Pang Shug 13:12 - Lacid Common Language Bible

¹² Nyang: gi xang: shed" mo gougnyhoug da" amyeing" akhang" dangain" ri hau" gougnyhoug shid' khoin" moo ci: yhoung: nyid. Nyang: gi dam, noo ge, loo" bye: da" akhyeung" gougnyhoug ri agyoo: ayoid, nyhen" no' nhang: nyid.

Pang Shug 13:12 교차 참조

2 THESALONI 2:4

Nyang: gi; byu yi noku loem khau: nyid phara ein: ja: nyid moo nyid ri thoutheung shai" go" lho: nya: gung du: ri nyang: houg: dangain" da" atho' moo phung" yoeb, je boo su: nghoid ga: wigi tu: to' coung" nghei loo wa nyang: gi Mangso noku yhoem: khoug: moo lang" yhe: vang zhoung: jo, lho: wigi nya: gung ri nyang: Mangsoo: nghoid- ga: tid fu" nyid wa zi nghoid.

Pang Shug 13:2

Ngoo myang da" hau" akhyeung" da" goug nyhoug gi Myeing khuid" yo' du- nya: da" khyid: gi voem, khyid: yo' du lho: nhoid gi khang khyi nhoid yo' du go" nyid. Hau: main jung: ni, zeing gi nya: da" yoem: so' yo' nya: zhung: tang ri we' nya: gyi: thang da" amyeing" ri we' hau: akhyeung" da" gougnyhoug ri ab, byid: bye.

Pang Shug 13:8

Said' pyam' shau" bye: yang nu" da" kangso' mougsoug" pug moo moug: aphain" myid aphain" shi" mo nyang- myeing bo jo, bang: mo gootu- mougmyid moo nyid da" xang: su: byu yi dangain" bang: gi hau: akhyeung" gougnyhoug zeing ri coem noku boem wa zi nghoid.

Pang Shug 14:11

Nyangnu" ri nghe, shen" yhen nyid da" fang myikhoug" gi pyaid didu moo daboung" zhoung: to"- hau: akhyeung" da" gougnyhoug yo' nya: soolhoo: ri vhu" pid' pid' mo, yo' hau: gougnyhoug myeing ri lhid" tab ci: bang: hang" we' nyid" ri myen" rimyen, jham" khyoo: jo, loo: wa zi anghoid ga: thui: moo" yo' yoid nyho: nyid.

Pang Shug 14:9

Hau: soem" yug ein: da" mau: lagyoo" gi xang: shed" eig yug ein: da" thang: moo doem cang ju" re" lho: akhyeung" da" gougnyhoug yo' nya: da" soo lhoo: ri phau" myang: vhu" pid' ped' lho: nyang: nya: da" ngeilang: moo anghoid lang" gi lo, moo hau: gougnyhoug da" laxoem" dazid' ri baid' tab ci: mo, hang" we' mauglagyo: lo, mo da" goem moo Mangso wigi byeung" sho' foid kaid' to" da" Mangsoo nheig khoo" yo: da" zabyid yheing ri shau" shug goo" wa zi nghoid.

Pang Shug 16:2

Mouglagyoo: xang: shed" yug thu' yhe: lho: moug myid tho' khyoo: nya: goem, ri foid khyo' kaid. Houg: lang" akhyeung" da" gougnyhoug zeung da" myeing ri tab ci: zi shau" mo, yo' nya: khyang du soolhoo: rino" mo, moo gye" gyoug pho" da" khe" no, moug: byeing myoug lo boem.

Pang Shug 17:8

Hau: akhyeung" da" gougnyhoug gi shid' phyang" dei nyid yu" bye- nghoid loug we' akhid" gi adei nyid loo- nghoid loug we' nyang: gi no, athang da" duang: khuang" mo thu' re" lho: wigi phyo' shoin, pyam' jang" khyoo: yhe: loo" wa zi nghoid. Moug: phain" myid' aphain" shi" mo Nya: kang: so' moug soug" pug moo -myeing abo lhid" kaid' to" da" moug: myid byu yi gi hau: akhyeung" da" gougnyhoug zeing ri shau" myang lang" mau" hang" to" boem wa nghoid. Nyang: gigoo" nham, dei nyid yu" gye- akhid" gi adei nyid loo- nghoid loug we' doem dei loo shi" wa zi nghoid.

Pang Shug 19:20

Hau" akhyeung" da" gougnyhoug ni, zeing gi nya: shid khoin" moo mau" pho" alhoo: again joem ri toin" shid mo, mhau' da" lapi: yi yo' dage" thung: myheug lhoung pyam' zi shau" bye. (Nyang: gi akhyeung" goug nyhoug zeung: da" soolhoo: dab, mo, yo' akhyeung" gougnyhoug da" soolhoo: rinoku goeb, pid' bang: ri mau" pho" alhoo: again joem yo' mhau' yu su: nghoid) Nya: eig yug gi fang yo' nge" nyid da" myimi: thoem" khoug: khyoo: - adei phab' phab' du" zei kaid' zi shau" nyid ago".

Pang Shug 20:4

Hau: thang: moo zhung: tang joem ri ngoo myang kaid- hau" zhung: tang tho' moo zhoung: jo, mo, gi dang: phyed wa da" amyeing" yem: so' yoo" mo, nghoid nyid boem. Hau" tho' mo gootu: Aseing Yesu da" sagsi: kham, yoomo we' Mangso mungdang: yoomo we' zain: said' zi shau" mo, yo' hau: da" akhyeung" da" goug: nyhoug ri we' nya: da" alhoo: ri we' abo no" mo, yo' nya: da" laxoem" nghab youg ri nyangnu" da" ngeilang: yo' lo, moo abo tab ci: mo, da" soo" byoo joem ri ngoo myang. Nyangnu" gi doem, dei lo boem wigi zain nyid dakhyeing" ju" sho' Khristu yo' dage" vhoeb khang" nyid boem wa zi nghoid.