Pang Shug 11:8 - Lacid Common Language Bible

⁸ Nya: eig youg da" mang gung gi nyangnu" da" Aseing: ri baid' jen" said' pyam da" voomoo" zeing mo fu" moo" khyoo: gung moo she: lheung: to" boem wa nghoid. Hau: voomoo" zeing gi-Sodam voo anghoid lang" gi Egutu ein: da" mung dang: ved, bo nyid.

Pang Shug 11:8 교차 참조

APOEM AYANG: 13:13

Hau: voo mo byu yigi akhyeing" ziyo' Aseing ri thougtheung yooboo koid nyid mo, nghoid.

APOEM AYANG: 19:24

Aseing gi nyeigdain tung" Sodom yo' Gomora tho' khyoo: fang myi: moug: vo khyo' kaid lho:

THU' LO" MOUGSOUG" 20:2

«Nanu" join koid nyid da" Egutu mo shu" thu lo da" nanu" Aseing Mangsoo gi ngoo nghoid.

THU' LO" MOUGSOUG" 3:7

Hau: thang: ri Aseing gi «Egutu moo join bue" nyid mo, nga" byu yi da" gye" kyi" khyeug khyoo: ri ngoo myang bye:. Nya: bang: nyang: ri join gung" mo, jang" mo khyoid yu ge' ga yoid ngau: nyid ziri ngoo shoug" gyoo: bye:. Nya: bang: kyi" khyeug shoug" khyoo: ri ngoo dangain" si' bye:.

ESAIA 3:9

Nyangnu" myonhoo: khyen: zigi nyangnu" ri thougtheung wa. Nyangnu" gi Sodom byu yi yhang: ti" di: di: nyang: yooboo koid boem ago". Nyangnu" gi doem: byug da:. Houg: lho: hau: ziri nyangnu" nya: adang moo kaid yu ago".

YEREMIA 23:14

Nghoid loug we' Yerusalem mo Lapi: yi je lang" xo: boem ziri ngoo shau" myang bye:. Nyangnu" gi myi: shoid lang shoid wigi mhau' dang: tid ago". Byumyu" yiri shoid da" moo" koid wa shid re" pang" thoug byid: ago". Houg: lho: hang" we' akhyeing" da" moo" koid ziri atheing: pyam nghoid ago". Nyangnu" dangain" gi nga" shid re" Sodom yo' Gomora byu yi yhi' age boem nghoid da:.

YEREMIA 26:23

Nyangnu" gi nyang: ri khokham Yehoiakim jhang shu" lo wigi khokham phoo gi nyang: ri said pyam wigi nya: manggung ri shava loeb moo she: pyam ago".)

EZEKIEL 16:46

Re" bi: gi mougzhung: shoid mo Samari yo' nya: voogung joem nghoid da:. Re" nhung" gi mougpyi: shoid mo Sodom yo' nya: voogung joem nghoid da:.

EZEKIEL 16:49

Nyang: yo' nya: da" voogung joem gi nyangnu" moo zoo: noem agoin ago" jo, ziyo' yug yoo myenjham" tung" shoug" nyid yoomo nghoid boin: ago". Nghoid loug we' nyangnu" gi myung bang: yo' akho: akhang" ayoo" bang: ri ayu" coung: nghoid ago".

EZEKIEL 23:19

Nyang: gi zoomyi: nghoid uri Egutu moo shava myhi' bue" lid: lo yhang: ti" avoid ci: shug lho: shava myhi' dayug tho' je xo: byug da:.

EZEKIEL 23:27

Ngoo gi re" da" mhain: khyoo: yo' nang Egutu moo nyid shi" uri shoid lid: lo da" aco' ajhoid moo" joem ri toem' pyam byid: wa. Nang gi yu soolhoo: joem ri ayu" loo wa. Egutu da" khyoo: ri we' amyid loo wa».

EZEKIEL 23:3

Nyang: tang: ngi shi" uri Egutu moo nyid boem ri nya: eig yug da" zoomyi: gyeing" aya: ri ci: phyug pyam wigi shava myhi' bue" lo boem ago".

EZEKIEL 23:8

Nyang: gi nya: da" zoomyi: gyeing" aya: ri ze" khyoid pyam da" Egutu mo shava myhi' moo" ri xo' koid da:. Nyang: gi ngi shi" da myiyi: nghoid shi" da" ayo, mo nyang: yuggi yigi nyang: yo' yoeb wigi nyang: ri shava myhi' yhang: ti" zoem" khau: ago".

EZEKIEL 37:11

Mangsoo ngoo ri tid zigi «Shid: se' da" byu we"- Israela byu yigi he: shooyoug: joem yo' du ago". Nyangnu" gi kyug byug wigi myid byu jang ayo" ziyo' ju" lo wa ayo, ga: zi ajo, loo ga: tid ago".

AMO 4:11

Ngoo gi Sodom yo' Gomora voo ri phyo' shoin' pyam yhang: ti" nanu" mo deung nyid mo, gi myikhyoem mo she: thu to" da" myi: zoo" toem' te" zi danghoid lo ago". Nghoid loug we' nanu" gi nga" jhang khyoo: adoem tau" loo shi" nghoid ago» ga: Aseing tid nyid.

MATHE 10:15

Ngoo jhug" jhug tid ba- Tarha" dang: kho' da" bidnyid ri Sodom yo" Gomora voogoung tho' moo je kham: zoo: youg goo" wa.

ACTS 9:4

Sholu koem gi myidjang: moo leung goeb, loo" khare" - hau: thang: ri nyang: gi Sholu- Sholu- nang ngoori ce: noem koid wigi shen" yhen nyid lha"» ga: da" thui: ri shau" gyo: kaid.

HEBRE 13:12

He: khyoo: yoomo Yesu we' nya: da" suid" yo' byu xang: su: yi ri Youg: noo yooboo mo ced" shang: yu wa shid re" voogung nghe: shoid' moo shid: kham: abye:.

HEBRE 6:6

Nghoid loug we' nyangnu" gi nyang: nya: da" loem" jeung" loem, khau khyoo: ri she: pyam boem bye- nyangnu" gi Mangso da" nya: zoo: ri pyang" zeing moo dalheing: doem baid jen" lhang" lho: mung" byu yi da" shid' khoin" moo aphoug" akhyoid' sho' thu' nhang: boem yoomo nyangnu" ri nheigloem: doem thed' loo wa da" shid re" gi kha: su" we' age bui" loo.

2PETRU 2:6

Mangsoo gi Sodom yo' gomora, eig voo ri we' myi: nghe' shoin pyam wigi tarha" anau cang bang: moo khasu" bue" loo: wa da" akhyoo" again daloem: ri toin" shid' too" bye.

YUDA 1:7

Sodom voo yo' Gomora voo eig loem: ri we' hau: eig vo da" ayam, aqei: moo jo, da" voogung joem ri we' myid; boin: yu" ge'. Hau: voo mo voobyu mung" byu yi koem gi akhang: tid da" moug: lagyoo: yi yhang: ti"- youg: shoo: go" lho: yug gi nyang: cang" we' aved, avhu; da" moo" ri koid nyid boem. nyangnu" gi apyaid' atoo: dadab nyid da" mi myi: khyoem, moo-yoobo dam ri shau" kham' zo: boem khyoo:- byu dangain" mo, ri bang bang nyang: zid" lhid' nhang: kaid.

Pang Shug 11:13

Hau: thang: daso' ri nyang:-myid leig zeing leug lo wigi voomoo" zeing gi xi: boem mo daboem gu: byo, yoin" lo" lho: byu nyhed khyeing" gi said' pyam zi shau" boem bye. deug nyid mo gi gyoug dain' boem wigi moug: khung" Mangso gyi: thang phung" yoeb, ri coung" nghei nyid boem.

Pang Shug 11:9

Mungdain loem: khang" moo" moo nyid da" myeing" acang: joeb, kaid' da" byumyu" yi aja: ja: mo mung" byu yi dangain" gi nya: eig youg da" mang ri myhoeb shung: wa da" akhang" ayoo". Soem" nyid" dakhyoug ju" sho' yu" go" nyid boem wa nghoid.

Pang Shug 14:20

zabyid shi' joem ri vooyam, gam: moo yhe: pyeug wigi zabyid xoem: zhung: moo nang: jhoeb, wigi houg: mo suid" lang yau, lo. Hau: da" suid" lang gi khyoo: eig shoo: main: sheing: sho' yau, lo" wigi wim: pi: koo: no, jo.

Pang Shug 14:8

Hau: thang: ri eig yug ein: da" moug: lagyoo: gi xang: shed" youg thang: moo cang ju" re" lho: " Babelon voomoo" zeing gi byo, leung loo" bye- nya: aved avhu: koid moo" ein: da" so' thain: da" zabyid yhid: ri byumyu" bain' sho' mo, ri shug nhang: abye:"- ga: tid nyid.

Pang Shug 16:19

Babelon voomoo" zeing gi soem" gang go, gyam: gyo" pyam' bye- moug: myid tho' moo voomoo" joem dangain" we' byo, yoin" lo" pyam' bye. Mangsoo gi Babelon voomoo" ri myid boin: nyid zoore"- nya: da" goem, mo nheig gyed" ein: da" so' thain: thang da" zabyid yhid" ri shug nhang: abye:.

Pang Shug 17:1

Hau: uri goem nyhed loem: ci: da" moug: lagyoo: nyhed yug mo dayug ngoori tid zigi " Gyid moo" lang myoo" sho' da" ayam, moo zhoung: jo, voomoo" zeing te" da" myeing gyi: nyid shava myhi, da" yoobo khyoo: ri ngoo nang ri tid kyoo" ba.

Pang Shug 17:18

Nang shau" myang da" myi: yi: myhi, gi moug: myid khokham" yi da" atho' moo vhoeb, khang" nyid da" voomoo" zeing nghoid- ga: ngoori tid.

Pang Shug 17:5

Nya: ngeilang: tho' moo gi shava myhi, yi yo' " Moug: gyab, goin" ziri khyoo: shu" vhang: lo" da" nya: myhi' - gyi: thang da" Babelon - ga: wigi gau: thang dang: kang: yo' lhid" to".

Pang Shug 18:10

Nyangnu" gi nyang kham, zo: nyid da" dam, ri myang lang" gyoug dain yoomo vi" vi" moo yab, jo, boem lho: nyangnu" tid boem zigi " Apho" apho"- ce: byo" lha". myo, nhoo bo ziyo' gyi: thangda" Babelon we"- joem: loo" bye: nhung: lha". dana: yi: khoug: moo za: yoobo dam, kaid' zi shau" bye: nhung: ga: tid nyid boem wa nghoid.

Pang Shug 18:18

Hau: da" voomoo" nge" joem: lo" da" myiyham: doem' mo myikhoug" joem ri myang lang" gi nyangnu" gi" Khanham nghoid loug we' he: voomoo" ti" gyi: sheung: thang da" voomoo" riamyang yu" boem, shi"- ga: wigi nyho: yoid tid nyid boem.

Pang Shug 18:2

Nyang: gi thui: zeing yo' tid zigi nyang: gi byo, yoin" loo" bye:- Babelon voomoo" gi byo, yoin" loo" bye- byo, yoin" loo" bye- nyang: rigiakhuid" main: yu joem yo' mi: byoo joem wigi byo" too" zi shau" su:- aco' jhoid khyoo: aja: ja: yo' ngho' ngheing" joem da" nyid jang: nghoid.

Pang Shug 18:21

Hau: thang: moo yoem: moo" bo da" moug: lagyoo: dayug gi gyi: da" lug lheing: zeing yhi' bo da" lug daloem: ri yu lho: panglai gyid thoem" moo du" zei, kaid' wigi " Babelon voomoo" gi hid: yhang: ti" du" khyo' kaid' zi shau" wa nghoid lho: thang: phyang" hau: voomoo" ri khanham we' doem myang loo: wa zi anghoid- ga: tid.

Pang Shug 18:24

Babelon gi yoobo dam, kaid' ziri shau" khyoo: gi khasu" wim gari hau: voo, moo- lapi: yi yo' Mangso byu yi da" suid"- moug: myed tho' moo said' pyam' zi shau" moo shug" mo, da" suid" joem ri houg: moo shau" myang yoomo nghoid nyid.