Pang Shug 11:12 - Lacid Common Language Bible

¹² Hau: thang: ri lapi: eig yug gi " He: joyoo khyoo: do, loo ge",, ga: moug: khung: khyo" nya: eig yug ri gyi" sho' yoid da" thui: ri shau" gyo: ago". Nya: eig youg da" gyivoo yi gi dazoung" nyid shi" uri nya: eig yug gi jhoem: moug" thei" mo wigi - moug: khung: khyoo: do, loo" khari" bye: ago".

Pang Shug 11:12 교차 참조

2 KHOKHAM 2:1

Aseing gi Elia ri lid shoem' mo mougkhung: khyoo: shu" yu wa ayo, ju" lo da:. Elia yo' Elisha gi Gilgala mo to' lo" wigi

2 KHOKHAM 2:11

Nya: tang: dang: doem go" zoo" ri xo' yhe: lo" ago". Houg: lang" myi: myang: joem she: da" myi: gyi myang: rheing" gi nyeigdain tung" nya: eig yug agyoo: moo ju" re" wigi Elia gi lid shoem' yo' mougkhung: khyoo: shu" yu zi shau" da:.

2 KHOKHAM 2:5

Houg moo nyid boem da" Lapi: daphung: gi Elisha jhang yhe: wigi nyang: ri «Aseing gi akhid" nyid" re" yhoem: seing: ri nang mo shu" yu pyam wa ziri nang se' rhe"» ga: tid ago". Elisha gi «Ngoo se' nghoid loug we' hau: khyoo: yo' sen: wigi ngoonu" atid gooshang» ga: tid da:.

2 KHOKHAM 2:7

Houg: lho: Lapi: wim: xi: yug we' Yodan gyid lang khyoo: nyangnu" jhang cang yhe: lo" ago". Elia yo' Elisha gi gyid yam moo yhe: theing: ago". Houg: lho: hau: Lapi: wim: xi: yug we' dajhi' ve: jang" moo yab jo, ago".

COUNG" NGHEI 112:10

Akhyeing ashoeb bang: gi hau: khyoo: ri myang lho: nheig yo: nyid boem ago- Nyangnu" gi ngheung" ziyo' yu" zhoug to" lho: byug khare" boem bye:. nyangnu" da" nheug byu jang: we' apyaid atoo: moo: jha" byo, yoin" lo" boem bye:.

COUNG" NGHEI 15:1

O" Aseing we" khayug gi re" Noku Yhoem: Moo" khoug: khyoo: yo" vang ri" wa la". Khayug gi re" da" gyeung" shang: Ziun boem tho' moo yo" noku goo" wa la".

COUNG" NGHEI 24:3

Aseing da" boem tho' khyoo: kha: yug do' loo" moin: yi" wa lha". Nya: da" gyeung" shang: Noku Yhoem: Moo" khyoo: kha: yug yo" vang loo" wa lha".

COUNG" NGHEI 86:17

Aseing we" re" da" ge lho, khyoo:- ngoo ri sagse: toin" shed byid: we'. Nang ngoo ri byid: da" ngei pyo: khyoo: yo' pang" thoug khyoo ri shau" myang da uri ngoo ri ngheung" nyid mo, gi asho' ashed: zi shoug" lo" byoug boem wa nghoid.

THU' LO" MOUGSOUG" 14:25

Nyangnu" so" yau: wa shid re" nyang: gi nyangnu" gyimyang: rheing" mo rheing" keing: ri yu pyam byid: bye:. Egutu byumyu" yigi «Aseing gi Israela byumyu" yi shoid moo yab wigi nyhang" ri gyi koid nyid. Hid: mo tau" loogoo" shang» ga: tid nyid ago".

ESAIA 14:13

Nang gi mougkhung: khyoo: do, loo" wa myid phyed lho: re" zhungtang ri myhang: thang da" kyi: joem atho moo too" wa myid phyed lo da:. Yu phara" joem phung: foem: nyid da" mougzhung: shoid mo boem dang mo khokham dayug yhang: ti" nang yo" zhung: wa ga: nang myid jho: da:.

ESAIA 40:31

Nghoid loug we' pang" thoug wa shid re" Aseing ri loem khau: nyid bang: gi nyangnu" yoem: aseig yo" yu loo wa. Nyangnu" gi zoin bung: yhang: ti" dung yo' dang: do, loo" goo" wa. Nyangnu" tang" wigi amyung: doug goo" wa. Nyangnu" khyoo: so" wigi yoem: anheing: goo" wa.

ESAIA 60:8

Pheing" kyoug" joem yhoem: khyoo: lo" nyid yhang: ti" Hau: gyid sangphoo joem gi jhoemmoug" thei" yhang: ti" cikoid thei" do, lo boem la".

MALAKHI 3:18

Hau: lho: deing byeung" mo, yo' akhyeing" ashoeb mo, da" agyoo: moo nga" moo" zoo" ri bo pang" zei: su: yo' apang" zei: su: da" agyoo: moo adu go" khyoo: ri nga" byumyu" yigi shau" myang lo boem wa zi nghoid» ga: tid nyid.

LUKA 16:23

Nyang: gi moovo moug: moo gye" kyi" khyeug zi shau" nyid yoomo nyang: yu" kaid da" uri Abraham ri we' Abraham da" nam mo Lazaru ri we' myang kaid.

ACTS 1:9

Hid: su" ga: bain tid thang: ri lagyoo: yi yu" go" nyid uri nyang- Yesu gi moug: khung: khyoo: to' yu zi shau" bye- hau: thang: ri jhoem" moug" thei" gi nyang: nu da" myo, shid' ti: mo-Nyang: ri nghoeb ci: lho: do, lo" byug bye.

1THESALONI 4:17

Hau: thang: ri hau: Aseing: yo' moug: laid' phyoo" moo shau" goo" wa shid re" ngoonu" dei nyid shi" mo, gi shid: loo" bye: mo, yo' dage" jhoem" moug" phyoo" moo shu" do, lo" zi shau" boem wa nghoid wigi ngoonu" gi hau" Aseing: yo' dage" khanham we' danyid nyid wa zi nghoid.

Pang Shug 12:5

Hau: myi: yi myhi, gi byumyu" yi bain' sho' bang: tho' moo joto' lham: dung: yo' vhoeb, khang" wa da" yug gi zoo: ri khu: kaid. Nghoid loug we' hau" zoonu" gi Mangsoo yo' nya: zhung: tang khyoo: lhoid shu" lo" zi shau.

Pang Shug 3:21

Ngoo gi oung: doid lo" wigi nga" pho, da" zhung: tang tho' moo nyang: yo' dage" shau" zhoung: jo, yhang: ti"- oung: doid loo" su: ri we' nga" zhung: tang tho' mo nga" nam, moo zhoung: jo, wa da" akhang" ngoo byid: wa.

Pang Shug 4:1

Hau: thang: ri gootu: da" yoeb, myang daloem: gi moug: khung: khoem" duang" bang" jo, ziri ngoo myang kaid. Hau: lho: laboo" daloem: moid myheung da" thui: te" ziyo' ngoori tid nyid da" dang: ri shau" gyo: zigi He: joyoo khyoo: do, loo we' thang: phyang" bue" loo wa da" moozoo" ri ngoo toin" shid ba, ga: tid nyid.