" mo" da" ngilang: laxoem" yhe: tab too" we'. Ciwim gari voomoo" khoug: moo aco' ajhoid moo" dangain" bue" nyid da»

DANIELA 12:5

Hau: thang: ngoo gi byu eig yug gyid lang da shoid mo dayug yug yab jo, ziri shau" myang.

YOELA 2:32

Nghoid loug we' Aseing jang" mo pang" thoug khyoo: mho' yu mo, dangain" bang: koem' gi khyoid yu zi shau" boem wa nghoid» ga: tid to". Yerusalem voomoo" mo mo, dayham" gi loid byoin loo" goo" wa. Houg: bang: gi ngoo khyen: yu too" bang: nghoid wigi ashid: loo: nyid deung jo, boem wa» ga: Aseing tid nyid.

AMO 8:2

Aseing gi «Amo we" nang ce: noem myang lha"» ga: myid:. Ngoo gi «Shi" dagyoin ri myang» ein: phoug tid. Houg: lang" Aseing gi ngoo ri nga" byumyu" Israela yi da" lo" thang ayo, ju" loo bye:. Nyangnu" ri yooboo dam byid: wa ein: ngoo myidyung to" khyoo: ri doem lhid: loo: wa zi anghoid.

MIKHA 4:7

Nyangnu" gi khyid: yoin" wigi yhoem: moug: mo ve: gang: nyid boem nghoid loug we' nyid deing bang: mo ngo wigi aseig doem nyheing lho: nyangnu" gi gyi: sheung: da" byumyu" doem bue" loo goo" wa. Hau: ayo, mo thang: phyang" apyaid atoo: moo ju" sho' ngoo gi nyangnu" ri Ziun boem tho' moo vhoeb nyid loo wa» ga: tid.

ZEKHARIA 4:2

Hau: lho: nyang: gi «Nang cenoem myang» ga: myid: «Sheing: yo' koid da" myikug ki" jang: daloem: myang» ein: ngoo tid. «Hau: da" aphyoo" moo xu: kaid wa khu soo" dakhyab jo,- hau: aphyoo" moo myicoo: nyhed khaid khaid bo da" myibung: nyhed loem: zhung: to".

LUKA 12:8

Nanu" ri ngoo tid zigi Nga" cangzoo: gyeing" nghoid ga: sube" shid' moo yhen: yu su: rigi Byu da" nya: zoo: we' Mangso lagyoo: yi da" shid' khoin" moo nya: cangzoo: agyeing" nghoid ga: yhen: yu wa.

Roma 9:33

Jhoem: mungdang: moo- Tam" gyoo: ge' - byu yi thoung" thoe: leung loo" nhang: wa shid' re" lug daloem: ri Zion boem tho' moo ngoo zhug too" wa. Byu yi gi hau: lug loem: ri thoung" lho: leung: loo" goo" wa. Nghoidloug we' hau: lug loem: ein: da Khristu ri nheigloem: ung: khoug: bain" sho' loem" jeing" su: gi - Khanham we' nheigloem: byo loo" wa zi anghoid.- ga: wigi bo jo da.

Pang Shug 14:14

Ngoo doem yu" kaid ri jhoem: phyu: da thei" ri myang- hau" jhoem: phyu: thei" atho' moo byu yhang: te" zi dayug zhoung: jo. Nya: da" vhuloem moo gi sheing: bidmug zhoung" ci: lho: nya: lo, moo gi gye" tho' da" gyen: goem dacam" ri zhoeb, ci.

Pang Shug 14:3

Hau: da" byu 144000 bang: gi zhung: tang shid khoin" mo gougnyhoug myid: du: yo' ludaid' yi da" shid' khoin" moo yab, jo, lho: nyangnu" za: dayo" jhau" yu da" jikhoin" seig ri khoin" nyid boem houg: bang: gi xangsu: byu yi dangain" mo, khyoid khyi: yu zi shau" mo, nghoid.

Pang Shug 15:5

Hau: thang: ri moug: khung: moo dang: thang cab, zoem" nu" jo, da" noku yhoem: moo" khoem" bang jo, ziri ngoo myang.

Pang Shug 22:4

Ngoonu" gi nya: da" myonhoo: ri yu" wigi nyangnu" da" ngeilang: joem moo nya: myeing ri lhid" tab to" boem wa.

Pang Shug 3:12

Oung: doid loo" su: rigi nga" Mangso noku yhoem moo" khoug: mo khung: voin, zeing bung: daloem: bue" jo, nhang: wa nyang: gi houg: mo khanham we' thu' loo" loo: wa zi anghoid. Moug: khung: tho' nga" Mangso jang" mo ju" gyoo" lo da" Yerusalem voo gung seig ein: da" voo myeing ri we' nga" Mangso myeing ri we' ngoo nya: da" myeing seig ri we' nya: da" tho' moo lhid" tab too" byid: wa xo' lho: nya: da" tho' moo ngoo nya: myeing seig ri we' lhid" tab too" byid: wa.

Pang Shug 4:1

Hau: thang: ri gootu: da" yoeb, myang daloem: gi moug: khung: khoem" duang" bang" jo, ziri ngoo myang kaid. Hau: lho: laboo" daloem: moid myheung da" thui: te" ziyo' ngoori tid nyid da" dang: ri shau" gyo: zigi He: joyoo khyoo: do, loo we' thang: phyang" bue" loo wa da" moozoo" ri ngoo toin" shid ba, ga: tid nyid.

Pang Shug 6:8

Ngoo lheung: yu" kaid da" uri shoem" shid: yed, da" myang: dadu ri ngoo myang- hau: tho' moo zhoung: jo, da" sarhi' pho myeing. gi shid: zoug: ga: zi nghoid- nya: da" thang: moo gi moovo, moug: cang lo nyid. nyang: gi mougmyid myid: boem mo daboem moo nyid da" byu yi ri meing: byo, gyi koid go" khyo" zooyoid phang" khoug zeing khyo" nooboug: phyoo" boug: zeing yo' myeung khuid" zeig ni zeing khyo" wigi shid: joem: no thang loo" nhang: wa da" yoem: so' yo" ci.