Pang Shug 10:1 - Lacid Common Language Bible

¹ Hau: thang: ri yoem: moo" bo da' moug: lagyoo: gootu: dayug gi moug: khung: mo gyoo" lo ziri ngoo myang- Nyang: ri jhoem" moug" thoeb, to" lho: nya: da" vhuloem lheing khab, moo- seing: yhang: lheung kham, to. Nya: da" myonhoo: gi bid yo' du lho: nya: da" khyid: gi myizeing joem ti" du nyid.

Pang Shug 10:1 교차 참조

COUNG" NGHEI 104:3

Moug: laid moo: jo, da" gyid thoem" tho' moo re" yhoem: ri koid to" da- nang gi jhoemmoug" joem ri re" da" myang: rheing" yhang: ti" nang ci: yhoung: nyid wigi lid da" dung tho' moo nang jui: lo" da:.

COUNG" NGHEI 97:2

Jhoemmoug" joem yo' moug: coid gi nyang: ri lheung khoem to". Nyang: gi deingmain" ziyo' deingmain" khyo" vhoebkhang" nyid.

THU' LO" MOUGSOUG" 16:10

Houg yo' dakhyo"- Arun gi shava byu yiri dang: tid kyo" nyid uri nyangnu" dain" pyoid yoo khyoo: yu" kaid ri nyeigdain tung" jhoemmoug" khoug: mo Aseing da" phung" yoeb gi bang thu loo da:.

SHOLUMON JIKHOIN" 5:15

Nya: khyid: joem gi sheing: lugpyi" dang moo ke" to" da" lugphyu: zeing joem yo' du nyid da:. Nyang: gi Lebanon boem yo' shamu gam yhang: ti" phung gyi: nyid da:.

ESAIA 19:1

He: zigi Egutu yo' sen: da" mungdang: nghoid. Aseing gi myab da" jhoem: thei" adang moo zhung: wigi Egutu mung" khyoo: re" lo nyid da:. Egutu byu yi da" yu phara" soolhoo: joem gi nya: shidkhoin" moo ko' ko' nain" lho: Egutu byumyu" yigi nyangnu" da" voem" myid thang byug abye: go".

ESAIA 54:9

«Noa da" pyaid moo mougmyid ri khanham we' dagyid adoem shi: nhang: loo wa ngoo dang: so" byid: too" bye:. Akhid" nang ri ngoo nheig adoem yoo: loo wa ein: ngoo dang: so" byid: bye:. Ngoo gi nang ri juang" we' ajuang"-yooboo dam we' abyid: loo wa.

NGOUG JI: 3:44

Ngoonu" da" akyu" mho' thui: ayo" lid: phyed loo" sho' nang nheig joem: yo: da" jhoemmoug" thei" gi no, thu: ziyo' nghoeb lhoung to" da:.

EZEKIEL 1:28

Hau: jang" moo seing: yhang: yo, gain: mo asam" avoid dangain" bo da:. He: yi yi bang zigi Aseing nyid ziri ci: shug byid: zi nghoid. Ngoo hau: ziri myang lang" myidjang khyoo: goeb pid bye:. Hau: thang: ngoo thui: dathui: shau" gyo:

DANIELA 10:6

Nya: da" gung gi phau" dab sheing: yo' dayhang: ti" bang jo, da:. Nya: da" myonhoo: gi moug: lhab' myeig ziyo' dakhyoo" ti" bidbang bang jo, wigi nya: da" myojid" joem gi myi: yo' dakhyoo" ti" nge" nyid da:. Nya: da" lo sain: yo' khyid: joem gi boid jhoid to" da" gyid: mid" yo' dakhyoo" ti" bo" jo, da:. Houg: lho: nyang: dang: ji thui: gi shava byu phung: moo" nyho: nyid ziyo' dakhyoo" ti" nghoid da:.

DANIELA 7:13

Hau: myen mo he: yoeb myang ri myang nyid uri byu xangsu: dayug te" da" su: ri shau" myang. Nyang: gi jhoemmoug" wigi lheing khoem ci: lho: nga" jhang tab re" da:. Houg: lho: nyang: gi apyaid atoo: mo dei nyid yug jhang yhe: lho: nya: shidkhoin" khyoo: vang yhe: da:.

XOIN" NGEI" 16:2

Nyang: gi «Re" mang: Arun ri ge eung: da" ayo, moo za: hau: gyeung" shang: thang da" joyoo yab khyo' pain" ruang: nungthang khyoo: nyang: yhi: wa shid mo tid kyoo" we'. Ciwim gari: ngoo gi hau: joyoo moo Dang: Theing Kuid: amyhid" dang mo jhoemmoug" khoug: moo: nga" gung ri thu shug wa yoomo nghoid. Nyang: atam" gyo nghoid rigi said pyam shoug" wa zi nghoid.

MATHE 17:2

Nyangnu" da" shid khoin" moo Yesu da" gungdu: gi goo" zang" led loo" khare". Myonhoo: gi bid yhangti" doug bang lho: void to" da" byimi we' doug bang lo.

LUKA 21:27

Hau: thang: ri jhoem" moug" khoug moo gyi: thang da" yoem: moo" phung" yoeb yo'-byu nya: zoo: gi thu' myang gyoo" loo wa.

ACTS 26:13

Khyoolaid' moo do, lo" nyid uri nyid" khyoug bidnyid" gung tu: ayo, moo Khokham" phoo we" - Bid' tho' moo je bang da" bidbang daloem: gi moug: khung: khyo" bang thu' lo wigi nga" da" ayam, aqei: yo' ngoo yo' dage" nghoid mo, da" ayam, aqei: moo bang jo, ziri ngoo myang.

Pang Shug 1:7

Yu" ge'. nyang: gi jhoem: moug" zhoung: lho: doem gyoo" loo wa nghoid. Aseing: ri lham: toin wigi thoug" bang: yo' dage" Byu yi dangain" mo, gi shau" myang boem wa zi nghoid. Moug: myid tho' mo byumyu" bain sho' mo, gi nyang: yoomo ngau yed, leung lo" boem wa zi nghoid. Houg: su" bue" loo baja" o".

Pang Shug 18:1

Hau: thang: ri moug: khung: mo gyoo" lo da" mouglagyoo: gootu: ri ngoo myang. Nyang: gi gyi: thang da" amyeing" yoem: so' ci: lho nya: phung yoeb, gi mougmyid gyab, goin" moo doug bang to".

Pang Shug 18:21

Hau: thang: moo yoem: moo" bo da" moug: lagyoo: dayug gi gyi: da" lug lheing: zeing yhi' bo da" lug daloem: ri yu lho: panglai gyid thoem" moo du" zei, kaid' wigi " Babelon voomoo" gi hid: yhang: ti" du" khyo' kaid' zi shau" wa nghoid lho: thang: phyang" hau: voomoo" ri khanham we' doem myang loo: wa zi anghoid- ga: tid.

Pang Shug 20:1

Hau: thang: ri moug: lagyoo: dayug gi no, athang da" joyoo mo khoem" thoug" yo' jo to' jang coo" doem, zeing ri nya: lo, moo ci: lho: moug: khung: moug: di mo gyoo" lo ziri ngoo myang.

Pang Shug 4:3

Hau: youg da' myonhoo: gi Nagathoi lug nyoug yo' Paiddamya" lug nyoug yhang: ti" lo, lo, bang nyid. Zhung: tang da" loem: lheing khab, moo gi mya' lug nyoug yhang: te" da" seing: yhang: tei" to.

Pang Shug 5:2

Hau: thang: ri yoem: moo" bo da" moug: lagyoo: dayug gi Hang" su: gi he: da" dazid' joem ri yo" shed, lho: he: mougsoug" deing: ri pei: moin: yi" wa lha". ga: thui: moo" yo' yoid nyho: nyid ziri ngoo myang.

Pang Shug 8:13

Houg: lang" ngoo doem yu" kaid ri " gyoug pho" zi gyoug pho" joem: lo" khyoo" o", ga: Goo tu: da' moug: lagyoo: soem" yug moid kaid da" laboo" thui: joem myeung thu' loo lang" mougmyid tho' mo nyid moo nyid bang: shid re" Atho' tid da" gyoug pho" khyoo" o",, ga: wogi- moug: laid' phyoo" moo dang: lheung: yen" da" zoin, bung: dadu: thui: moo" yo' nyho: tid yen" ziri ngoo shau" gyo.