Pang Shug 11:2 - Lacid Common Language Bible

² Nghoid loug we' noku yhoem: mo" nghe: shoid mo vang" ri koem: gi aki, ja"- Khasu" wim garihau: zigi tungbau byumyu" yi ri bain byid: too" bye: zi nghoid. Nyangnu" gi hau: gyeungshang: da" voomoo" ri lham" moo" myid: xe: eig khyab, ju" sho' nang: zeug ci: wa zi nghoid.

Pang Shug 11:2 교차 참조

COUNG" NGHEI 79:1

Mangsoo we"- tungbau byumyu" yi re" mungdain: ri re" vang zain: boem wigi re" da" gyeung" shang: Noku Yhoem: Moo" ri nyangnu" aco' ajhoid koid pyam nyid boem ziyo' Yerusalem voomoo" ri we' lhu: phyo' lhu: shoin' too" khare" boem bye:.

ESAIA 48:2

Nghoid loug we' nanu" gi gyeung" shang: da" voomoo" byu nghoid. Israela Mangsoo ri nanu" khau: nghe: nyid. Nya: myeing gi myhang: thang Aseing nghoid da: ga: phau: khuang tid nyid ago".

ESAIA 5:5

«Nga" zabyid khyam: ri ngoo hid su" koid wa zi nghoid. Hau: ziri kyam' lheing to" da" khyam: ri yu pyam wa. Hau: ziri goem loem to" da" vang khyam: ri phyo' khyo' pyam wa. Houg: lho: hau: ziri siyoo gougnyhoug joem ri zoo: nhang: lho: nang: pye" pyam nhang: wa.

ESAIA 52:1

Yerusalem we"- yoem: bo wigi doem gyi: sheung: loo we'. Mangso da" gyeung" shang: voomoo" we"- Reung: da" ziyo' nanya: gung ri byimi soin' void ci: we'. Tarha" tungbau yigi re" khoem" moo khanham we' ayo" doem vang goo" wa.

NGOUG JI: 1:10

Nya: gyivoo joem gi nyang: mo zi jonu" dangain" ri lhoid yu pyam byid: boem bye:. Tungbau byumyu" yi ayo" vang loo" ga: Aseing toem to" da" Noku Yhoem: Moo" khoug: khyoo: nyangnu" vang lo" boem ziri nyang: myang bye:.

EZEKIEL 4:6

Nang hau: ziri bain lang" re" lo, yo shoid khyo" doem jhang" to" wigi kyi" khyeug kham zoo: we'. Ciwim gari myid: xi: nyid" shid re" Yuda da" yooboo dam nghoid. Danyid" shid re" nyangnu" yooboo dazain nghoid.

EZEKIEL 42:20

Houg: lho: vang khyam: shoid khang" moo" moo 840 pi: bo ziyo' kyam' lheing to" da:. Hau: vang joem gi gyeung" shang: ziyo' agyeungshang: ziri kho' too" wa shid re" nghoid da:.

DANIELA 12:7

Moug: lagyoo: gi eig lo, goin" ri mougkhung: khyoo: tu: to' kaid lho: apyaid atoo: mo Mangsoo da" myeing" yo' geing: teing da" dang: so" to" da:. Nyang: tid zigi «He zigi soem" zain dakhyam" myang" loo wa. Mangso da" byu yiri shen" yhen zi thang byug lang" he: gu: dangain" bain bue" byug wa» ga: nyang: tid ziri ngoo shau" gyo:.

DANIELA 7:19

Hau: thang: myid du: ein: da" gougnyhoug lam" da" khyoo: ri se' lung: nau shi". Hau: ziri gootu: gougnyhoug lam" joem yo' adu- yu" gyoug yu" lhung: tung" zoo: shoo" joem ri nya: da" gyid: mid" lo, sain"- khyi: sain" joem yo' joto' zei joem wigi ngaid khyoeb pyam ziyo' hau: joem ri nang nhe" pyam da:.

DANIELA 7:25

Nyang: gi gyi: sheung: myhang: thang da" Mangsoo ri thougtheung dang: tid lo wigi Mangso da" byumyu" yi adang moo doin: zeig zo: lo wa. Nyang: gi nyangnu" da" laloem lakhoug: tarha" joem yo' pui" joem ri thid wa shid re" soin' wigi Mangso da" byumyu" yigi nya: yoem: so' akhoug: moo soem" zain dakhyam" nyid loo wa.

DANIELA 8:10

Hau: zigi mougkhung: mo gyidab ri meing: yo" zain: wa yhi nghoid lho: kyi: joem rilang" yo" khaid zain: wa yhi' yoem: bo loo: wa. Houg: lho: nyang: gi nyangnu" mo dayham" gu: ri myidgung khyoo: du" khyo' kaid lho: nang nhe' pyam da:.

DANIELA 8:13

Hau: thang: moug: lagyoo: dayug gi gootu: dayug ri «Hau: yoeb myang moo shau" myang da" he: gu gi khamyhang myang" sho' xo' bue" nyid wa ga: lug lha". Nyid" khang" nyid" mo xoin" joem joyoo mo gyoug ci ca" ja: yooboo ri khamyhang myang" sho' thid jo nyid wa lug lha". Mougkhung: gyidab yo' Noku Yhoem: Moo" ri khamyhang ju" sho' nang: nhe" to" zi shoug" goo" wa lug lha"» ga: myid: da:.

DANIELA 8:14

Gootu: moug: lagyoo: gi «Hau: zigi nab soin 1150 yo' myen" thang: 1150 (1150 nyid") xo' myang shi" wa. Hau: ayo, gyoo: moo nab soin: yo' myen" thang: xoin" ri angei" byid: goo" wa. Hau: thang: Noku Yhoem: Moo" ri doem zhug loo goo" wa.

GYUNG: SOO" 14:34

Nanu" gi nanu" da" yooboo aphoug" shid re" hau: mung" ri nanu" joo" yhe: yu" uri myang" pyam da" myid: xi: nyid" ri danyid" ri dazain khyo" myid: xi: zain yau: khi" shoug" kham zoo: goo" wa. Ngoo gi nanu" ri thougtheung bye: ein: da" dang: kang: ri nanu" si' goo" wa zi nghoid.

MATHE 27:53

Yesu shad: jang" mo doem dei to' lo thang: ri houg: bang: we' loeb khoug: mo zheung: thu' lo boem lho: gyeungshang: da" voogung khyoo vang lo" boem wigi nyangnu" byu myoo" sho' mo nyangnu" ri lhoem: myang boem.

MATHE 4:5

Houg: lang" jhu' phyo' su: yu satan: gi Yesu ri gyeungshang: da" voogung khyoo shu" vang lo" lho: akyu" mho' yhoemkhung: myhang: thang jang" moo do, loo" nhang: lho: wigi

MATHE 5:13

«Nanu" gi mougmyid da" xoo" yo' du ago"- hau: xoo" phue: lo" byug rigi kha: mo doem se' ngham" loo wa lha". Nghi: khyoo: she: pyam to" lho: subi" nang: pye" pyam tho' moo gootu: ce" akyu" we' aboo loo.

LUKA 21:24

Byu dayham" gi sham: dam yo" said pyam zi shau" boem wa. Dayham" bang: rigi join khyo" myheig shu" lo" boem wigi mung" zoo: mung" zeing: moo byo sain" lo" boem wa. Tungbau Byumyu" yi gi nyang: nya: vhoeb khang" da" pyaid athang thang gi Yerusalem voo moo" ri khyidvoo: khoug: moo nang zeug ci: boem wa.

HEBRE 10:29

Houg: su" nghoid rigi Mangso da" nya: zoo: ri aphoug" akhyoid' koid su: gi ngoonu" gi nyang: ri youg: noo yooboo mo ced" gyeing ced" shang: yu da" Mangso dang: theing khoin" yo' sen: da" suid" ri ci: asoin: cishu: anhang: su: gi jeju" byid: nyid da' Venyi ri aphoug" zoo: wa da" shid: gyoin, noo gyoin gi khayhi' je" no, wa lha". damyid yu" ge'.

Pang Shug 11:11

Hau: soem" nyid" dakhyoug thang loo" lang"-nya: eig youg jang" moo Mangso jang" mo kangso' doem vang loo yoomo zung" za: doem to' yab jo, ago". Hau: eig yug rimyang mo, dangain" gi gyoug nain" nyid boem ago".

Pang Shug 11:3

Jid: moo" byimi void ci: da" nga" sagsi: eig yug ri ngoo nhang: kaid' wa Nya: eig yug gi bidnyid 1260 nyid agyoo: moo Mangso mungdang: ri lapi: dang: khyo" kho" kyoo" wa,, ga: tid.

Pang Shug 12:6

Myi: yi: myhi, gi nya: shid re" Mangso wigi nyheung too" byid: da" dain" pyoid yoo khyoo: phang: yhe: lo" lho: hau: joyoo moo bidnyid 1260 nyid" ju" sho' nyang: ri coung" goem, zho' jhoug zi shau" nyid.

Pang Shug 21:10

Houg: lang" nyang: ngoori- gye" myhang: da" boem, phyoo" khyoo: venyi khyo" shu" do, lo" lho: Mangso myonhoo: phung" yoeb, doug bang ziyo' moug: khung: moug: di Mangso shid' khoin" mo ju" gyoo" lo da" gyeungshang: voogung Yerusalem aseig ngoori toin" shid.s

Pang Shug 21:2

Hau: lho: gyeungshang: da" voogung seig Yerusalem gi nya: yhoem: seing: phoo yo' shau" goo" wa shidre" - jen" jen" lhoo, yhoung to" da" myhi, seig yhang: ti"- Mangso moug: khung: moug: di mo gyoo" lo ziringoo myang.

Pang Shug 22:19

He: mougsoug" moo bo da" lapi: dang: daja: ja: ri yu she: pyam' su: hang" ri nghoid loug we' he: mougsoug" moo lhid" to" da" kangso' shi" gam, mo shi" ri zoo: wa ziyo' gyeungshang: da" voogung mo yo" vang yu zoo: wa nya: da" agyid asoo: ri Mangso yu she: pyam byid: loo wa zi nghoid.