Pang Shug 11:10 - Lacid Common Language Bible

¹⁰ Moug: myid xang: su: byu yi gi Lapi: eig yug shid: yoomo gau, yi ngei pyo: pui" koid lho: nyang: cang" nyang: jhung: shug jhung: lang: foin: go" nyid boem wa zi nghoid. Khasu" wim gari hau: lape: eig yug gi moug: myed, xang: su: byu yi tho' moo yau: khe" jamjau gye" byid: yoomo nghoid.

Pang Shug 11:10 교차 참조

1 KHOKHAM 18:17

Ahab gi nyang: ri myang lang" «Israela mungdain: moo gye" yau: khi" koid nyid zigi nang nghoid nhung: la"» ga: tid.

1 KHOKHAM 21:20

Ahab gi Elia ri myang lang" nyang: gi «Nga" gyivoo we" nang ngoo ri cang myheug nyid nhung: lha"» ga: tid. Elia gi «Nghoid- ngoo koid nyid. Nang gi Aseing da" shidkhoin" moo age da" moo" zoo" ri bain sho' nanya: gung nanyang: koid bye: nhung:

1 KHOKHAM 22:18

Ahab gi Yehoshaphad ri «He: yug gi nga" shid re" ge da" Lapi: khanham we' api: byid: ein: nang ri tid zi anghoid shi" la" Khanham we' daja: ja: moo age zi dabo nyid da» ga: tid.

1 KHOKHAM 22:8

Ahab gi «Hid: moo: Imla nya: yuggi zoo: Mikhaia ga: da" Lapi: dayug nyid shi". Nghoid loug we' ngoo nyang: ri avhoo:. Ciwim gari nyang: nga" shid re" khanham we' ge khyo" Lapi: api: byid: nghoid da:. Khanham we' daja: ja: moo: age zi dabo nyid da» ga: tid. Yehoshaphad ri «Nang hougsu" atid» ga: phug tid.

COUNG" NGHEI 13:4

Nga" da" gyivoo joem gi" «Ngoonu" nyang: ri yo" oung: pyam bye:» ga: tid wa akhang" nyangnu" ri: abyid. Ngoo leung soem" loo" yoomo nyangnu" yo" gau yi wa akhang" abyid.

COUNG" NGHEI 35:19

Ngoo ri: juang" nyid da" nga" gyivoo joem ri ngoo soem" joem: lo" khyoo: agau, yi nhang: nyid. Ce" sei: we' abo jang" moo ngoo ri nheung" nyid mo, rigi ngoo kougshu: khyoo: yoomo agau, yi nhang: nyid.

COUNG" NGHEI 89:42

Nang gi nya: gyivoo joem ri oung: doid loo" nhang: wigi nyangnu" dangain" ri nang gau yi nhang: nyid abye:.

DANG: ZHOEM 24:17

Re" da" gyivoo joem gi byo, yoin" lo" khyoo: ri thoung" shau" boem ri ayu" goug goo. Nyang: khyid: vhu" thoung" lho: leung lo" ri ayu" ngei nyid.

YEREMIA 38:4

Hau: thang: moo" voin zoug: yigi khokham pho jhang yhe: lho: «Byu he: yug ri said pyam ca" da:. Nyang: hougsu" tid nyid yoomo he: voomoo" moo nyid da" gyizoo: yigi voem" da" myid byug byug abye: go". Houg: lho: nyang: gi voomoo" khoug: moo nyid deing jo, boem bang: gootu: yugkhang" moo" ri we' dakhyoo" ti" za: tid nyid da:. Nyang: gi byumyu" yiri pang" thoug wa shid re" yoem: akaid nghoid da:. Nyangnu" ri dam za: dab nhang: nau nyid da» ga: tid ago"

YEREMIA 50:11

Aseing tid zigi «Babelon byu yi we" nga" byumyu" ri nanu" phyo' zo: pyam abye: go". Nanu" gi pyo: wigi gau ago". Gug nang: da" nuzeing so" lam" yen" yhang: ti"- myeing yen" da" myang: yhang: ti" nghoid ago".

OBEDIA 1:12

Yuda mung" mo re" mang: nhung" yi da" nheig byu jang: ajo, loo bue" lo" ziri nang gi yu" gau nyid wa zigi a eung: nghoid da:. Nyangnu" byo, yoin" lo" da" bidnyid moo nang gi age yu" gau nyid nghoid da:. Nyangnu" da" nheigloem: gi yoem: shoin: zi shoug" nyid jang" moo nang gi nyangnu" da" atho' moo yi juang" wa zigi a eung: nghoid da:.

MIKHA 7:8

Ngoonu" da" gyivoo yigi ngoonu" ri ciyu" juang" nyid boem wa khyoo: ajo, loo- ngoonu" gi gyoeb leung loo" bye:. Nghoid loug we' doem yo" to' loo wa zi nghoid. Akhid" ngoonu" gi moug: coid khoug: moo ju" nyid jo, nghoid loug we' Aseing gi ngoonu" ri bidbang byid: wa zi nghoid.

MATHE 10:22

Byu myoo" sho' mo, we' nga" myeing yoomo nanu" ri ngheing" lo boem goo" wa. Hang" nghoid loug lo" thang bidnyid ju" sho' yoem: kaid geing: teing nyid nghoid rigi hau: yug gi Mangso wigi khyoid yu zi shau" wa nghoid.

YOHAN 16:20

Deing" deing nanu" ri ngoo tid da" zigi nanu" gi ngougmyeing" shoo" thui: to" nyid goo" wa. Nghoid loug mougmyid byu yi koem gi gau yi nyid boem wa. Nanu" sho" jhen: shau" nyid boem nghoid loug nanu" da" sho" jhen: khyoo: gi gau yi myen jhoem" khyoo: bue" loo wa.

YOHAN 7:7

Mougmyid xangsu: byu yi gi nanu" ri ayo" ngheing". Ngoori gi ngheing" boem. Khasu" wim gari Ngoo gi nyangnu" da" akhyeing" ashoeb da" nheigloem: ri toin" shid' nyid yoomo nghoid.

ACTS 5:33

Tarha" yab, do' phung: mo, gi he: dang: ri shaug" gyoo: lang" gi nheig gye" gyo: yo: boem wigi nyangnu" gi lagyoo: yi ri said pyam' myau" boem abye: go.

1Korinthians 13:6

Jheddab da" nheigloem: gi adeing: amain" ziyo' akhyeing" ashoeb da" khyoo: moo: agoug loo: za: hau: deingmain" khyoo: moo: gau, yi nyid.

Pang Shug 12:13

Main jung: ni, zeing gi nyang: ri myid jang: tho' khyoo: khaid khyo' kaid ziri si lang" nyang gi yug gi zoo: khu: loo wa da" myi: yi: myhi, ri cang khaid myheug yen" bye.

Pang Shug 13:14

Nyang: gi xang: shed" mo da" akhyeung" gougnyhoug shid khoin" moo mau" pho" alhoo: again joem rikoid shug lho: wigi mougmyid byu yi dangain" ri mhoid" fain" nyid lho: sham: dam tab' nghoid loug we' ashid: loo" loo: dei nyid da" hau" gougnyhoug riphoug" tab ngi shab, khyo" wigi nya: da" soolhoo: daloem: rikoid wa shid re" mougmyid byu yi ri tid kaid.

Pang Shug 13:8

Said' pyam' shau" bye: yang nu" da" kangso' mougsoug" pug moo moug: aphain" myid aphain" shi" mo nyang- myeing bo jo, bang: mo gootu- mougmyid moo nyid da" xang: su: byu yi dangain" bang: gi hau: akhyeung" gougnyhoug zeing ri coem noku boem wa zi nghoid.

Pang Shug 16:10

Wim: yug ein: da" moug: lagyoo: gi nya: goem, ri akhyeung" gougnyhoug da" zhung: tang tho' moo foid shoin" kaid. Houg: lang" akhyeung" gougnyhoug zeung da" mungdain gi moug: coid' teing: no, loo" khare" lho: nya: mung" byu yi we' khe" no lo boem yoomo nyang: nya: da" yhoo: ri ngaid' zeug ci: boem bye.

Pang Shug 3:10

Khasu" wim gari nang gi nga" da" dang: ri jhug zug cang nyid yoomo mougmyid gyab, goin" mo xang: su: byu yi ri jham" ca: yu" jam jau byid: lo da" bidnyid ayo, moo nang ri ngoo goem loem zung" lhug yu wa.