Pang Shug 1:8 - Lacid Common Language Bible

⁸ Goo nham pyaid he: da" pyaid thang: phyang" apyaid moo ju" sho' danyid nyid da" athang agoin yoem: moo" bo Aseing: Mangsoo gi da tid nyid. Ngoo gi xang: shed" su: we' lo" thang mo su: we' nghoid- ga: tid nyid.

Pang Shug 1:8 교차 참조

APOEM AYANG: 17:1

Abram goug: xe: goug: zain nghoid ri Aseing gi nya: jhang re" lho: «Ngoo gi myhang: thang da" Mangsoo nghoid. Nga" dang: tam" gyo: lho: ge da" moo" khanham we' dazei: nyid we'.

APOEM AYANG: 28:3

Myhang: thang da" Mangsoo gi nang ri byu myoo" sho' da" nya: phoo bue" loo nhang: wa shid re" re" da" ikoin deungkhu: ri mainkaid byid: lho: zooshang: myoo" sho' yoo" nhang: baja".

APOEM AYANG: 35:11

Houg: lho: Mangsoo nyang: ri «Ngoo gi myhang: thang da" Mangsoo nghoid. Zooshang: myoo" sho' yo' byumyu" zeing gi nang mo nyid je: re" wa nghoid lho: nang gi khokham yi da" phoug" phyid" bue" loo wa.

APOEM AYANG: 43:14

Myhang: thang Mangsoo gi hau: nheigboo phoo gi nanu" ri nheig khyeug shoo" myen: nyid baja". Nyang: gi Benyamin yo' nanu" mang: nhung" phoo Simun ri nanu" lo, khyoo: doem tau" ab kaid baja". Ngoo nya: shid re" koem' gi ngoo nga" zooshang: yiri ci: phyug pyam nghoid rigi byug loo" baja"» ga: tid.

APOEM AYANG: 48:3

Yaku gi Yoseb ri «Khanan mung" mo Luza joyoo moo myhang: thang Mangsoo gi ngoo ri thu shid lho: ngoo ri mainkaid byid: bye:.

APOEM AYANG: 49:25

Hau: zigi re" phoo da" Mangsoo gi nang ri pang" thoug nyid zi nghoid. Gyi: myhang: thang da" Mangsoo gi nang ri mainkaid byid: zigi Moug: tho' khyo" jeju" moug: gyid moo we' Houg: lho: myidjang khoug: mo gyid moo we' Myoo" sho' da" jeju" gougnyhoug joem yo' zooshang: yi moo we'

THU' LO" MOUGSOUG" 3:14

Mangsoo gi «Ngoo nghoid nyid ziyo' dakhyoo" ti" ngoo nghoid ga: wigi nyangnu" ri nang tid ca". Ngoo nghoid ein: da" su: ngoo ri nanu" jhang khyoo: nhang: kaid.

THU' LO" MOUGSOUG" 6:3

Ngoo Abraham- Isag- Yaku bang: ri myhang: thang Mangsoo ein: da" myeing yo' thu shug nghoid loug nga" gyeung" shang: Aseing ein: da" myeing ri nyangnu" ri ngoo nyang: nyang: asi' nhang:.

ESAIA 41:4

He: zi bui" nhang: su: hang" nghoid la". mhoomyid: da" apoem: ayang: ri hang" myid phyed to" la". Ngoo Aseing gi xang: shi" mashid" moo nyang: nyid nyid. ngoo Aseing gi thang: thang moo nyid nyid wa.

ESAIA 43:10

Israela byumyu" yi we"- nanu" gi nga" sagse: nghoid ago". Ngoo gi nang ri nga" dei zoo: khyo" khyen: yu bye:. Houg: lang" nang ngoo ri se wigi loem" jeing" wa ziyo' ngoo dayug kyeing" Mangsoo nghoid ziri se' gyoo: wa shid re" nghoid. Ngoo mo lid wigi yu phara" gootu: anyid. Khanham we anyid yu" khanham we' nyid zi anghoid.

ESAIA 44:6

Israela ri vhoebkhang" wigi goem loem byid: da" Aseing myhang: thang Aseing tid zigi «Ngoo gi xang: shi" su: yo' lo" thang mo su: dayug kyeing" da" Mangsoo- ngoo mo lid wigi yu phara" gootu: anyid.

ESAIA 48:12

Aseing tid zigi «Ngo wigi khe: to" da" Israela byu yi we"- nga" dang: ri tam" gyoo: ge'. Ngoo gi Mangsoo nghoid- xang: shi" yug we' lo" thang yug we ngoo Mangsoo nghoid.

ESAIA 9:6

Ngoonu" shid re" zooshang: khu: byid: abye:. Ngoonu" ri yuggi zoo: byid: to" abye:. Houg: lho: nyang: gi ngoonu" da" vhoebkhang" yug nghoid loo wa. Nyang: ri «Mau" pho" phajhi" byid: yug» «Myhang: thang Mangsoo» «Apyaid atoo: mo phoo» «Ngei pyoo: yug yo da" khokham nu"» ga: myheing loo goo" wa.

GYUNG: SOO" 24:4

Nyang: gi Mangsoo tid da" dang: ri yo" shau" gyo: yug nghoid. Ngoo yu" mo, nyid uri yoem: bo thang da" Mangsoo wigi ci: shug byid: da" avoid daja: ri myang.

2~KORINTHU 6:18

Nanu" da" nya: phoo ngoo byui" wa nghoid wigi nanu" gi nga" da" yuggi zoo: yo' myiyi: zoo: yi bui" wa zi nghoid- ga: wigi athang agoin yoem: moo" bo da" Aseing: gi da tid nyid.

Pang Shug 1:11

Hau: da" thui: gi nang yo" myang yu bye: da" khyoo: joem ri mougsoug" bug moo lhid" kaid to" lho: Ephesu voo- Samurna voo Pegamu Thuatira Sardi Philadephia yo' Ladoki voo moo zheung: nyid da" phung nyhed loem: bang: jhang khyoo: foin: kaid' we' ga: tid.

Pang Shug 1:17

Hau: yug ri myang lang" nya: da" khyid: yang: moo shid: su: yhang: ti" ngoo leung lo- nyang: gi nya: lo, yo lo, nga" tho' moo ki" byid: lho: Agyug- ngoo gi xang: shed" mo su: we' - lo" thang mo su: we' nghoid- ga: tid.

Pang Shug 1:4

Ngoo Yohan gi Asia mung" mo phung nyhed loem bang: jhang khyoo: mougsoug" lhid" kaid. Goo" nham, pyaid he: da" pyaid thang: phyang" pyaid khanham we' dangid nyid da" Venyi: nyhed youg jang" mo we'

Pang Shug 11:17

Akhid" pyaid moo we' thang: phyang" pyaid moo we' " Dageung: teung jo, da" yoem: moo" bo da" Aseing: Mangsoo we"- Nang gi nanya: da" zoug: myeing" ri ci: lho: davhoeb, khang" nyid yoomo ngoonu" gi re" da" jeju" ri coung" nghei nyid boem o".

Pang Shug 15:3

Nyangnu" gi Mangso dei zoo: Moshe yo' Yang nu" da" shid khoin" moo zheung: yab, jo, boem wigi " Moug: thu' xang: poin: mo wigi danyid nyid da" Mangsoo we"- Nang koid da" moozoo" gi gyi: thang lho: mau" pho" zi nghoid nyid nhung: Byumyu" yi bain' sho mo, da" Khokham" phoo we"- Re" da" moozoo" joem gi jo ziyo' deingmain" zi za: danghoid nhung:.

Pang Shug 16:14

Nyangnu" gi main: yu joem da" soo" byoo, joem nghoid wigi alhoo: again joem ri yo" koid shug. Hau" venyi soem" du: gi yoem: moo" bo Mangso meing: zain: da" bidnyid' zeing mo, gyipui" khyoo:- mougmyid gyab, goin" moo nyid da" - Khokham" yi ri dage" khe: zheing" wa shid re" thu' lo" boem.

Pang Shug 16:7

Hau: thang: ri xoin" to' phoin: mo thu lo da" thui: gi " Athang agoin yoem: moo" bo da" Aseing: Mangso- Nang dang: phyed' nyid da" khyoo: gi deingmain" da" khyoo: yo' deing nyeung" khyoo: nyang: nghoid bye"- ga: tid nyid ziri ngoo shau" gyo.

Pang Shug 19:15

Byumyu" bain sho' bang: ri oung: pyam' wa shid re" nya: da" nhoid mo tho' da" lhab, sham: thu' lo nyid. nyangnu" ri we' joto' lham: doung: wigi vhoeb, khang" nyid wa zi nghoid. Gyi: sheung: myhang: thang Mangsoo nheig gyed" da" - zabyid xoem: zhung: zeing moo nyang: nang: jhoeb, kaid' wa.

Pang Shug 19:6

Hau" thang: rigibyu phung moo" zeung thui: yhang: te" zi gyid lung" gyo" myheung da" thui: yhang: te" zi moug: goin' myheung da" thui: yhang: te" ziri ngoo shau" gyo. "Nyang: nu" Mangsoo ri coung" nghei boem zigi Ngoo nu" da" yoem: moo" bo Aseing: Mangsoo gi Khokham" nghoid nyid.

Pang Shug 2:8

Samurna phung da" moug: lagyoo: jhang khyoo:- hid: su" ein: lhid" kaid we' He: da" dang: gi xang: shed' su: yo' lo" thang su:- shid: lo" lho: kangso' doem dei loo su: youg jang" mo mungdang: nghoid.

Pang Shug 21:22

Hau" voogung khoug: moo gi noku yhoem: moo" ri ngoo amyang- Khasu" wim gari yoem: moo" bo da" Aseing: Mangso yo' Yang nu" gi hau" voogung mo noku yhoem moo" nghoid nyid.

Pang Shug 21:6

Hau: lho: nyang: doem, tid zigi Hau: gu: gi bain koid bye"- ngoo gi xang: shed" mo su: yo' thang: thang mo su- gam shid" shi: su: yo' gam thang: theing su: we' nghoid- gyid shed' su: ri hau" kangso' gyid ' bug moo shug gyid ri aphoug" amho, loo: za: ngoo byid: wa zi nghoid.

Pang Shug 22:13

Ngoo gi xang: shed" yug yo' lo" thang yug- gam, shid" shi: su: yo' gam, thang: theing su: nghoid,, ga: wigi Yesu tid.

Pang Shug 4:8

Hau: da" gougnyhoug myid: ja: goin" moo dung khyug khyab, khyab, dab, boem wigi gung tho' gung khoug: dangain" jang" moo myojid" za: byeung" sho' sho' dab, ago". Nyangnu" gi nyid" ri myen" ri anoo: ayab, loo: za: " shid' phyang" apyaid' he: da" apyaid' thang: phyang" apyaid' moo ju" sho' danyid nyid da" yoem: moo" bo Aseing: Mangsoo gi gyeungshang: gyeungshang: gyeungshang: nyid o"» ga: wigi coung" nghei nyid boem ago".