Pang Shug 13:7 - Lacid Common Language Bible

⁷ Nyang: gi Mangso byu phung: yi ri meing: zain ung: wa da" akhang" yo' mungdain: loem: khang" moo" moo nyid da" - byumyu" cang: joeb- myeing" cang: joeb, kaid da" byumyu" dangain" bang: da" atho' moo vhoeb, khang" wa da" akhang" ri nyang: yo" yu ci: bye.

Pang Shug 13:7 교차 참조

THU' LO" MOUGSOUG" 9:16

Nghoid loug we' nga" phung" yoeb gi mougmyid gyab goin" jang" moo fu" nhang loo baja". Nga" yoem: so' nang ri ci: shug byid: wa ngoo gi nang ri dei nyid nhang: too" bye:.

ESAIA 10:15

Nghoid loug we' Aseing gi «Voozung: gi nyang: ri ci: da" yug tho' yoem: je bo ein: yo" tid la". Seig sheig gi nyang: ri ci: wigi sheig su: tho' ci je yhouggyen: rhe". Voosi" gi byu ri atu:- byu gi voosi" ri tu: yug nghoid da:.

ESAIA 37:26

He: gu: dangain" ri ngoo goonham' mo soin too" bye: ziri nang khanham we' ashau" gyo: yu" rhe". Hau: zi akhid" ngoo yo" koid bye:. Ngoo gi geung: teung voomoo" joem ri zhoothung" jab, boem bue" loo nhang: wa yoem: so' nang ri byid: bye:.

YEREMIA 25:9

‹Ngoo gi mougzhung: shoid mo byumyu" dangain" ri yo' nga" dei zoo: Babelon mo khokham Nebukhadneza ri khi: nhang: kaid wa. Ngoo gi nyangnu" ri Yuda yo' houg moo nyid bang: mougkyoo" cang" yi dangain" mo byumyu" dangain" ri gyi koid wa shid re" shu" loo wa. Ngoo gi he: byumyu" mungdain: ri yo' hau: mougkyoo" cang" yiri phyo' shoin' pyam wigi apyaid atoo: moo yu" gyoug yu" lhung: sho' byo, jo, nhang: wa. Ngoo Aseing tid too" bye:.

DANIELA 12:1

Zin: yung" pain" byimi void ci: da" moug: lagyoo: tid zigi «Hau: ayo, moo re" byumyu" yiri lhoug zung" da" moug: lagyoo: moo" Mikhaela gi nyid thu loo wa. Hau: thang: hau: zigi yau: khi" ayo, nghoid wigi byumyu" yi xang: shi" nyid re" da" ayo, mo zi akhid" ju" sho' moo yau: thang nghoid wa. Hau: ayo, ju" lo ri Mangso da" mougsoug" pug moo myeing lhid" to" da" re" byumyu" yi dangain" gi khyoid yu zi shau" boem goo" wa.

DANIELA 7:21

Ngoo yu" nyid uri hau: khyoug: gi Mangso da" byumyu" yiri meing: zain: wigi nyangnu" ri oung: pyam da:.

DANIELA 7:25

Nyang: gi gyi: sheung: myhang: thang da" Mangsoo ri thougtheung dang: tid lo wigi Mangso da" byumyu" yi adang moo doin: zeig zo: lo wa. Nyang: gi nyangnu" da" laloem lakhoug: tarha" joem yo' pui" joem ri thid wa shid re" soin' wigi Mangso da" byumyu" yigi nya: yoem: so' akhoug: moo soem" zain dakhyam" nyid loo wa.

LUKA 4:6

He: da" myonhoo:- amyeing" akhang"- ziyoo jo, moo jo, dangain" ri ngoo nang ri byid: pyam wa. He: ziyoo dangain" nga" lo, moo ab to" zi nghoid yoomo ngoo hang" ri byid: nau ri yo" byid.

YOHAN 19:11

Aseing Yesu phougtu" zigi nang ri Mangsoo ab byid: yoomo za: hid: yhangti" yo" zi nghoid. Houg: yoomo ngoori we' re" da" lo, moo ab byid: su: gi yooboo je gyi wa nghoid- ga: tid.

Pang Shug 10:11

Hau: thang: moo ngooritid zigi " Nang gi mungdain: myoo" sho' byumyu" aja: ja:- Khokham" yi yo' sen: da" Mangso mungdang: ri dalheing: doem tid fu" we',, ga: tid.

Pang Shug 11:18

Tung: boug ginheig khoo" yo: nyid ago"- Khasu" wim gari nang nheig yo: da" ayo, ju" lo lho: shid: bye: bang: ri dang: phyed' wa da" ayo, ju" bye:. Re" da" dei zoo: lapi: yi yo' Re" da" byumyu" yi nang ri gyoug phau" nyid mo, nge zoo: gyi: zoo: dangain" ri ngi shab, jhung: shug byid: wa da" ayo, we' mougmyid' ri lhu: phyo' bang: ri phyo' shoin, pyam wa da" ayo, we' ju" loo bye: o"» ga: wigi tid nyid boem.

Pang Shug 11:7

Nghoid loug we' nya: eig yug bain kho" kyo" thang: rigi no, athang: da" duang: khuang" khoug: mo akhyeung" da" gougnyhoug zeing thu lo wigi nya: eig yug rioung: pyam lho: said' pyam' zi shug " wa nghoid.

Pang Shug 12:17

Houg: lang" main jung: ni, zeing ginheig khoo" yo:' wigi myi: yi myhi, yo' hau: youg da" amyed ashen, yi ga: da" Mangso amyeing" dang: yo' Yesu khyo" pang shug to" da"-deingmain" da" khyoo: moo loem" jeung" tam" gyo: lho: cang loo" mo, ri gyi khaid wa shid re" thu' loo" khari" bye.

Pang Shug 17:15

Hau: thang: ri mau: lagyoo: ngoori doem tid zigi shava myi: yi: myhi, zhoung: jo, da" gyid lang gi mungdain joem mo myeing" cang: joeb, da" byumyu" yi yo' meing: byu yi nghoid boem ago".

Pang Shug 5:9

Nyangnu" khoin" thu' lo da" jikhoin" seig gi nang gi gung leig xoin" bui" wa shid re" said pyam' zi shau" wigi myeing" cang: joeb, azhang cang: joeb mo, yo' byumyu" yi bain sho' mo, ri Mangso byumyu" yi bue" loo wa shid re" qei yu too" bye: yoomo nang gi he: da" mougsoug" deing: yu lho: dazid' joem ri phang wa zi gimoin: yi" nyid bye.