Pang Shug 12:16 - Lacid Common Language Bible

¹⁶ Nghoid loug we' mougmyid gi nya: nhoid ri fo, kham: kaid' lho: main jung: ni, zeung da" nhoid mo thu' lo da" gyid ri myhau: pyam' khyo" wigi myi: yi myhi, ri pang" thoug yu bye.

Pang Shug 12:16 교차 참조

1 KHOKHAM 17:6

Nyang: gi gyid lang mo gyid shug lho: Kuano, joem we' nya: shid re" nab soin" yo' myen" thang: khang" moo" zooyho' yo' shoo" joem ri di" byid: bye:.

2 KHOKHAM 8:9

Houg: yoomo Hazaela gi Damasku moo koid da" ge thang da" zi aja: ja: ri Gola-ug myid: xi: du: dang moo: yoovoin byeung" sho' soin' voin, lho: Elisha jhang yhe: lo" da:. Hazaela gi Elisha ri yhe: shoug" lang" «Re" dei zoo: khokham Benhadad gi nya: noo mo ge loo wa la'- age loo wa la' ga: ziri nang ri myid: wa ngoo ri nhang: kaid da» ga: nyang: ri tid da:.

MATHE 23:24

Myo, jed da" khyoo: shid mo, we"- nanu" gi pyoeb soid abo myhau: kaid wa shid re" gyid ri kain: shug ago". Nghoid loug we' Gola ug zeing: rigi yo" myhau: pyam nyid goo" nhung: lha".

Pang Shug 12:15

Houg: lang" main jung: ni, zeing gi hau" myi: yi myhi, ri myu: loo" nhang: wa shid re" myi: yi myhi, jhang khyoo: nya: da" nhoid khoug: mo tigyid' ri shi, thu kaid.

Pang Shug 12:17

Houg: lang" main jung: ni, zeing ginheig khoo" yo:' wigi myi: yi myhi, yo' hau: youg da" amyed ashen, yi ga: da" Mangso amyeing" dang: yo' Yesu khyo" pang shug to" da"-deingmain" da" khyoo: moo loem" jeung" tam" gyo: lho: cang loo" mo, ri gyi khaid wa shid re" thu' loo" khari" bye.