Pang Shug 1:7 - Lacid Common Language Bible

⁷ Yu" ge'. nyang: gi jhoem: moug" zhoung: lho: doem gyoo" loo wa nghoid. Aseing: ri lham: toin wigi thoug" bang: yo' dage" Byu yi dangain" mo, gi shau" myang boem wa zi nghoid. Moug: myid tho' mo byumyu" bain sho' mo, gi nyang: yoomo ngau yed, leung lo" boem wa zi nghoid. Houg: su" bue" loo baja" o".

Pang Shug 1:7 교차 참조

YOBA 33:26

Nyangnu" akyu" mho' ri Mangsoo nyangnu" ri tu" byid: wa. Nyangnu" gi Mangsoo ri ngei bu: tung" noku byid: loo wa. Mangsoo gi nyangnu" shid re" aja: ja: ri jo da" khyo" doem koid loo wa.

COUNG" NGHEI 22:16

Akhyeung" da" byu daphung gi ngoo ri lheung khoem to" boem bye:. Nyangnu" gi zeigni joem yhang: ti" nga" nam, moo: zeung: foem: lo lho: nga" khyid: lo, joem ri ngaid phyed pyam byid: boem bye:.

COUNG" NGHEI 68:1

Mangsoo gi to' lo lho: nya: gyivoo joem ri khaid sain" pyam bye:. Nyang: ri ngheung" nyid bang: soem" lo" ziyo' phang: lo" byoug boem abye: go".

COUNG" NGHEI 97:2

Jhoemmoug" joem yo' moug: coid gi nyang: ri lheung khoem to". Nyang: gi deingmain" ziyo' deingmain" khyo" vhoebkhang" nyid.

ESAIA 19:1

He: zigi Egutu yo' sen: da" mungdang: nghoid. Aseing gi myab da" jhoem: thei" adang moo zhung: wigi Egutu mung" khyoo: re" lo nyid da:. Egutu byu yi da" yu phara" soolhoo: joem gi nya: shidkhoin" moo ko' ko' nain" lho: Egutu byumyu" yigi nyangnu" da" voem" myid thang byug abye: go".

DANIELA 7:13

Hau: myen mo he: yoeb myang ri myang nyid uri byu xangsu: dayug te" da" su: ri shau" myang. Nyang: gi jhoemmoug" wigi lheing khoem ci: lho: nga" jhang tab re" da:. Houg: lho: nyang: gi apyaid atoo: mo dei nyid yug jhang yhe: lho: nya: shidkhoin" khyoo: vang yhe: da:.

NAHUM 1:3

Aseing nheig yoo: lei su: anghoid. Nghoid loug we' nyang: gi yoem: moo" boo su: nghoid lho: shoid vhang: su: ri ajhoug" amho' loo nyid su: anghoid. Aseing so" yen" joyoo moo uglid moid lo lho: jhoemmoug" joem ri we' nya: khyid: khyo" nang: tang" kaid da" pheilhoug: nghoid nyid.

ZEKHARIA 12:10

Hougsu" ngoo gi David da" nya: myid: nya: zo: bang: yo' Yerusalem voomoo" moo nyid bang: ri nheig se' khyeug ziyo' akyu" se' mho' da" Venyi: kaid pyeing byid: wa. Nyangnu" thau" said pyam' su: ri coem' yu" lho: nyangnu" gi nyang: nya: zooti" zoo: anghoid lang" zooshid" zoo: shid: lo" yhang: ti" nyang: soo" soo" koug ngau nyid goo" wa zi nghoid.

ZEKHARIA 12:11

Hau: ayo, moo Yerusalem moo koug ngau zigi shid phyang" Mekido koo' lhang moo Hada Rimon shid re" ngau yu" yhang: ti" ngoug zeing nyang: shau" ngoug boem wa nghoid.

GYUNG: SOO" 24:17

Ngoo gi ju" loo wa da" ayo, khyoo: yu" kaid ri Israela byumyu" yiri myang. Bang da" kyi: yhang: ti" khokham dayug hau: byumyu" akhoug: mo nyid thu loo wa. Nyang: gi kyi: yo' dakhyo" Israela mo nyid thu wa. Nyang: gi Moba vhujhung: yiri khaid zain: loo wa. Houg: lho: Shed mo byu dangain" ri baid khyo' pyam ri" wa myang.

MATHE 16:27

Byu da" nya: zoo: gi Nya: pho, da" myonhoo: phung yoeb bang ri void' ci: lho: Mouglagyoo: yi yo" dage" gyoo" loo wa. Hau: da" bidnyid ri mougmyid byu yi dayug yo" dayug ri nyang: nyang: koid: da" moozoo" yo' dakhyoo" ti" doem tau" byid: wa zi nghoid.

MATHE 16:28

Ngoo nanu" ri deung" deung" tid ba,- he: joyoo moo nyid mo, dayham" gi Byu nya: zoo: ri khokham" khyo" nyang gyoo" lo zi amyang shi" rigi ashid: goo" wa» ga: tid.

MATHE 24:30

Houg: thang: byu da" nya: zoo: gyoo" loo wa da" alhoo: again gi mougtho moo myang thu' loo: wa. Jhoem: moug" ju: lho: gyi: thang da" myo nhoo: phung" yoeb zeing yo"- Byu da" nya: zoo: gyoo" lo da" ziri mougmyid byu yi bain sho' mo lhoem: myang da" uri ngau nyid boem wa.

MATHE 25:31

«Byu nya: zoo: gi khokham" khyo" - Mouglagyoo: dangain" yo" dage" ju" gyoo" lo da" uri Nya: da" khokham" zhung: tang tho' moo zhoung: jo, wa nghoid.

MATHE 26:64

Yesu gi «nang nyang: tid abye: nghoid loug we' akhid" mo byu da" nya: zoo: gi myhang: thang su: da" lo, yo shoid moo zhoung: jo ziyo'- moug khung: mo jhoem: moug" zhoung: lho: ju" re" ziri nanu" myang boem wa» ga: nyang: ri tid.

MARKU 13:26

Houg: lang" byu nya: zoo: gi yoem: so' phung" yoeb yo' dage" jhoem: moug khyoug: moo re" ziri nyangnu" myang boem wa.

MARKU 14:62

Yesu gi ngoo nghoid-byu nya: zoo gi myhang: thang su; da" lo, yo shoid moo zhoung: jo, ziyo'-moug: khung: mo, jhoem: thei" khyoug: moo ju" re" ziri-nanu" dangain" lhoem: myang goo" wa nghoid-ga: tid.

LUKA 21:27

Hau: thang: ri jhoem" moug" khoug moo gyi: thang da" yoem: moo" phung" yoeb yo'-byu nya: zoo: gi thu' myang gyoo" loo wa.

YOHAN 19:34

Nghoidloug we' gyizoo: dayug gi Yesu da" nam joug moo lham: toin wi thau" kaid da" uri dalheing: dam nyang: suid" yo" gyid yau thu' lo.

YOHAN 19:37

Gootu: da" jhoem dang: moo we' Byu yi gi nyangnu" thau" phoug too" su: ri nyangnu" yu" nyid boem wa"- ga: boo lhid" to" ga: tid.

1THESALONI 1:10

Moug: khung: moug: di khyo" ju" ri" wa da" Mangso nya: zoo: ri dalang" nyid boem ziri we' hau" byu yi dangain" mo, gi tid fu" nyid boem abye: go- Hau: nya: zoo: Yesu gi shid: bye: jang" mo Mangso wigi doem dei to'' loo nhang: yoomo ju" loo wa da" Mangso nheig yo: lo bidnyid mo, nanu" ri khyoid khyi: yu su: nghoid nyid.

1THESALONI 4:17

Hau: thang: ri hau: Aseing: yo' moug: laid' phyoo" moo shau" goo" wa shid re" ngoonu" dei nyid shi" mo, gi shid: loo" bye: mo, yo' dage" jhoem" moug" phyoo" moo shu" do, lo" zi shau" boem wa nghoid wigi ngoonu" gi hau" Aseing: yo' dage" khanham we' danyid nyid wa zi nghoid.

HEBRE 10:29

Houg: su" nghoid rigi Mangso da" nya: zoo: ri aphoug" akhyoid' koid su: gi ngoonu" gi nyang: ri youg: noo yooboo mo ced" gyeing ced" shang: yu da" Mangso dang: theing khoin" yo' sen: da" suid" ri ci: asoin: cishu: anhang: su: gi jeju" byid: nyid da' Venyi ri aphoug" zoo: wa da" shid: gyoin, noo gyoin gi khayhi' je" no, wa lha". damyid yu" ge'.

HEBRE 6:6

Nghoid loug we' nyangnu" gi nyang: nya: da" loem" jeung" loem, khau khyoo: ri she: pyam boem bye- nyangnu" gi Mangso da" nya: zoo: ri pyang" zeing moo dalheing: doem baid jen" lhang" lho: mung" byu yi da" shid' khoin" moo aphoug" akhyoid' sho' thu' nhang: boem yoomo nyangnu" ri nheigloem: doem thed' loo wa da" shid re" gi kha: su" we' age bui" loo.

1YOHAN 3:2

jheddab bang: we"- ngoonu" akhid: gi Mangso nya: zoo: yi nghoid boem bye- Nghoid loug we' nyhang" thang: phyang" cibui" wa zi gi bain' sho' ase' boem shi". Nghoid loug we' Khristu nyang: doem thu' lo da" bidnyid rigi ngoonu" gi nyang: yo' du, goo" wam: bye"- Khasu" wim gari nya: gung doem: ri nyang: ngoonu" shau" myang boem wam: bye.

YUDA 1:14

Adam: mo xo' gyo" lo da" nyid' xeig ein: jang" mo E-nug gi hid: bang: khyoo: yo' sen: lho: goo" nham, mo lapi: pe: too" bye- hau: zigi Aseing: ginghab, loo atho' da" gyeungshang: mau: lagyo; yi yo' doem gyoo" loo wa nghoid.

Pang Shug 22:20

Nghoid bye" - ngoo amyang" ri deing" deing nyang: ju" ri" wa ga: tid. Houg: su" bui" baja"- Aseing Yesu we"- gyoo" ri" we' o".

Pang Shug 22:4

Ngoonu" gi nya: da" myonhoo: ri yu" wigi nyangnu" da" ngeilang: joem moo nya: myeing ri lhid" tab to" boem wa.

TARHA" AGYI 5:31

Aseing we"- re" gyivoo yi dangain" houg yo' dakhyo" shid: boem goo" baja". Nghoid loug we' re" bidnoem yigi bid yo' dakhyo" zhoo: goo" baja" o"» ga: khoin" ago". Houg: lho: mungdain: gi zain loem: myid: xi: yug yo nyid da:.