Pang Shug 11:1 - Lacid Common Language Bible

¹ Ki, wa shid re" jam, pheing" yang: yo' du da" voosi" dakhaid- ngoori byid: lho: tid zigi Yhi: we', noku yhoem: moo" yo' xoin" to' phoin: ri we' ke' yu" we' Hau: yhoem: moo" moo noku nyid mo, ri we' nghab yu' we'.

Pang Shug 11:1 교차 참조

ESAIA 28:17

Tarha" nyeung veung" khyoo: gi apoem: ayang: shid re" laki yo' deingmain" zigi houg mo da" laki tei" nghoid wa» ga: tid da:. Leigvoo gi nanu" khau: nghe: da" mhoug khyoo: ri shoem" lo" byug wigi tigyid gi nanu" da" goem loem khyoo: ri phyo' shoin' pyam wa.

DANIELA 7:27

Mougmyid tho' moo mungdain: dangain" da" yoem: so' yo' gyi: sheung: ziri gyi: sheung: myhang: thang Mangso da" byumyu" yiri byid: pyam wa. Nyangnu" da" khokham yoem: so' gi khanham we' thang byug wa anghoid. Houg: lho: mougmyid tho' mo vhoebkhang" bang: dangain" gi nyangnu" ri coem' dei byid: ziyo' tid dang: gyo: loo: goo" wa.

2~KORINTHU 6:16

Mangsoo da" noku yhoem: gi goug ngu shoolhoo joem yo' khasu" koid lho" e" myed se' zhung" goo" wa lha"., Khasu" wim gari ngoonu" gi dadei nyid da" Mangso noku yhoem: moo" joem nghoid nyid boem. Mangsoo nyang: tid zigi-Ngoo gi nga" byumyu" yi moo nga" yhoem: koid wigi nyangnu" moo bo nyid wa zi nghoid. Ngoo gi nyangnu" da" Mangsoo bue" nyid a zi nghoid wigi nyangnu" gi nga" byumyu" yi bue" lo boem wa nghoid- ga: wigi tid nyid.

1PETERU 2:5

Nanu" gi kangso' dei nyid da" lug moo" boem' khyoo" Mangso jang" moo re" lho: Venyi yhoem: moo" zhoug to" jang" moo akyu bo da" lug loem: bue" loo nhang: ge'. hau: da" venyi Noku yhoem: moo" moo nanu" gi Mangsoo vho: ngei da" venyi xoin" ri Yesu Khristu khyo" wigi-xoin" to' byid: da" gyeungshang: khainjung yi bue" loo wa nghoid.

1PETERU 2:9

Nghoid loug we' nyangnu" koem gi moug: coid' khoug: mo wigi nya: da" mau" pho" bidbang khyoo:- nanu' ri khe: yu su: Mangso da" mau" pho moozoo" ri tid fu" loo" wa shid re" khyen: yu to" da" byumyu"- Khokham" da" khain: jung yi gyeungshang: da" byumyu" yo'

Pang Shug 10:11

Hau: thang: moo ngooritid zigi " Nang gi mungdain: myoo" sho' byumyu" aja: ja:- Khokham" yi yo' sen: da" Mangso mungdang: ri dalheing: doem tid fu" we',, ga: tid.

Pang Shug 21:15

Ngoo yo' dang: tid go" nyid su: gi hau: voogung ri we' voogung khoem" moo" duang: joem ri we' hau: da" vang khyam: ri we' ke' yu" wa shid re" sheing: laki' yang: ri ci: nyid.