Pang Shug 12:2 - Lacid Common Language Bible

² Nyang: gi gung led: ci: zi nghoid yoomo amyang" ri khu: loo wa shid re" zookhu: noo, no ngau nyid.

Pang Shug 12:2 교차 참조

ESAIA 26:17

Aseing we" «Nang gi zookhu: noo no da" myiyi: myhi' kyi: ngau yhang: ti" nang ngoonu" ri kyi: ngau nhang: abye:.

ESAIA 53:11

Yau: khi" kyi" khyeug kham zo: zi bain thang: ri nyang: gi ngei pyo: zi doem shau" loo wa. Nyang: agoin: ajain" moo yau: khe" kyi" khyeug kham zo: zi anghoid da" khyoo: ri nyang: se' loo wa. Nga" deingmain" da" dei zoo:- ngoo vho: ngei da" su: gi byu myoo: sho' da" yooboo dam ri voin pyam byid: wa. Nya: gang mo ngoo gi nyangnu" ri yooboo khyoid pyam byid: wa.

ESAIA 54:1

Yerusalem we"- nang gi bougdung: myhi' dayug ti" bue" lid: loo bye:. Nghoid loug we' akhid" nang gi gau wigi jikhoin" khoin" ziyo' yo" nyhoo: bye:. Akhid" nang gi yhoem: seing: phoo wigi khanham we' atoo" kho' da" myiyi: dayug tho' Zooshang: je myo: abye:.

ESAIA 66:6

Tam" gyoo: ge'. voomoo" mo thui: zeing- Noku Yhoem: Moo" mo thui: gi Aseing nya: gyivoo ri yooboo dam byid: nyid da" thui: nghoid da: o".

MIKHA 4:9

Nang ciwim wigi houg: yhi' kyi: ngau nyid lha". Ciwim wigi zookhu: no nyid da" myiyi: yhang: ti" no nyid lha". Hau: zigi nang khokham ayo" ziyo' re" da" phajhi" byid: nheigboo yi shid: byug yoomo anghoid la".

MIKHA 5:3

Hougsu" nghoid wigi myhi' zeing gi zoo: khu: re" jang" moo ju" sho' Aseing gi nya: byumyu" yiri nyangnu" da" gyivoo joem lo, khoug: moo she: pyam too" wa zi nghoid. Hau: thang: ri tungbau moug: moo pyoung" to" zi shau" da" Israela byumyu" yi gi nya: da" moug: moo nyid yam: cang" yi yo' dage" doem shoug" shoin" nyid wa nghoid.

MATHE 24:8

He: da" khyoo: dangain" gi Zoo: khu: wa su:- bidnyid ju" wigi no shid" re" ziyo' dadu nyid.

YOHAN 16:21

Myiyi: dayug gi zoo: khu: wa uri gyi" sho' no zi shau" lho: bain khu: kaid lang" gi mougmyid moo byu dayug yo" khu: kaid yoomo nyang: kham: zo: da" noodam ri to" myhid' bye.

GALATI 4:19

Jhiddab, da" myi yi: yug gi nu" yi we"- Khristu da" gung du: avoid nanu" moo joeb, byeung" lo da" ayo, moo ju" sho' ngoo gi zoonu" co' phyed da" myhi' zeing yhang: ti" nanu" shid re" zoo khu: noo dalheing doem no nyid.

GALATI 4:27

Khasu" wim gari jhoem: mougsoug" moo Nya: zoo: akhu: da" boug dung: myhi yi we"- gau, yi nyid ge'- zookhu: no, khanham we' ano yu" da" myi: yi: yi we"- nyho: phau: lho: gau, yi nyid boem ge'- Khasu" wim gari byid: yen" myhi, gi yug gi yo" da" myi: yi tho' moo nya: zoo: nya: myid: je" wigi yoo" wa zi nghoid,, ga: wigi lhid" to".

Pang Shug 12:4

Nyang: gimoug: laid' phyoo" mo kyi: joem- soem" boem mo daboem ri nya: da" myi: yhang yo' shoem" yu lho: myid' jang: tho' khyoo: du" khyo' kaid.